2 Endagembogut 12:5 - Ala Wone Peenok Peebi Mbanak

⁵ it aap wu porogo menggaarak nogo nen kit Ala unde kinalitak wokkirogwe iinok, liirogon waganggo logomonggotik, Ala awi wurik ambi maluk aremenggerak wonage kenok, wu ti paga ogobakkigiko logomunggup o,” yinuk, yoragagerak.

2 Endagembogut 12:5 ပူးပေါင်းရင်းမြစ်များ

1 Endagembogut 11:27

Aap endagembogut eebi mbake logonet, eereegerak nogo yi aret. At Talomo nogo nen o Yerutalem wurik eraanu endekenggwe nggween pit lagangge, ndi, ogoba Ndawut agota pak wurit nage, eerit nage logonet,

2 Endagembogut 12:12

yugum nggagangga inom, yugum paga wuka inom, wogorogo logonet, wu nogo eegu paga Aliku ALA awi wurik maluk age kenok ogobakkigiruwak nduk, eyo inom, yugum ogobakkigirik inom, kunggwi, ndi, eegu Ala awi wurik ogobakkigiko logonet wumbugwi, eeko nogogwaarak.

2 Endagembogut 12:4

At Yowat nen it aap Ala unde nogo yorage logonet, “It aakumi ineenggi lingginogo inendage liiru mbanggo logonet, wu kuwak eekwi inom, Ndogop pigin o, yinuk, kumbuk mbanemenggaarak ndak-ndak pi wogwe inom, iniki nen, Pi na o, yinuk, pi wogwe inom, wu Ala ake leenak Aliku ALA awi wurik me pi wogwe nogo ti mendek abok aret

2 Endagembogut 12:6

Ndi, aap Yowat endagembogut a'nuk, Yekura wone lengganogo yorage kagak tahun 23 eereegerak kwe, it aap Ala unde nen Ala awi wurik maluk agagerak nogo ogobakkigika'lek wonogo mbareegwa,

2 Endagembogut 22:4

“Kat nen aap Ala unde inowe Kilikiya ka nage logomenggendik, it aakumi nen Aliku ALA awi wurik me wu pi ungguwok nduk, wonok wogwe iinok, it aap Ala awi wurik me tu unggwogo menggam arum wonogwe nen wu kuwak eekaatak porogo wonage inowe nogo, Mande wonage? yokkiruwak nduk, yori nak o.

1 Mbinineegwaarak 29:6

Yorage mbareegi, it aakumi ndarak ndegek inoweewi inom, aap Iterali inanebunu lombok inarum menggaarak inom, it aap ineegin warak ineebe seribu lombok inoweewi inom, 100 lombok inoweewi inom, it aap endagembogut ake yabu eeko menggaarak inom, abok aret iniki ale'nggen nen

1 Mbinineegwaarak 29:9

It aakumi nogo inoweewi inamendek ili yuulik iniki ale'nggen nen, “Aliku ALA ake wogori o,” mba'nuk, nggaruk togon wogogwi iinok, it iniki ale'nggen mbakwi, ndi, at endagembogut Ndawut kunduk, togop aret iniki ale'nggen ambik age, eereegwaarak.

2 Mbinineegwaarak 24:5

it aap Ala unde inom, aap Lewi mendek inom, kuwak eeppiige nagagerik, yorage logonet, “Kit o Yekura kota-kota paga nogo logomonggotik, tahun ambit eekak paga Aliku ALA awi ogobakkigiriyak ake it Iterali inalitik-inalitak puurak koonak nogo, wokkiraawak nduk, mbet-mbet aret yora nogo logonip o.” Yoragagerak kwe, it aap Lewi nogo nen mbet-mbet aret kuwak eeri naga'lek aret wonogogwaarak.

2 Mbinineegwaarak 24:7

Kwe abu maluk mendek Ataliya aagalogwe nen Ala awi wurik me tu minogo punuk, unggwi nogo nogogwaarik, yi mendek ndi mendek abu alik Ala ake leenak time wonage nogo wonok, inagugi Mba'an ake eekak pi nogogwaarak me, o maluk eerogo pereegwaarak nogo, ogobakkigiriyak wu lek kenok, yoreegerak.

Wundeegwaarak 30:13

Nawooliya wuremenggenom onggo koonogo puurak 1 syikal ti, 20 gera aret me, it aakumi ineebe lingginogo inendage liiru mbanggwi inalitak abok aret wu mbuti perak paga ogobakkigirik setengah syikal ti, aaninggin ambiret kagak abu'me lombok 6 gram negen wakkagak Naliku ALA nake leenogo pogo logowak o.

Yetaya 58:12

O aa'nduk lombok ogowa pugu langgunogo pereegwaarak nogo inapuri nen obaane'me pit nogwe, O maan togon yigirik-noonom eerogo pereegwaarak nogo obaane'me wukwi, Eerugun o. Ti eeremenggaarak paga it aakumi nen, Yugum Pak Wurik Langgunik Obaane'me Wuka, yorogwe, Aakumi Logorak Tu Koonogo Piinet Naga, yorogwe, eeko logogun o,” yinuk, yegerak me, yokkiragi o.

Ala Unde 27:2

“It aakumi Iterali wone yoroorak nogo yi aret. Aap ambi nen aap alik ambi wonok wage logomenggerik, Aap yi Aliku ALA wogorikit o, yinuk, kumbuk mbanogo nake leenogo panemenggerak kwe, lek age kenok, kumbuk mbanemenggerak nogo, Onggo ndogop pogo logowak o, yinuk,

Linggineegwaarak 18:15

Aakumi a, kinaanggumi a, kinarowe-pagi a, agalo inikime nen aa'nduk nda'nage kenok, Naliku ALA nake leenogo pi wogwe nogo ti, abok kit kinake aret o. Togop kwe, inapuri manggu ndarak aap inom, inaanggumi noorak mage yugu nogo mendek aa'nduk ndarak ngguunok inom, ti kenok perak, obaane'me wu aret pogo logowak o.