2 Endagembogut 10:1 - Ala Wone Peenok Peebi Mbanak

¹ Aap Akap paga wiganak ombowologwe aap mban ineebe 70 o Tamariya time wonogogwaarak me, at Yeku nen it aap o kota Yiteren arum wonogwe Iterali inoweewi inom, it Akap ombowologwe 70 inarum menggaarak inom, it paga nappiya woraakit nduk, liiru mbangge logonet,

2 Endagembogut 10:1 ပူးပေါင်းရင်းမြစ်များ

1 Endagembogut 16:24

Wone lengganogo yorage logonet, puut endage Tamariya aap Temet abuut me, wu mbuti perak aaninggin 70 wakkaanuk nogo paga kumbege nagagerik, puut nogo paga o tini nggwok nappunuk, at aap abuut unde Temet endage toonak ndak-ndak, O kota Tamariya aret o, yinuk, tooneegerak.

1 Endagembogut 16:28

At Omiri nogo, ombomini kambunuk nogogwam inom yonggonggola nage mbareegi, o Tamariya kanggwi piya unggwogo menggam eebe pi unggwogogwaarak. Pi unggwogo mbareegwa, obaane'me aput Akap inowe endagembogut aret agagerak.

1 Endagembogut 21:29

“Aap Akap nogo nenggaanom paga iniki tebeppakerak kagandak ilik? Iniki tebeppakerak me, an aaninggin oba puurak yagarak nogo ti, at wonage kagak oba nappi woraagin lek o. Ata, at aput ndaremenggerak eenik wonage kagak, at paga wiganak inom inoba nappiya woraagin o,” yinuk, yoreegerak.

2 Endagembogut 5:3

Eeke logonet, ne ambi paga kwe Naman akwe nogo yoge, “Nagalo o. Aap Ala nen yorage kagak yoraga ambi o Tamariya wonage me, at nen nogoba obeelom eeppuurak kagak logukwak, pekka nawak lak, ao, mbake agarik o,” yoreegerak.

2 Mbinineegwaarak 22:9

Inoorogo piige nagagerik, aap Akatiya nogo o Tamariya kumaa'nari nagagerak wonage me, kwaari nawak nduk, yorage mbareegi, kwaa'nuk, wonok, at Yeku wonage me pi wogo mbareegwa, at nen warogo pereegerak. Warogo pege mbareegi, aakumi nen, “At aap Yotapat ombooluk yi ti, iniki nggaruk togon Aliku ALA mugurok nage nagagerak me, eebe nggween taambuwok o,” yinuk, nggween taambereegwaarak. At Akatiya paga wiganak mendek ambi nen inowe endagembogut a'nuk, wone lengganogo yorogo logorak ndak lek aret o.

Oteya 1:4

Ndake mbareegi, at Aliku ALA nen Oteya yoge logonet, “At aap Yeku nen o Yiteren time aakumi kaliirubu pup eerogo inoorogo piyareegerak me, an nen at Yeku paga wiganak nogo aaninggin inoba kwippiige logonet, it Iterali wonogwe me wone lengganogo yorogo menggam nogo, lek eerogo pikit nduk eeke me, wulaga ti, endage Yiteren aret toonu o.

Linggineegwaarak 11:12

It aakumi yi, an ninikime nen logongge, an nen aret ndaganake, eekirak mbaken? It aakumi yi, kat nen nombomini inanggween, Wokkiraagin o, yinuk, wone abuk nggaruk togon yoragagim nogome, elege ngget ndarak inaani yaruguren nugu mengga kwak, Wogoren nak o, yinuk, nonggop nduk yo'negendak?

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

Yotuwa 15:56

Yiteren, Yokereyam, Tanowa,

Owak Loongga 10:4

At apuri ti, 30 aret ndaganabeegerak. Ndi, o Nggileyat paga inawi ti, 30. Ndi, inaanggumi keledai awooluk ti, 30 togop aret wonagagerak me, inawi 30 nogo ti, “Aakumi Yayit wonogo menggam o,” yinuk, o yogondak yogwe wonogwe aret o.

Owak Loongga 12:14

At apuri aap ti, 40 ndaganake, ndi, apuri nen ombowologwe aap ti, 30 aret ndaganakwi, eereegwaarak. Apuri inom, ombowologwe inom, nogo ti, inaanggumi keledai 70 aret me, inalitak lombok amborowak paga kwi'na'nuk, nugu nogogwaarak. Ndi, aap Kilen aput Aboron nogo Iterali inarum logonet, inowak looninake kagak, tahun 8 eeppunuk,

Owak Loongga 8:30

Ndi, at akuwi apit me, apurilogwe aap mban ineebe 70 aret ndaganabeegerak.