2 Endagembogut 11:16 - Ala Wone Peenok Peebi Mbanak

¹⁶ Yorage mbareegi, kwe nogo pippogo nogogwaarik, wonok aap endagembogut awi o nggwok abe wurik oore'nggam tu unggwogo menggam endage, Kuda, time pi nanuk, warogo pereegwaarak.

2 Endagembogut 11:16 ပူးပေါင်းရင်းမြစ်များ

Wakkagagerak 9:6

An Ala neebe pogom aakumi ogobakkigirogo piyareegirak me, aap ambi nen aap ambi wake kenok, onggo aap alik ambi nen at aret warogo puwak o,” yoreegerak.

2 Endagembogut 11:15

Ari kagak, aap Ala unde Yoyara nen it aap ineegin warak ambit aago ineebe 100, ambit aago ineebe 100, inoweewi nogo yorage logonet, “Kwe ti, Aliku ALA awi wurik me yime nen wariyak lek me, kinawuri nen oolo punuk, endekem wonok wundi nogo logomenggaarik, at ili yogwe nogo abok aret inom wooluwak paga inoorogo puwak o.”

2 Mbinineegwaarak 23:15

Yorage mbareegi, kwe nogo pippogo nogogwaarik, wonok aap endagembogut awi o nggwok abe wurik oore'nggam tu unggwi wogo menggam endage, Kuda, time pi nanuk, warogo pereegwaarak.

Nekemiya 3:28

Tu unggwogo menggam endage, Kuda nen it Ala unde inalitak lombok inawi wurik enaame o pak wurik nogo ogobakkigirogo pit lagi nogwe,

Yeremiya 31:40

Inowak nggininik kunduk, nake kani kunik wun kunduk, mbo pi nogo menggam o kobappaga time abok aret inom, ndi, oonegen lagi wage menggim pa'nggwe niyo Kiriron aa'nggi paga yabu ye'mban-mban eerit wambi nogo menggam nen nok, Tu Unggwogo Menggam Kuda Mbanak yogwe unggu'me abok aret inom, ti, Naliku ALA nake alik leenak aret logogin o. Ndi, o kota ti, langgunogo pugwi, yigirogo pugwi, eeka'lek mondok-mondok aret logogin o,” yinuk, yegerak o.

Ala Unde 24:17

Aap ambi nen aap ambi wake kenok, at kunduk onggo togop aret warogo pogo logowak o.

Matiyut 7:2

3 Kit maluk eekotak o, yinuk, kinoone omaawi paga perak togon yorogwe kiinok, Ala nen kit togop aret yokkirage kaamunggup o. Wakkagak nogo paga wakkaanuk aakumi wogorogo monggotak nogo ndak-ndak wakkaanuk wokkirage kaamunggup o.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

Owak Loongga 1:7

Mbanogo pogo mbareegwa, at Aroni-Mbetek nen ari logonet, “An nen aap inendagembogut lombok ineebe 70 nogo ineenggi iyagalo imbirak inom, iniyok iyagalo imbirak inom, mbanogo piyareegirak wonogo logonet, nambi nengge neegak, nageyo ndoonak abu'me ameneno wanggetak anebenogo nonggo nogogwaarak nogo ndak-ndak, Ala nen inamee'nggo ee'naki o,” yinuk, ari mbareegi, at eebe o Yerutalem wonok nogogwaarak me, time aret kambeegerak.