2 Endagembogut 13:14 - Ala Wone Peenok Peebi Mbanak

¹⁴ At Yokawat nogo kangga'lek awo eenik wonage logonet eeke nagagerak ando nogo yi aret. At Elita nogo andi eeke nagagerik, kambikit nduk, yagan wake me, aap Iterali inowe endagembogut Yokawat nogo wage nagagerik, enegen kenok, ale ari logonet, “Nogoba o! Nogoba o! Iterali inanggweendo inom, inaguda paga nega inom, ti aret kagi o!”

2 Endagembogut 13:14 ပူးပေါင်းရင်းမြစ်များ

Wakkagagerak 48:1

Ti'nuk peebi nen at Yutup yogo logonet, “Kat kogoba nogo andi eekerak wonage o.” Yogo mbareegwa, at Yutup nogo ogoba Yakup pekka naakit nduk, nage logonet, apuri mbere'ndak Eparayim Manate imbirak wogoren nagagerak.

Wakkagagerak 49:33

Yakup nen wone nogo apuri abu yorage nagagerik, nogo yege menggim taa'nogo winna'nuk kangge nagagerik, ombomini kambunuk kuwak ari nogogwam nggwogoba wonogome nogome iya nagagerak.

Wakkagagerak 50:1

Yakup nogo kangge mbareegi, at Yutup nogo ogobak toguk ogoba eebe paga ngginnage nagagerik, agandin eyak mbangge, le ari, eereegerak.

2 Endagembogut 13:12

At Yokawat nogo Iterali inowe endagembogut a'nuk wone lengganogo yorage logonet, eeke nagagerak inom, eerit nage paga endage nggwok agagerak inom, aap Yekura endagembogut Amatiya imbirak wim eeke nagagerak nogo inom, ando abok ti, it Iterali inoweewi inendagembogut logonet eeko nogogwaarak liiru mbanak paga, inom mbanak wonage nogo lek a?

2 Endagembogut 13:13

Ndi, at Yokawat nogo, ombomini kambunuk nogogwam inom yonggonggola nage mbareegi, eebe it Iterali inoweewi inendagembogut kambeegwaarak o Tamariya piya unggwogogwam nogome inom pi unggwogogwaarak. Pi unggwogo mbareegwa, Yokawat wone lengganogo yorage nagagim obaane'me aap Yerobeyam wone lengganogo yorage logowak nduk, endagembogut agagerak.

2 Endagembogut 13:15

Ari mbareegi, at Elita nen aap endagembogut Yokawat nogo yoge, “Yigin inom, maale inom, wamen o.” Yoreegerak wagangge mbareegi,

2 Endagembogut 2:12

at Elita nogo enegen looge logonet, “Nogoba o. Nogoba o. Iterali inanggweendo inom, inaguda paga nega inom, ti aret kagi o.” Ari kagak, eebe lek aret ari nage mbareegi, ayum yirik nogo aret oolo muundak nibinogo pateegerak.

2 Endagembogut 20:1

Ne ti eyom paga at aap Kitikiya nogo andi eereegerak abu kambuurak eeke mbareegi, at Amot aput Ala nen yoge kagak yoraga Yetaya nogo, pekka wage nagagerik, yoge, “At Aliku ALA nen ari logonet, Kat obeelom arigin lek kambigin aret, yegerak me, kawoneninu kaaganapuri yorage logot o.”

2 Endagembogut 6:21

Ndi, aap Iterali inowe endagembogut nogo nen it aap nogo enegen iige nagagerik, Elita yoge, “Nogoba o. It aap yi, an nen inooriyak op aret mbaken?”

Ndawi 12:1

Kaliku ALA wae. It aap mukkeren nogwe nogo ineebe lek ogwe, It aap koone liirogon mugurok nogo menggaarak nogo Aakumi inenggela'me nen inenggaawak lek ogwe, Eekaarak me, kat nen aret yeenggwa niret o.

Kini Wuppiige 11:11

Aap iniki koonak obeelom eerit nugwi paga o kota endage tiyak ari menggerak kwe, Aap maluk mendek inoone agan nugwi paga nen perak, o kota maluk aret age menggerak.

Yetaya 57:1

It aap iniki abe koonak kanggwi iinok, aap ando nen, “Aap ti kanggi o,” yinuk, iniki liippakwi, It aap obeelom mban eerit nugwi nogo iniki nggigik togon wungge kenok, it ando nen yelok kogwe, Eekulik aret menggaarak o. Ko'lu maluk mendek ambi inoba age kero, it aap iniki abe koonak nogo iniki nggigingge ineenu aruwak nduk, Eeke menggerak kagak liippega'lek aret menggaarak o.

Yetikiyen 14:14

it aap ineebe kenagan aap Nu inom, Ndaniyen inom, Ayup inom, o ti enggela'me logomenggaarak kwe, it iniki abe koonak eerit nugwi paga ineebe kenagan ti mban inili eerogo piige logonet, o time wonogwe nogo abok aret lek eerogo piyane o, yinuk, Naliku Nitok Minggirak an ALA nen aret yagi o.

Yetikiyen 22:30

An nen o ti lek eerogo pege neyo, yugum yagat obaane'me pak wurogo pege, ndi, wurik eno mbanak me ti paga nen inoori unggwage neyo, o ti ake eno mbanak me arum wake, eeruwak nduk, aap ambi kwaareegirak mendek, eebe lek aret kagagirak o.

Takariya 1:5

It kombomini nogo, yogondak nggeeme wonogo agaarik? Ndi, it an nen yorage neegak yorogo nogogwaarak nogo, kangga'lek ineenik mondok-mondok wonogo agaarik ya?

Yaya 11:3

awurilogwe komologwe nogo nen wone agago nappiigo logonet, “Ninogoba o. Aap kat kiniki kunik nogo andi eekerak wonage o,” yinuk, Yetut yori nawak nduk, nappiyareegwaarak.

Nappiigak 13:36

Ala nen at Ndawut eeke logowak nduk punereegerak nogo, at wone lengganogo yorage nagagerak eyom paga ndak-ndak aret eeppege nagagerik, kambeegerak. Kangge mbareegi, ombomini kambeegwaarak inom tabonogo pi nogogwaarak pili agagerak kwe,

Pilipi 2:26

At nogo nen, “An andi ee'nakerak noreewi muk konenggaarak me, nonggoti mbakwi iigak logokwak, pegiya na ilik?” yinuk, iniki piirik eeke kage nagarik, at aa'nduk kinowagam nappi wagi ti o.