2 Endagembogut 12:4 - Ala Wone Peenok Peebi Mbanak

⁴ At Yowat nen it aap Ala unde nogo yorage logonet, “It aakumi ineenggi lingginogo inendage liiru mbanggo logonet, wu kuwak eekwi inom, Ndogop pigin o, yinuk, kumbuk mbanemenggaarak ndak-ndak pi wogwe inom, iniki nen, Pi na o, yinuk, pi wogwe inom, wu Ala ake leenak Aliku ALA awi wurik me pi wogwe nogo ti mendek abok aret

2 Endagembogut 12:4 ပူးပေါင်းရင်းမြစ်များ

1 Endagembogut 3:2

Aliku ALA endage tiyappogo logowam Ala awi awo wuka'lek kenok, it aakumi ake warogo wogogo menggam puut-puut time inalitik-inalitak ake warogo wogogo nogogwaarak.

1 Endagembogut 3:3

At Talomo nogo nen Aliku ALA iniki kunik kaawak nduk, ogoba Ndawut nen eeke logorak wone lengganogo yoreegerak nogo, ndak-ndak eeke nagagerak kwe, warogo wogogo menggam puut-puut time warogo wogoge, obari abe kaga nogo mendek inom wogoge, eeke nagagerak.

1 Endagembogut 7:1

At Talomo nen awi o nggwok abe age yobok togon wukkolage kagak, tahun 13 aret eereegerak.

2 Endagembogut 12:18

aap Yekura inowe endagembogut Yowat nogo nen ombomini it aap Yekura inoweewi inendagembogut aap Yotapat inom, Yoram inom, Akatiya inom, Ala ake leenogo pereegwaarak yi mendek ndi mendek inom, at nen yi mendek ndi mendek leenogo pereegerak inom, Aliku ALA awi wurik me wu pogo menggam mbuti emas wonage nogo inom, aap endagembogut awi o nggwok abe wurik me mbuti emas wonage inom, abok aret waganogo aap Aram inowe endagembogut Katayen nappiige mbareegi, aap Katayen nen wim Yerutalem eerikit mbareegerak nogo eerulik puk aret agagerak.

2 Endagembogut 12:5

it aap wu porogo menggaarak nogo nen kit Ala unde kinalitak wokkirogwe iinok, liirogon waganggo logomonggotik, Ala awi wurik ambi maluk aremenggerak wonage kenok, wu ti paga ogobakkigiko logomunggup o,” yinuk, yoragagerak.

2 Endagembogut 14:4

Eeke logonet, puut-puut kugi inake warogo wogorogo menggam minogo mbo puulik me, it aakumi nen puut-puut time inagugi inake warogo wogorogwe, obari abe kaga nogo mendek kani kunggwi, eeko nogogwaarak.

2 Endagembogut 15:4

puut-puut time it kugi inake warogo wogorogo menggam perak, minogo mbo puulik me, it aakumi nogo puut-puut inagugi inake warogo wogorogwe, obari abe kaga nogo mendek kani kunggwi, eekwi kunik aret wonogogwaarak.

2 Endagembogut 16:4

At Akat nogo puut-puut tiyarogon paga inom, teberogon paga inom, yi eyo ndi eyo wiganak alome inom, it inagugi inake warogo wogorage, obari abe kaga nogo mendek kani kungge, eeke nagagerak.

2 Endagembogut 17:11

at Aliku ALA nen aa'nduk a'nuk yi aakumi ndi aakumi wumbiyareegerak nen eeko nogogwaarak nogo kokwak, puut-puut abok aret obari abe kaga nogo mendek kani kunggwi, eeko nogogwaarak. At Aliku ALA nen, “Togop eeriyak mage o,” yinuk, yoragagerak kagak, maluk lombok eerit nogo logonet, inagugiwak tiyappit nogo nogogwaarak paga Aliku ALA anini mbareegerak.

2 Endagembogut 22:4

“Kat nen aap Ala unde inowe Kilikiya ka nage logomenggendik, it aakumi nen Aliku ALA awi wurik me wu pi ungguwok nduk, wonok wogwe iinok, it aap Ala awi wurik me tu unggwogo menggam arum wonogwe nen wu kuwak eekaatak porogo wonage inowe nogo, Mande wonage? yokkiruwak nduk, yori nak o.

1 Mbinineegwaarak 18:11

At Karoram nen wonok Ndawut iri wage mbareegi, aap endagembogut Ndawut nen it aakumi Erom mendek inom, Mowap mendek inom, Amon mendek inom, Pilitin mendek inom, Amalek mendek inom, yi aakumi ndi aakumi tebenogo piyareegerak abok aret inagugun wogo mbuti emas inom, perak inom, Aliku ALA ake leenogo pege nagagerak ti kokwak, aap Karoram yi mendek ndi mendek wonok iri wagagerak nogo, Aliku ALA ake leenogo pereegerak.

1 Mbinineegwaarak 29:17

Nogoba Ala o. Aakumi inabut mbangge, it iniki abe paga kiri wogwe iinok, kinikilom inombake, eeke menggendak neenu me, yi mendek ndi mendek kuwak eerogo pi wagarak yi, niniki abe paga ale'nggen logonet, kake pege, ndi, it aakumi kat kapuri yi kunduk, iniki ale'nggen paga inamendek kuwak eerogo pi wogwe iige nagarik, an togon niniki ale'nggen mbake, eeke agarik o.

2 Mbinineegwaarak 15:18

Eerit wundi wage logonet, at inom, at ombo Ndawut inom, nen Ala ake leenogo pereegwaarak mbuti perak inom, emas inom, yi mendek ndi mendek ogobakkigirik ando alik inom, wonok Aliku ALA awi wurik me pi unggwagagerak.

2 Mbinineegwaarak 31:12

Ala wogoriyak mbakwi nogo pi wogwe, ake pugu nogo pi wogwe, ndi, “Yi we aret wogorikit o,” yinuk, leenogo punuk pi wogwe, eeko logonet, mbo pega'lek kulinik-kalinik aret pi wagak mban eeko nogogwaarak. Pi wagak eeko nogogwaarak nogo unde logowak nduk, aap Lewi mendek endage Konaniya nogo inowe mippugwi, ndi, abu'me logowak nduk, at awuluk Timeyi mippugwi, eereegwaarak.

2 Mbinineegwaarak 35:2

Ti laruwak nduk, it Ala unde eeko logorak nogo punogo piige, Aliku ALA awi wurik me aberogon eeko logowak nduk, panggombiige, eereegerak.

Etara 1:6

Pippuk eekwi iinok, it aakumi inaagan-ambokan wonogwe nogo abok aret it woroorak nogo yeenggwaarogo logonet, yi mendek ndi mendek mbuti perak-emas paga ogobakkigirik inom, inamindik-inamendek inom, inaanggumi inom, inamendek abe inom, wogorogwe, ndi, iniki nen, “Yi Ala awi wuriyak,” mbakwi kenok pugwi, eereegwaarak.

Etara 2:69

inamendek wonage nogo ndak-ndak mbuti emas aaninggin lima ratus inom, mbuti perak aaninggin dua ribu sembilan ratus inom, yum it aap Ala unde yirikak 100 inom, o ti wuriyak ake wu porogo wonage nogo wogoreegwaarak.

Etara 7:16

it aakumi o Mbaben mendek abok nen mbuti perak-emas kuwak eekaarak nogo wagangge, ndi, it aakumi Iterali inom, aap Ala unde inom, nen o Yerutalem inogoba Ala awi wuriyak ake iniki nen onggo lek we aret pegaarak ti kunduk wagangge, ee'nuk nak o.

Wundeegwaarak 35:22

ndi, kumi inom, aap inom, abok aret iniki nen aganake mugurok mban mbuti emas inogobak ayo inom, inaruk tiimba inom, inamberaarenggen inom, inagiinggen inom, mbuti emas paga ogobakkigirik yi mendek ndi mendek abok aret, Yi Aliku ALA ake o, yinuk, Aliku ALA titik eerogo punuk, wogogwi nogo mendek, wonok Aliku ALA titik eerogo wogori wogwe,

Wundeegwaarak 35:29

Yi mendek ndi mendek eeriyak ake at Aliku ALA nen wone lengganogo Muta yoge kagak yoragagerak nogo, it aakumi Iterali kumi inom, aap inom, abok aret inalitik-inalitak iniki aganake mbareegi, “Aliku ALA ake pi na o,” yinuk, iniki ale'nggen paga pi wogo nogogwaarak.

Wundeegwaarak 35:5

It inalitik-inalitak lombok abok aret iniki nen, Namendek yi aret Aliku ALA ake pi naakit, mba'nuk, Naliku ALA nake leenogo pi woraawak o. Naliku ALA nake pi woroorak nogo ti, mbuti emas inom, perak inom, tembaga inom,

Wundeegwaarak 36:3

it aakumi Iterali mendek nen, “Namendek yi, o magame logowam wuriyak ake pi na o,” yinuk, onggo lek we aret pi wogogwaarak nogo Muta nen wogorage mbareegi, ti paga wukwi iigak, it aakumi Iterali nen o kuubondendok ambinom Muta owagam pi wagak mban eekwi iinok,

Ala Unde 27:31

Togop aret me, pogo logomenggaarik, inamendek yendenogo pemenggaarak nogo ando it koloorak mbakwi kenok, onggo koonak nogo pogo logonet, oba lunogo inom aret pogo logowak o.