2 Endagembogut 13:5 - Ala Wone Peenok Peebi Mbanak

⁵ Konengge nagagerik, aap ambi it Iterali mendek inagap ndaruwak nduk, koongge mbareegi, it aap Aram ineenggime nen mbaganit aa'nduk inawooliya wuppunuk, wonogogwaarak nogo ndak-ndak ari wogogwaarak.

2 Endagembogut 13:5 ပူးပေါင်းရင်းမြစ်များ

2 Endagembogut 13:25

Ndi, aap Mben-Karat nen Yokawat ogoba Yowakat imbirak wim eeko logonet, yi kota ndi kota tebenggolagagerak nogo, aap Yowakat aput Yokawat nogo nen obaane'me kolaakit nduk, ne kenagan paga aap Mben-Karat tebenogo punuk, o kota-kota nogo waganeegerak.

2 Endagembogut 14:25

At Aliku Iterali inogoba Ala nen yoge kagak yoraga ayeloman Amitayi aput Yunut o Nggat-Kepet mendek nogo yoge kagak yoragagerak nogo ndak-ndak, at Yerobeyam nogo nen it Iterali wonogo menggam inanggween o Kamat tu unggwogo menggam nen nok, niyo Mayu Ogup Yenggenak kuli mbanak nogo obaane'me kolagagerak.

2 Endagembogut 14:27

“It Iterali o nggween paga yime inendage mbanak nogo koorogo pigin lek o, yinuk, yereegirak me, yeenggwaaraakit o,” yinuk, aap Yokawat aput Yerobeyam aret mippereegerak.

1 Mbinineegwaarak 11:2

O maan aa'nduk nen at Tawun nogo ninowe endagembogut logonet, wone lengganogo yo'nirage kagak, wim namburiyak nduk, wundi nage kenok, it Iterali ineegin warak nogo kat nen aret wogoren wundi nagak eeke keegak, at Aliku kogoba Ala nen kat yokkege logonet, Kat an napuri Iterali nogo ndomba ndegeninako mengga kwak, ndegeninake, inowe kendagembogut logonet, wone lengganogo yorage, eeke logomunggun o, yinuk, yokkereegerak nogo o,” yoreegwaarak.

Nekemiya 9:27

inom wim mbanak nogo ineenggime piige mbareegin, it inawim nen nonggop eekkoloobok eerogo piigwi iinok, inoone nggwok yokkogo mbareegwa, kat mbogut paga nen konengge nagagindik, inabuwa mbake logonet, inagap ndaka mippiige mbareegin, it inawim ineenggime nen inagap ndako nogogwaarak.

Etet 4:14

Kat yori naga'lek puk mban wonage keenok, nit aakumi Yakuri mendek ninagap ndariyak nduk aap alik nen yeenggwa nira wogwe iigak, kat inom, kiriwi inom, kinenggaawak lek arumunggup o. Togop me, wone agaarak yi, kat nen aret kooniyak nduk, aap endagembogut akwe, kwe nggwok agandak kero!”

Wundeegwaarak 4:10

Yoge mbareegi, at Muta nen Aliku ALA yoge, “Ai nogoba! An kayeloman o maan nen yogondak wone yori noorak yo'negendak yi kuli, aakumi ninom wone mbangge logonet, noone teeluk mbanggeelik nambe aaninggin me, meek o.”

Yetaya 19:20

Yugum o Metit ogobakkigirogo mippugu nogo ti, at Omaawi Lombok Menggerak Aliku ALA inom wonage abeko logowak nduk pugu wonage me, it aakumi nen tebenogo piigwi iinok, yeenggwaaraawak nduk, inoone nggwok paga Aliku ALA yogo mbaremengga, Aliku ALA nen inagap ndaka omaawi ambik ambi nappi wage kenok, at nen aret inagap ndarogo piyaagin o.

Obaya 1:21

It Etawu mendek menggam puut nggelok-nggobok me wonogwe nogo, Inabu'me piinok wone lengganogo yorogo logowok nduk, Inagap ndaka puut Tiyon paga lagi nagun o. Ndi, lagi nanuk, it wone lengganogo yorogwe iigak, inarum logonet, Inowe endagembogut ti, Aliku ALA aret logogin o.

Lukat 2:11

kinagap ndaka ninogoba Keritut nogo Ndawut nda'nagagim amulok paga nogome kinake o yogondak aret nda'naga o.

Pelaareegerak 19:4

Leenogo pumonggotak me, ne ambi paga aap ambi nen ore anini mbake, wariyak mbake, eeka'lek me yinip-panip warogo pege logomenggerik, agap ndarak logowak nen, o time unggwi nage logorak,

1 Tamuwen 12:11

Aliku ALA yogo mbareegwa, at Aliku ALA nen aap Yeru-Mba'an inom, aap Mbarak inom, aap Yepata inom, an Tamuwen inom, nappinaneegerak ninawim ninaagan-ambokan wonogwe nogo, ineenggime nen ndinogo pinagareegurak paga kiniki ugun tayenak obeelom aret ogotik o.

1 Tamuwen 19:7

Kumbuk mbangge mbareegi, at Yonatan nen Ndawut wiireegerak wage mbareegi, wone ogoba imbirak mbaneegwaarak nogo abok aret mbininogo yoge nagagerik, Ndawut nogo wonok Tawun owagam pi wage mbareegi, at Ndawut nen Tawun ake aa'nduk eeke nagagerak nogo ndak-ndak aret eeke nagagerak.