2 Endagembogut 11:12 - Ala Wone Peenok Peebi Mbanak

¹² Mi'narit nogogwaarak wonogwe iigak, at Yoyara nen aap endagembogut aput nogo wonok, endekem wundi nage nagagerik, nggare-nggare anobak paga yippege, Ala nen Iterali inom wone abuk nggaruk togon koonogo pereegerak mbuku paga mbanak nogo wogoge, eeppunuk, “Ninowe endagembogut yi aret o,” yinuk, amburu eerogo mippege mbareegi, it aakumi abok aret ineenggi telanggo logonet, “Kendagembogut aret logonok o,” yinuk, keekok yogogwaarak.

2 Endagembogut 11:12 ပူးပေါင်းရင်းမြစ်များ

2 Tamuwen 1:10

Yo'nege mbaki, at owagam nage nagarik, eebe muk warak eenik ariyak meek aret kage nagarik, wakirak o, nogoba. Ndi, wake nagarik, nggare-nggare anobak me yirik inom, arenggen obaak me yirik inom, wonok kat nogoba kiri wagi o,” yoreegerak.

2 Tamuwen 12:30

Tebenggologo nogogwaarik, aap inowe endagembogut enggare-nggare mbuti emas paga ogobakkigirik yugum kere'li-kere'lo aago pugunik aaninggin 34 wakkagak anobak paga yirik nogo, wagangge nagagerik, yirikkolage, yi mendek ndi mendek o kota wonage kugun wogo apit aret wagangge, eeke nagagerik,

2 Tamuwen 16:16

Unggwi wogogwaarak wonogwe me, ti eyom paga aap Ariki mendek Ndawut oreeluk iniki kunik Kutayi nogo, Abatalom imbirak lambungge nagagerik, yoge logonet, “Kat aret kendagembogut logowak o. Kat aret kendagembogut logowak o.”

2 Tamuwen 2:4

Time wonogwe me, it aap Yekura mendek o Keboron nogome wogo nogogwaarik, at Ndawut nogo it aakumi Yekura mendek inowe endagembogut logowak nduk, amburu eerogo mippereegwaarak. Mippereegwaarak wonage logonet, it aakumi Yabeti-Nggileyat mendek nen at Tawun nggween taambereegwaarak yogwe nogo, at Ndawut konengge nagagerik,

2 Tamuwen 2:7

Togop aret me, kit kinogoba Tawun kanggerak nogo, obaane'me it aap Yekura inowe endagembogut logokit nduk, amburu eerogo mippanggaarak me, kit kinagabiti mbaka'lek kinogogumbuk aret logonip o, yinuk, eerogo nappinani wagaarak me, yokkira wogo o,” yinuk, yorogogwaarak.

2 Tamuwen 5:3

It Iterali inoweewi abok aret aap endagembogut Ndawut o Keboron wonage me, wone ti, yogo mbareegwa, at Ndawut nen o Keboron time Aliku ALA enggaanom paga it inom wone amburu nggaruk togon mbambunuk, it Iterali abok aret inowe endagembogut logowak nduk, at Ndawut amburu eerogo mippereegwaarak.

1 Endagembogut 1:25

Togop ari keyoolik kwe, o yogondak yi paga at Aroniya nen lembu-tapi inom, tapi aagalogwe inamok warak kero inom, kambin-ndomba inom, ambik aret inoorogo lake logonet, it kat kapuri inom, aap ineegin warak inoweewi inom, aap Ala unde Abiyatat inom, inayonggo pege nagaarik, inom mbi-niyo nonggo logonet, Aroniya aret ninowe endagembogut mippakoo, yinuk, keekok yogo agaarik o!

1 Endagembogut 1:34

Nogo logomonggotik, kat aap Ala unde Tarok inom, kat Ala nen yoge kagak yoraga Natan inom, kimbirak nen, At Talomo aakumi Iterali inowe endagembogut logowak o, yinuk, mippunuk, amburu eeppogo logomonggotik, oone nggwok eeka trompet nogo oone pu eeko logonet, Talomo nogo ninowe endagembogut aret mippako o, yinuk, keekok yumunggup o.

1 Endagembogut 1:39

Nogo nogogwaarik, aap Ala unde Tarok nen aakumi amburu eerogo mippiiga toolak Ala awooliya wurik me nen wonok nagagerak nogo, at Talomo anobak paga kilippunuk, oone nggwok eeka trompet nogo oone pu eeko logonet, “Aap Talomo ninowe endagembogut mippogo o,” yinuk, keekok yogo nogogwaarik,

1 Endagembogut 2:44

Yoge nagagerik, ambi yoge logonet, “An nogoba Ndawut maluk ambik aret eeppereegindak nogo kat lombok keenu aret o. Kat ti eereegindak nogo at Aliku ALA nen kat koba aret eeppagagin kwe,

2 Endagembogut 11:11

Wogorage mbareegi, it aap endagembogut arum waka nogo abok aret ineegin ineenggime woppunuk, aap endagembogut Yowat nogo wakwi iyo, warogo kani kunggo menggam nen at wonage enaagan-ambokan Ala awi wurik irip-irip abok aret mi'narit nogogwaarak.

2 Endagembogut 11:2

Inoorikit nduk, eeke kagak, aap endagembogut Yekoram aput Akatiya awuluk kwe Yoteba nogo nen aap Akatiya aput Yowat nogo, kwe Ataliya nen inom wake kero, apuri inenggela'me nen nggiginogo Ala awi wurik me nogo yogo menggam ambime kolaga ndegengga imbirak time kumaappiyareegerak me, warulik.

2 Endagembogut 11:4

Tahun 6 eeppunuk, ambi eeke paga aap Yoyara nogo nen it aap Kari mendek inom, it aap endagembogut wonok nega inom, aap ineegin warak ambit aago ineebe 100, ambit aago ineebe 100, inoweewi inom, Aliku ALA awi wurik me ka woraawak nduk, inayonggo piyareegerak ka wogo mbareegwa, at nen yorage logonet, “Ninigen kogo logomonggoorik, aakumi yoraagun lek o, yinuk, kumbuk mbaninip o.” Yorage mbareegi, it abok aret Aliku ALA awi wurik me time wone kumbuk mbanggo mbareegwa, at aap endagembogut aput kumaarak nogo nigiyareegerak.

2 Endagembogut 9:13

Yorage mbareegi, at Yeku oreewi nogo mbet-mbet inayum nggoorogo tu unggwogo menggam at Yeku iyok me taati mbiganogo punuk, oone nggwok eeka trompet nogo oone pu eeko logonet, “Yeku nogo Iterali inowe endagembogut aga o,” yinuk, keekok yereegwaarak.

2 Endagembogut 9:3

Unggwi nage logomenggendik, tayitun amburu toolak ti, waganogo anobak paga kilippege logonet, wone yogop yo'nu o. At Aliku ALA nen ari logonet, It aakumi Iterali inowe endagembogut logowak nduk aap Yeku mippigi o, yegerak me, mippagagi o, yoge logomenggendik, time elaambirik logorak mage o. Ata, tu paappunuk, mbet-mbet wundi nage logomenggendik, kole mbaganumunggun o,” yoreegerak.

2 Mbinineegwaarak 23:11

Mippiinet nagagerak arum wonogwe iigak, at Yoyara apuri inom nen aap endagembogut aput nogo wonok, endekem wundi wogo nogogwaarik, nggare-nggare anobak paga yippugwi, Ala nen Iterali inom wone koonogo pereegerak liiru mbanak nogo wogogwi, eeppunuk, “Ninowe endagembogut yi aret o,” yinuk, amburu eerogo mippogo mbareegwa, it aakumi abok aret, “Kendagembogut aret logonok o,” yinuk, keekok yereegwaarak.

Etet 2:17

Pi nogo mbareegwa, it kumi eegu nogo iigak kwe, at Etet nogo perak, aap endagembogut inikilom nggwok mbake, ndi, kumi tawe aap kigin waka'lek eegu iigak, at Etet mban abuwa mba'nuk, iniki kunik eeke, eeke nagagerik, “Nendagembogut nakwe kwe nggwok aret logowak o,” yinuk, kwe Wati obaane'me mippunuk, nggare-nggare mendaarak negen anobak paga yippereegerak.

Etet 6:8

aap inendagembogut inayum yiriko menggaarak kat yike menggendak nogo wagangge, ndi, kat kwi'na'nuk nege menggendak nggare-nggare mendaarak anobak paga yirik kuda nogo wonok wage, eeke logomenggendik,

Ndawi 132:18

Ndi, at awim nogo inenggali ti, Yum yirik kwak nugu logowak nduk eeppiige, Eerigin kwe, At Ndawut perak, Endagembogut logonet wone lengganogo yorage menggim ti, Nggare-nggare kwak me, abinak lan ari logogin o,” Yinuk, yoreegindak nogo o!

Ndawi 21:3

Kat nen yi mendek ndi mendek Kalo logonogo wogoge logonet, eebe wagangge, Mbuti emas at mendek paga mban Nggare-nggare negen mendaarak At anobak paga yirippege,

Ndawi 21:4

“Neenik logorak eeppanu o,” Yinuk, yokkege kenok eeppege, “Neenik nggorek mondok-mondok logokit nduk, Eeppanu o,” yinuk, nggino yokkege kenok eeppege, Eekendak o.

Ndawi 47:1

Kit yi aakumi ndi aakumi wae. Kiniki ale'nggen nen kineenggi telak eekwi, “Ala iya o,” yinuk, kinale'nggen nen keekok yogwe, Eeko logonip o.

Ndawi 78:5

At Aliku ALA nen It Yakup mendek eeko logorak wone lengganogo wumbege, “Yogop eeko logonu o, ndogop eeko logonu o,” yinuk, It Iterali mendek yorage, Eeke nagagerik, Ninombomini yorage logonet, “Kinombowologwe nda'naga'lek nda'narugun nogo, ineenu ogwe, Ti'nuk, it inapuri yorogwe, Eeko logowak nduk, Wone yi, kinapuri liirogon mamunirogo logonip o,” yinuk, Wone lengganogo yoragagerak.

Ndawi 89:39

Kayeloman kimbirak wone koonogo pereegindak nogo, “Lek aret aga o,” yinuk, ari, Enggare-nggare yippereegindak nogo nggoorogo, liirubu paga mbo pege,

Wundeegwaarak 25:16

Ndi, naloobut mbanemenggaarak inikime ti, Yogop ee'nu ndogop ee'nu, yinuk, wone yugu yugum paga liiru mbanogo wokkirigin nogo aret yonggologo puwak o.

Wundeegwaarak 31:18

Muta nogo at Aliku ALA imbirak puut Tinayi paga wone abu aret mbambogo nogogwaarik, wone, “Yogop ee'nu ndogop ee'nu,” yinuk, Ala eenggi paga yugum tabak mbere paga liiru mbaneegerak nogo, Muta wogoreegerak.

Yetaya 55:12

Inale'nggen mbako logonet wundi wogwe, Wogoren wage neegak, iniki ugun tayenak aret wonogwe, Eerugun o. Wogwe iigak, puut-puut tiyarogon inom, puut-puut teberogon inom, it inaame nen Inale'nggen yogo logonet, na'ndo-wa'ndo yogwe, Yi eyo ndi eyo penaame wonage nogo nen ineenggi telak yogwe, Eerugun o.

Yetaya 8:16

Wone at Ala nen yo'negerak abok aret yokkirage yi, liirogon waganggwi, Kit an noone wagangga nen eeko logorak wone yugu yi, nggirik-nggerok porogo wonogwe, Eeko logonip o.

Yetaya 8:20

wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Leendawi 4:20

Nit nineenik logorak unde wo'ninaka Aliku ALA nen at amburu eerogo mippuurak leenogo pereegerak nogo, labu pugume wangge me pigaganggwi, Yi aakumi ndi aakumi inenggela'me logonet, at abu'me op logorak mbareegurak kwe, pigaganggwi, Eereegwaarak o.

Ndaniyen 6:21

Yoge mbareegi, at Ndaniyen nen aap endagembogut nogo yoge logonet, “Nogoba kendagembogut wae. Kendage mondok ki aret logowak o,” yinuk,

Matiyut 21:9

eeko mbareegwa, nogo paga wage kagak, it ando inaa'nduk wogwe, it ando ambo'me wogwe, eeko logonet, “Ndawut ombooluk yi, Otana, yuwok o. Ninogoba Ala endage paga wage yi, wogoppuwok o. It mbogut irimbaga menggaarak kunduk, Otana, yuwak o,” yinuk, keekok agan wogogwaarak.

Matiyut 27:29

alok komaarogo anobak paga yippugwi, mbim obate mbanak eenggi abe'nggan wogogwi, eeppogo nogogwaarik, ineebe at abu'me tebe yinuk, agi'ndok kanggo logonet, “Wa! It aap Yakuri inowe kendagembogut kat aret me, wa. Ninogoba wa,” yinuk,

Nappiigak 4:27

Yereegerak nogo, o kota yime it Keroret togon, Pondiyut Pilatut togon, it endekem mendek inom, it Iterali mendek inom, nen at kikak nakeelik alik leenak, kat kayeloman leenogo mippereegindak Yetut nogo, at waruwok nduk abet aret o kota yime kuwak eekaarak o.

2 Korindut 1:21

Nit kunduk, kit kunduk, Keritut ninom kunik mondok nu'lek aago logowok nduk, eeppinanege, ndi, nit togon at ake leenogo pinanege, eereegerak nogo ti, Ala nen aret o.

Iberani 1:9

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, iniki ale'nggen kombake logonet, Amburu kilirogo pagareegerak paga koreewi tebenak iigak, inirimbaga tiyappagareegerak o,” yinuk, yoge nagagerik,

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.

Wayu 19:12

At enegen ti, kani omoonuk wunuk ari pogom. At anobak paga nggare-nggare mendaarak apit yirik, ndi, at endage toonak eebe paga liiru mbanak wonage nogo, aakumi nen maleniyak meek at mban eenu wonagaarak kwe,

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.

1 Tamuwen 10:24

Kogwe iigak, at Tamuwen nen it aakumi nogo yorage logonet, “At Aliku ALA nen aap leenogo mippegerak yi kogop a? At pogom ambi nit ninenggela'me wonogwe abu lek o.” Yorage mbareegi, it nogo nen, “Ninowe endagembogut mondok-mondok logorak nogo yi aret o!” yinuk, keekok piyanggogogwaarak.

1 Tamuwen 16:13

Yoge mbareegi, at Tamuwen nogo mi'na'nuk, eyo tayitun amburu toolak nogo wagangge nagagerik, oweewi inenggaanom paga at Ndawut nogo anobak paga amburu kilippereegerak. Kilippege mbareegi, ti eyom paga aret at Aliku ALA Aberiniki omaawi Ndawut oba agagerak mondok-mondok wonage kagak, at Tamuwen nogo iyokan o Arama aret wagagerak.