2 Endagembogut 13:4 - Ala Wone Peenok Peebi Mbanak

⁴ Piyareegerak kwe, it aakumi Aram mendek nen Iterali aaninggin mondok alik negen inoba pugwi nogo, at Aliku ALA enegen iyareegerak me, at Yowakat nogo nen, “Aliku ALA ninabuwa mba'nuk yeenggwa niraawak o,” yinuk, nggino yoge mbareegi, Aliku ALA aruk koneneegerak.

2 Endagembogut 13:4 ပူးပေါင်းရင်းမြစ်များ

Wakkagagerak 21:17

At wulaga Itamayen oone ari nogo Ala nen aruk konengge nagagerik, yonggo nappiya wage menggerak malayikat ambi agi mbogut paga nen kwe Agat nogo yoge logonet, “Kwe Agat yi wae. Kat nano paga kiniki piirik agandik o? Kat kaagaluk punuk waganom oone ari nogo, muk Ala aruk konenggerak me, kagabiti mbarugun o.

Wakkagagerak 31:42

An nogoba Itak ogoba Ala inom, Abarakam ogoba Ala inom, ndi, at Itak nen Ayuk Wuke Menggerak inom, nogo nen an narum logonetak lek nen, kat nen an neenggime ambi panega'lek we aret mugogo nappani woranetak kwe, an andi-pandi ee'nake kagak, kat keyabu nggwiirit-nggwaarit eerit nege nogo at Ala nen neyareegerak me, kat kii'me nogo yege me wone yokkegerak ti aret o,” yoreegerak.

2 Endagembogut 13:22

Aap Yowakat nogo Iterali inowe endagembogut logonet, wone lengganogo yorage kagak, aap Aram inowe endagembogut Katayen nogo nen it Iterali mendek tebenogo piigak mban eeke nagagerak kwe,

2 Endagembogut 13:23

aap Abarakam inom, Itak inom, Yakup inom, inom wone nggaruk togon koonogo pereegerak paga Aliku ALA nen it Iterali, “Nonggop wonogwe o,” yinuk, enegen wogonake logonet, inabuwa nggwok mba'nuk, iniki kunik aganake nagagerak me, it Iterali mendek lek eerogo piige, kobak eerogo mbo piige, eeriyak, “Neebi,” mbareegerak nogo, o yogondak togop mbake wonage aret o.

2 Endagembogut 14:26

At Aliku ALA nen it Iterali mendek inendage warak inom, inendage lek inom, abok aret andi mondok alik negen yagan wakwi iigak kwe, ambi nen yeenggwaaraga'lek aret iige nagagerik,

2 Mbinineegwaarak 33:19

Ndi, at tamban eereegerak inom, abuwa warak nggo-nggo logonet yoge mbareegi, Ala nen, “Abet aret yo'nege kagi,” yinuk, eeppereegerak inom, maluk eerit nage nagagerak inom, Ala wone li'lak eeka'lek mbo punuk, puut-puut paga kugi eeko menggam ogobakkigirit nagagerak inom, kugigwe Atitoret ageyo arelen yinogo mippit nagagerak inom, kugi inogut eerogo pit nage nagagerak inom, iniki tebeppaka'lek logonet eerit nage nagagerak abok aret it inabinggaanggo kaga nen liiru mbanggo nogogwaarak paga inom mbanak wonage o.

Etara 8:23

nit mbi nengga'lek ninambe mage negen logonet, ninogoba Ala mban nggino yoreegurak nogo aruk koneneegerak.

Ayup 22:27

Tamban eeke keenok, Ala aruk konengge, Yogop eerigin o, yinuk, wone kumbuk mbanemenggendak nogo, A'me aret eeke logonok nduk eeppagage,

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 78:34

At Ala nen inooke kenok, it nen at mugurok nogwe, Yungguk togon pelen-pelen at mugurok nogwe,

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 3:9

It aakumi Metit mendek nen aakumi Iterali mendek aaninggin-paaninggin inoba piigwi iinok, iniki aaninggin logonet, inoone nggwok paga yo'nugwi nogo an muk liippiigirak me,

Yetaya 26:16

Kaliku ALA wae. Nit nonggop eekkoloobok kenok, kat kowagam wogwe, Niniki koonnaruwak nduk, aaninggin ninoba pinanege mbareegin, “Ai-ao,” yogo logonet, tamban eekwi, Eekoorak o.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yeremiya 2:27

Eyo obate mbanak kagak, Kat an nogoba aret o, yogwi, Yugum kagak, Kat an nda'nabeegindak aret o, yogwi, Eeko logonet, It nen ina koonogo pe'neega'lek inambokan paneegwaarak kwe, Aaninggin inoba kwi'nari wage kenok perak, Pilak yinuk, Ninagap ndari mok ubi! yinuk, yo'nogo menggaarak.

Yeremiya 33:3

Kat nen an nggino yo'niru o. Nggino yo'nege keenok, an nen onggo yokkege logonet, iya tit eeriyak mendek inom, kat liippuurak meek, keenggo'lek mendek inom, yokkirigin o, yinuk, yo'negerak o.

Linggineegwaarak 21:7

Kambit nogo mbareegwa, it aakumi Iterali mendek nogo apit aret Muta owagam wogo nogogwaarik, yogo logonet, “Kat inom, Aliku ALA inom, ninoone maluk yokkirogoorak ti maluk nggwok eekoorak o. Ndi, maluk eekoorak paga waalo ineyak mbaninakwi yi, lek aruwak nduk, kat nen Aliku ALA yoru o, ninogoba!” Yogo mbareegwa, at Muta nen it inake Ala yoreegerak.

Owak Loongga 10:10

Eeke mbareegi, Iterali nen inoone nggwok paga at Aliku ALA yogo logonet, “Nit nen kat ninogoba Ala mbo pagago nogoorik, kobaane'me kugi Mba'an mippunuk, mugurok nogo nogoorak nogo ti, maluk lombok eeppagagoorak o,” yoreegwaarak.