2 Endagembogut 13:19 - Ala Wone Peenok Peebi Mbanak

¹⁹ Puk age mbareegi, aap Ala wone liirogon eeka nogo nen at mberege logonet, “Ne 5 kuli ilik, ne 6 kuli a, nggween yinik-kunik eerogo penetak nen it aakumi Aram mendek tebenogo piige logonet, mondok lek eerogo piyoorak kwe, ne kenagan paga mban eekendak me, it Aram mendek nogo ne kenagan mban tebenogo piyaamunggun o,” yinuk, yoreegerak.

2 Endagembogut 13:19 ပူးပေါင်းရင်းမြစ်များ

2 Endagembogut 13:18

Yoge nagagerik, at Elita nen, “Maale ando wagangge logomenggendik, nggween paga yinik-kunik eerogo pit nak o.” Yoreegerak ne kenagan kuli maale nggween yinik-kunik eerogo pit nage nagagerik, puk agagerak.

2 Endagembogut 13:25

Ndi, aap Mben-Karat nen Yokawat ogoba Yowakat imbirak wim eeko logonet, yi kota ndi kota tebenggolagagerak nogo, aap Yowakat aput Yokawat nogo nen obaane'me kolaakit nduk, ne kenagan paga aap Mben-Karat tebenogo punuk, o kota-kota nogo waganeegerak.

2 Endagembogut 4:16

at Elita nen kwe nogo yoge, “Tahun ambi eeppunuk, ne yogondak yi ndak-ndak, kaagaluk aap aret kogome kolaamunggun o.” Yoge mbareegi, kwe nogo nen, “Nogoba o. Kat Ala wone liirogon eeka aret me, koone pilit kayeloman an yo'niriyak ti mage o,” yoreegerak.

2 Endagembogut 4:40

Lake mbareegi, it aap nogo nawak nduk, ndoonogo punuk, wogoranet nagagerak nonggo nogogwaarik, inoone nggwok paga yogo logonet, “Aap Ala wone liirogon eeka yi wae. Togolowa'na larak ti, ninooriyak aret agaarik o.” Yogo nogogwaarik, noorak ineebi eeginabeegerak.

2 Endagembogut 5:20

at Ala wone liirogon eeka Elita ayeloman Nggekati nen iniki mbake logonet, “Aap Aram mendek Naman yi nen amendek nogoba wogogerak woolik, We nak, yogerak nogo ti, nonggop nduk, eekerak? Ambi wo'niruwak nduk, mbe agan mugurok na o,” yinuk, Aliku ALA endage kumbunuk mugurok nagagerak.

2 Endagembogut 6:9

Yorage mbareegi, at aap Ala wone liirogon eeka nogo nen aap Iterali inowe endagembogut nogo, wone agago nagake logonet, “It aap Aram mendek tu paga time wambi woraagun me, kit tu time nggwe noorak mage o,” yinuk, eerogo nappereegerak.

Yeremiya 48:10

Aap ambi Naliku ALA nen eyabu unde eeppiminggirak eeka'lek mbo pege kenok, at pulunik aret logowak o. Aap ambi awooluwak paga aakumi inamiya lenggenak lek kenok, at pulunik aret logowak o.

Ala Unde 10:16

Yorage nagagerik, at Muta nen inomaluk lek eerogo piyoorak nduk, warogo Ala ake wogoriyak kambin ngguunok nogo kwaareegerak mendek, kambin nogo muk kani kuneegwaarak mbareegi, Karun apuri Eleyatat Itamat imbirak inoorulik teppiyareegerak nogo mberirage logonet,

Linggineegwaarak 16:15

Yogo mbareegwa, at Muta nogo anini ambik age nagagerik, Aliku ALA yoge logonet, “An nen it inaanggo keledai ambit-ambi wagangge, it mendek ambi maluk eeppiige, eeka'lek neegak yogwe me, it nen kat kake warogo wokkugwi iinok, woorak lek o, nogoba.”

Marakut 10:14

Mberirogwe nogo Yetut iige nagagerik, anini ambik age logonet, “Ala abu'me logorak ti, it elege-aabologwe yogop yi kwak aret me, an nowagam woraawam non mbambiigwi ti mage o. Op aret, yoraanip o.

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Marakut 6:5

At ame time eerubok mendek eeriyak meek aret kagak kwe, ambitak mban kugi andi me inanobak eenggi pippiinok, obeelom eeginake nagagerak.