2 Endagembogut 12:16 - Ala Wone Peenok Peebi Mbanak

¹⁶ It aakumi inomaluk aberak wonogwe iyo, Ala ake warogo wogogo logonet wu pugwi inom, ndi, inomaluk lek eerogo piyaawak nduk, Ala ake warogo wogogo logonet wu pugwi inom, ti, it Ala unde inamendek aret me, Aliku ALA awi wurik me pi wogo logolik o.

2 Endagembogut 12:16 ပူးပေါင်းရင်းမြစ်များ

Nekemiya 13:13

Pi wogo mbareegwa, pogo menggam nogome arum logowak nduk, aap Ala unde Telemiya inom, at liiru mbangga Tarok inom, aap Lewi mendek Peraya inom, li'lak eekwi iige nagagirak me, mippiige nagagirik, it yeenggwaarage logowak nduk, aap Mataniya ombooluk Takut aput Kanan inom mippereegirak. It aap mippiyareegirak ti, ake pugu nogo inoreewi tumburirogo logowak nduk, ineyabu ti aret unde eeppiyareegirak.

Oteya 4:8

It an napuri maluk eekwi paga inambi nuurogo nonggo menggaarak me, It an napuri maluk eekwi iinok, inale'nggen mbako menggaarak o.

Ala Unde 4:24

an nake warogo kani kunggo menggam pi woraanuk, Naliku ALA nenggaanom paga taati kambin nogo anobak eenggi tebenogo punuk, waruwak o. Ti eeko logorak nogo ti, omaluk lek eerogo pikit nduk, nake warogo pogo logorak nogo ti aret.

Ala Unde 4:29

an nake warogo kani kunggo menggam pi woraanuk, omaluk lek eerogo puwak nduk, kambin wariyak nogo anobak eenggi tebenogo punuk, waruwak o.

Ala Unde 7:7

An nake pugu lalenemenggaarak aberak wonogwe nogo lek aruwak nduk, obaane'me punuk, wako logonet, eeko logorak inom, inomaluk lek eerogo puwak nduk, wako logonet, eeko logorak inom, ti imbirak ndak-ndak aret me, inomaluk lek eerogo punuk, Ala inom lambunuwak nduk, it aap an neebe unde nogo nen nggami aanggo wakwi negen eekwi me, eebe warak ti, it aap an neebe unde inamendek aret o.

Linggineegwaarak 18:19

Ndi, it aakumi Iterali mendek nen an nake leenak mendek wonok, Yi Kaliku ALA kake o, yinuk, pi wogwe nogo ti, kat inom, kapurilogwe wologwe inom, komologwe inom, kinake aret leenogo pinagagi o. Aap ambi imbirak wone mbambunuk, piyok yukwak, nduk mayu eerogo punuk, nonggo mengga kwak, kat kombowologwe wiganak kinom wone yugu yi, piyok ari kero, Naliku ALA nenggaanom paga mondok-mondok koonak aret logowak o,” yinuk, yoreegerak.