2 Endagembogut 1:10 - Ala Wone Peenok Peebi Mbanak

¹⁰ Yogo mbareegwa, at Eliya nen aap ineegin warak inowe nogo yoge logonet, “An aap Ala wone liirogon eeka abet aret kenok, kat inom, kawuri 50 inom, kineebe apit kani namunggup nduk, kani mbogut paga nen kinoba wambi woraawak o.” Ari kagak, kani mbogut paga nen wambi wage logonet, awuri 50 nogo inom abok aret kani nunggugwaarak.

2 Endagembogut 1:10 ပူးပေါင်းရင်းမြစ်များ

1 Endagembogut 22:28

Yorage mbareegi, at Mika nogo nen, “Kat wim eeri nage logomenggendik, kiyokan obeelom aret wage keenok, an yokkigirak yi, At Aliku ALA nen yorulik kagak yo'negerak, mbarumunggun o.” Yoge nagagerik, “Kit aakumi apit yi wae. An yagarak ti, liippinip o,” yinuk, yoragagerak.

2 Endagembogut 1:11

Ti eeke mbareegi, ti'nuk, aap endagembogut nogo nen peebi aap ineegin warak inowe ambi awuri 50 inom at Eliya wonage me, nippiyareegerak laganggo nogogwaarik, inowe nen wone at yoge logonet, “Ala wone liirogon eeka yi wae. Aap endagembogut nen, Mbet-mbet wambi woraayok, yegerak me, mbet-mbet wambi nak o.”

2 Mbinineegwaarak 36:16

at nappiya wagagerak nogo miyuk-meya eerogo piigwi, “Ala wone ti, abe lek o,” yinuk, meek mbakwi, Ala wone yoraga nogo inagi'ndok kanggwi, eekwi paga Aliku ALA anini mi'nage logonet, “Aaninggin mondok alik negen inoba piyaakit o,” yinuk, nggaruk togon koonogo pereegerak me, it mbo noorak mondok meek aret agagerak.

Ayup 1:16

Yinuk, wone nogo awo yoge me, aap alik ambi wage nagagerik, yoge logonet, “Ndomba inom, aap arum wonogwe inom, Ala nen o yabok pindanogo nappi wage menggerak nogo mbogut paga nen wunuk agan wambi wage logonet, yaganinake kagak, nalik mban mbagangge nagarik, wone wonok yokkiri wagi o.”

Ndawi 105:15

“It aap an nen leenogo piinok, amburu kilippiyareegirak yi, kineenggi mbaaniigwi, It aap an yorage neegak yoraga yi, Maluk eerogo piigwi, eerugup o,” yinuk, yorage, Eereegerak.

Ndawi 106:18

It inom ogogwaarak nogo kani inoba wunuk ari, It aap maluk mendek ti, kani nen ineebe nenet nage, Eereegerak.

Ndaniyen 3:22

At aap endagembogut nen kani omoonuk abu alik negen eerogo puurak oone omaawi paga yoragagerak nogo, eerogo pogo mbareegwa, it aap ineegin warak nogo nen Tarerak, Metak, Abe'nego kani omoonuk wunuk ari me nogome mambiigwi me, it aret kani wiyak togon nunggugwaarak.

Ndaniyen 3:25

Yogo mbareegwa, at nen it yorage logonet, “Togop aret kwe, kani omoonuk wunuk ari enggela'me aap ineebe 4 nugwi kwe, keele maarak lek we nugwi iigak ineebe kani nengga'lek nugwi, ndi, ambi kugi etenggen kwak nege, eekwi yi, pegiyaanip o.”

Ndaniyen 6:24

Kogo nogogwaarik, at aap endagembogut nogo nen it aap, “Ndaniyen ndogop eekerak o,” yinuk, yereegwaarak nogo, wogonabi nawak nduk, yoragagerak wogoren wogo mbareegwa, it aap ti inom, inakuwi-inapuri inom, mbuun ambena singa wonogwe me nogome mbo wuppiyareegwaarak mbuun o'luwam awo ari wangga'lek iigak, singa nogo nen ineebe ineyak nggerembiinok inowak abok aret yigirik-noonom eerogo piyareegwaarak.

Ala Unde 10:2

Aliku ALA nen kani kunik inoba wuppi wagagerak paga mondok yoguk togon eerogo piige mbareegi, Ala enggaanom awooliya wurik tungga paga taati aret kambeegwaarak.

Linggineegwaarak 11:1

Ne ambi paga it aakumi Iterali mendek nogo nen, “Nonggop eekkoloobok,” eeginake mbareegi, iniki piirik logonet, at Aliku ALA ineebi-ineeba yogo nogogwaarak. Yogwi nogo Aliku ALA konembunuk, anini mi'nage nagagerik, kani mbogut paga nen it Iterali wonogwe me wuppi wagagerak wunuk agan nage logonet, inawooliya ambet paga taa'nogo kani nenet nagagerak.

Linggineegwaarak 16:35

Mbaganit nogwe iigak, at Aliku ALA nen it aakumi ineebe dua ratus lima puluh obari abe kaga kani kunggwi nogo ne ambit ti eyom paga aret kani omoonuk paga lek eerogo piyareegerak.

Matiyut 21:41

Yorage mbareegi, it nogo nen, “Lek o! Inogoba wage kenok, it aap maluk lombok nogo ti, mondok lek eerogo inooppiinok, inobaane'me awi yareegerak arum logonet, anggen mbaniyak eyom paga anggen mbanogo wogogo logowak nduk, aap alik mippiyaagin o,” yinuk, yoreegwaarak.

Lukat 9:54

It togop mbakwi at oone waganggwi Yakobut Yaya imbirak iigo nogogwaarik, “Ninogoba wae! Kani mbogut paga nen kuninabi wambi woraawak nduk, yoruwi ilik?”

Nappiigak 12:19

at Keroret nen, “Liirogon kwaari nanip o,” yorage mbareegi, kwaarit nogogwaarak mendek, lek kenok, we wogo mbareegwa, “Nano eekwi kiigak, wunggi o,” yinuk, yoragagerak mendek, “Abu lek kenok, wogo o,” yogo mbareegwa, Keroret nen, “Ti kenok, kit aret kinoorogo pinagawak o,” yinuk, yorage mbareegi, inooruwak nduk wogoren nogwe iigak, at Keroret o Yureya nen o Kayitareya logonuk woraakit nduk time nagagerak.

Wayu 11:5

It aap mbere ti, inambeme nen kani wunuk agan wundi wage logonet, it inom ogoorak wonogwe nogo inooko menggaarak me, “Aap mbere ti, inooruwi o,” yinuk, inooriyak nduk eekwi iigak, it inambeme nen kani wunuk agan wundi wage logonet, it inooriyak eekwi ineebe nogo kani wunuk togon nunggwi iigirak o.