2 Endagembogut 10:5 - Ala Wone Peenok Peebi Mbanak

⁵ Yogo nogogwaarik, at aap endagembogut awi o nggwok abe wurik unde menggerak inom, at o kota arum menggerak inowe inom, it aakumi inoweewi inom, it Akap ombowologwe inarum menggaarak inom, nen at Yeku ake liiru mbanggo logonet, “Nit yi, kat kayeloman mini aret me, eeriyak yo'nirage menggendak ti, eeko logogun aret kwe, Aap kinowe endagembogut mippuurak, yo'niragandak ti perak, nit nen mippuurak mbakwi lek me, kat eeriyak op mbake kenok, ti aret ee'nu o,” yinuk, wone onggo eerogo nappereegwaarak.

2 Endagembogut 10:5 ပူးပေါင်းရင်းမြစ်များ

1 Endagembogut 20:32

Yogo nogogwaarik, yum maluk nibinik mendek inobate paga perenggologwe, keele inenggaanok paga nggerenggologwe, eeko nogogwaarik, Iterali inowe endagembogut wonage me nanuk, yogo logonet, “Kat kayeloman Mben-Karat nen ari logonet, An nooriyak lek neenik teppanuwak lak, ao, ari kenok yokkiri wogo o.” Yogo mbareegwa, at endagembogut nen, “At Mben-Karat ti, an nore aret me, eenik wonage me yogop a?”

1 Endagembogut 20:4

Iterali inowe endagembogut Akap nen wone onggo yorage logonet, “Nowe endagembogut wone yegerak, yo'nogotak ti ndak-ndak, an neebe inom, namendek wonage abok aret inom, at unde aret aga o.”

2 Endagembogut 10:6

Nappereegwaarak at Yeku nen pekkage nagagerik, liiru peebi ambi mbangge logonet, “Kit an ninom a'nuk an yokkirage nogo ndak-ndak eeriyak mbakwi kenok, at kinogoba ombowologwe inenggaanok mba- mbogo logomonggotik, o yogondak yi ndak-ndak ko'lu inanobak mbanak wonok an Yiteren yime wonage me, niri wa'nu o,” yinuk, wone eerogo nappi wagagerak. It aap inendagembogut ombowologwe ineebe 70 inarum menggaarak ti, o kota time inendage warak wonogogwaarak me,

2 Endagembogut 18:14

Tebenit nage kagak, aap Yekura inowe endagembogut Kitikiya nen aap Atiyut inowe endagembogut o Lakit wonage me yori nawak nduk, wone eerogo nappiige logonet, “An maluk eekirak me, kat nen teppinaninuk wundi nanok nduk, Wu ndi mendek wo'niriyak, ari keenok, wokkirikit nen yo'niru o.” Yoge mbareegi, at Tanerip nen, “Wu mbuti perak aaninggin sepuluh ribu inom, wu mbuti emas aaninggin seribu inom, nappani omok o.”

Yeremiya 27:17

inoone konenugwaarik o. Ata, it Mbaben mendek inowe endagembogut oone konembunuk, ake eekwi iinok, inagap ndarak aret logogun o. O kota yi, nonggop nduk, yinik-minik aago mban logorak?

Linggineegwaarak 11:12

It aakumi yi, an ninikime nen logongge, an nen aret ndaganake, eekirak mbaken? It aakumi yi, kat nen nombomini inanggween, Wokkiraagin o, yinuk, wone abuk nggaruk togon yoragagim nogome, elege ngget ndarak inaani yaruguren nugu mengga kwak, Wogoren nak o, yinuk, nonggop nduk yo'negendak?

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Yotuwa 9:11

nit ninoweewi inom, it niname ninom monggoorak inom, it abok nen nit yo'nirogo logonet, Tu paga nogo logonet, noorak kinambi kambu ko'nok, it wonogwe me time nogo logomonggotik, yorogo logonet, Nit kit kinayeloman mini aret me, kit ninom lambumbunuk wone abuk nggaruk togon mbanuwok nduk wogo, yoraanu o, yinuk, nappinani wagaarak me,

Yotuwa 9:8

Yorogo mbareegwa, it nen Yotuwa yogo logonet, “Nit yi ti, kit kinayeloman aret wogo o.” Yogo mbareegwa, at Yotuwa nen it yorage logonet, “Kit taani o? Ndi, nggeeme nen wogo nogotik, yo'nugwi o?”