2 Endagembogut 12:20 - Ala Wone Peenok Peebi Mbanak

^20-21 Ti'nuk, at Yowat inom eeko menggaarak aap Timeyat aput Yotakat inom, Tomet aput Yotabat inom, imbirak iniki ambit eeppunuk, Yowat wariyak wone mbambunuk, tu o Tila wambi nogo menggam nggween pit laganuk o Milo wurik me nogome warogo pereegwaarak. Warogo pogo mbareegwa, ombomini kambeegwaarak Ndawut agota piya unggwogogwam inom tabonogo pi unggwogogwaarak. Pi unggwogo mbareegwa, obaane'me aput Amatiya inowe endagembogut agagerak.

2 Endagembogut 12:20 ပူးပေါင်းရင်းမြစ်များ

1 Endagembogut 11:27

Aap endagembogut eebi mbake logonet, eereegerak nogo yi aret. At Talomo nogo nen o Yerutalem wurik eraanu endekenggwe nggween pit lagangge, ndi, ogoba Ndawut agota pak wurit nage, eerit nage logonet,

1 Endagembogut 14:29

Aap Erekabeyam nogo endagembogut a'nuk wone lengganogo yorage logonet, eerit nagagerak ando abok ti, it aakumi Yekura inoweewi inendagembogut eeko nogogwaarak liiru mbanak wonage nogo paga, inom mbanak wonage nogo lek a?

2 Endagembogut 12:19

Ndi, at Yowat nogo aap endagembogut a'nuk wone lengganogo yorage logonet, eerit nage nagagerak ando abok ti, it Yekura inoweewi inendagembogut logonet, eeko nogogwaarak liiru mbanak paga, inom mbanak wonage nogo lek a?

2 Endagembogut 14:5

Ndi, Amatiya nogo endagembogut logonet, abu'me piinok wonage menggim omaawi eerogo pege nagagerik, at ogoba inom eeko menggaarak nen at ogoba endagembogut wareegwaarak nogo, inoorogo piyareegerak kwe,

2 Endagembogut 21:23

Eerit nage me, at inom yabu eeko menggaarak nogo nen at eebe wariyak wone mbanggo nogogwaarik, awi o nggwok abe wurik nogome aret warogo pogo mbareegwa,

2 Endagembogut 8:23

Ndi, at Yekoram endagembogut a'nuk wone lengganogo yorage logonet, eerit nage nagagerak ando abok ti, it Yekura inoweewi inendagembogut logonet, eeko nogogwaarak liiru mbanak paga, inom mbanak wonage nogo lek a?

2 Mbinineegwaarak 25:27

Aap Amatiya nen Aliku ALA mbo pege mbareegi, aakumi nen iniki ambit eeppunuk, o Yerutalem time wariyak koonggo mbareegwa, kole mbaganit o Lakit nagagerak kwe, time mugurok nawak nduk, yorogogwaarak mugurok nogo nogogwaarik, o time aret warogo punuk,

2 Mbinineegwaarak 33:24

Eerit nage me, at inom yabu eeko menggaarak nogo nen at eebe wariyak wone mbanggo nogogwaarik, awi o nggwok abe wurik me nogome aret warogo pogo mbareegwa,

Owak Loongga 9:6

Ti eeko mbareegwa, it aakumi o Tikem menggaarak inom, o Mbet-Milo menggaarak inom, aap Abimelek nogo, inowe endagembogut logowak nduk, o magame eyo teno alome time kuwak ari nanuk, mippereegwaarak.