2 Endagembogut 11:8 - Ala Wone Peenok Peebi Mbanak

⁸ Aap endagembogut wundi nage, unggwi wage, eeke kagak, kinalitak lombok kineegin kineenggime li'luk eeppunuk, enaagan-ambokan ee'nuk nugwi me, aap ambi owagam wage kenok, mondok warogo punu o,” yoragagerak.

2 Endagembogut 11:8 ပူးပေါင်းရင်းမြစ်များ

2 Endagembogut 11:15

Ari kagak, aap Ala unde Yoyara nen it aap ineegin warak ambit aago ineebe 100, ambit aago ineebe 100, inoweewi nogo yorage logonet, “Kwe ti, Aliku ALA awi wurik me yime nen wariyak lek me, kinawuri nen oolo punuk, endekem wonok wundi nogo logomenggaarik, at ili yogwe nogo abok aret inom wooluwak paga inoorogo puwak o.”

2 Endagembogut 11:7

Ndi, nogo 6 yippunuk, ko'lu yonggonggologwe paga yabu eekwi lek puk monggotak kit kineebe mbere aago nogo, Ala awi wurik aap endagembogut wonage me arum wako logonip o.

2 Mbinineegwaarak 23:7

Togop eekwi iigak, it Lewi mendek nen aap endagembogut enaagan-ambokan wanggeppunuk, inalitak lombok ineegin ineenggime li'luk eeppunuk, wonogwe me, aap ambi nen Ala awi wurik me unggwi noorak nduk eeke kenok, mondok warogo puwak o. Aap endagembogut nege kagak arum liirogon wako logowak o,” yinuk, yoragagerak.

Wundeegwaarak 21:14

Ndi, aap ambi nen aap ambi, Warikit o, yinuk, iniki koombunuk waremenggerak kangge kenok, An nookwi iyo, yinuk, kole mbaganit an nake warogo kani kunggo menggam time ari namenggerak kagak kwe, nggiginogo wumbunuk, kambuwak nduk, mondok warogo puwak o.

Linggineegwaarak 27:16

“Ai, nogoba! Yi aakumi ndi aakumi abok aret ineenik aganaka unde Kaliku kat Ala aret me, it kapuri abok kuwak aago yi, at ndegeninaka lek kenok, ndomba kobak ogo mengga kwak arukwak, at nen ndegeninake logonet, wogoret wundi nage, unggwi wage, eeke logowak nduk, aap ambi leenogo mippu o.”