1 Yaya 4:4 - Ala Wone Peenok Peebi Mbanak

⁴ Napuri niniki kunik yi wae. Kit Ala apuri aret o. Ndi, kit Ala apuri aret me, at omaawi ambik Aberiniki wokkiragagerak kinikime wonage nogo ti, omaawi ambik, ndi, it aap nggween paga mendek mban mugurok nugwi inikime wonage nogo ti, omaawi mbuuluk me, it Ala nen yorage kagak yoraga inetenggen kumbunuk agan wogwe ti, muk tebenogo piyareegutak o.

1 Yaya 4:4 ပူးပေါင်းရင်းမြစ်များ

Yaya 12:31

It aakumi o nggween paga yime menggaarak inowak loonogo maluk inoba piyoorak nogo, o yogondak yi aret o. At o nggween paga yime unde menggerak nogo tebenogo puurak yogondak aret o.

Yaya 14:30

It aakumi o nggween paga menggaarak inowe nogo wage aret me, wone ambinom nggorek yokkiraagin lek o. At wage logomenggerik, at nen wone ambiriluk ambi an yo'nirigin mondok lek o.

Yaya 16:11

Ndi, Ala nen maluk inoba piyoorak nogo ti, at o nggween paga yime unde menggerak nogo, muk maluk oba pereegerak o, yinuk, paganogo ineenu eeppiige logogin o.

Yaya 17:23

It iniki abu ambit lombok aruwak nduk, it nen an iniki kunik, ndi, kat nen an kiniki kunik wonogwe niinok, it o nggween paga yime menggaarak nen kat abet aret an nappani wagagindak inom, ndi, kat kiniki kunik ee'nake kwak, it togop aret kiniki kunik eeginabeegindak nogo inom, ineenu arugun o.

Oroma 8:31

Togop me, wone yokkiragarak ti paga nonggop yuwok mbakop? Ala ninom kunik wonogwe me, ta nen ogoorogo pinanigin mbakop?

Oroma 8:37

Ti abok aret eeppinanit wogwe iigak, Keritut ninom kunik lombok wonogwe ti paga, inawim tebenogo piinok, ineegin tiyak ari ti, iya negen kwe, nit perak, waka'ngget mondok tiyanak aret wonogo ogoorik o.

1 Korindut 2:12

Ala nen onggo lek nit we wo'niragagerak nogo nineenu aruwok nduk, aakumi nggween paga mendek iniki mbakwi nogo mendek koloolik o. Ata, Ala nen Aberiniki nappinani wagagerak nogo aret kologogurak o.

1 Korindut 6:13

Ninambi ti, ninaanogum ake, ndi, ninaanogum ti, ninambi ake aret kwe, peebi at Ala nen, ti imbirak lek eerogo pigin o. Nineebe nogo ti, kumi ugun eeginabit nugu logorak nduk ake ti lek o. Nineebe ti, ninowe ake aret, ndi, ninowe ti, nineebe ake aret wonage o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

1 Yaya 2:1

Napuri o. Kit an niniki kunik me, maluk eekwi kiyo, wone yi, liiru mbanggiragi o. Togop kwe, nit ambi nen maluk eekwi niinok, at a'me nggelok eeke menggerak Yetut Keritut nogo nen nit ninake wone wonok ninogoba yori nagak eeke menggerak o.

1 Yaya 2:13

Nogobamini yi wae. At o aa'nduk nen nok-nok yogondak kuli itok mondok menggerak kit kineenu ogogutak me, Kinake liiru yi, mbanggirage, Nawuri yi, wae. At maluk ee'ninaka nogo tebenogo pogotak me, Kinake liiru yi mbanggirage, Eeke agarik o. Kit an napuri niniki kunik yi, wae. Ninogoba Ala kineenu ogogutak me, Liiru yi, mbanggirage,

1 Yaya 3:24

Wone, “Yogop ee'nu, ndogop ee'nu,” yo'nirage menggerak wone nogo, kit ambi nen ndak-ndak eekwi kiinok, Ala kit kinom kunik wonage, ndi, kit at kinom kunik wonogwe, eeko logomunggup o. Ndi, Aberiniki wo'niragagerak ninikime wonage ti paga at Ala abet aret nit ninom kunik wonage nogo nineenu ogo o.

1 Yaya 4:13

At Ala nen Aberiniki wo'niragagerak ti paga at nit ninom kunik wonage, ndi, nit at ninom kunik wonogwe, eekwi nogo nineenu aret o.

1 Yaya 4:16

At Ala ninabuwa mbake nagagerik, iniki kunik ee'ninabeegerak nogo, nineenu ogo nogoorik, “Abet aret,” mba'nuk, niniki ti paga panggombunuk, ogoorik o. At Ala nen nit yi aakumi ndi aakumi abok ninabuwa mbake logonet, iniki kunik ee'ninake menggerak me, kit kinoreewi kiniki kunik aganakwi kiinok, Ala kit kinom kunik wonage, ndi, kit Ala kinom kunik wonogwe, eeko logomunggup o.

1 Yaya 4:6

Ndi, nit perak, Ala apuri mbogut paga mendek aret me, nit ninoone yogwe nogo, it Ala inom kunik nogo nen mban inaruk konenggo menggaarak. Ndi, Ala apuri lek kenok perak, nit ninoone yogwe nogo konenggulik aret o. Nit ninoone konengga'lek ti paga, “Aberiniki nen yorage kenok yogwe ilik, iniki koombunuk nen pilit yogwe a?” yinuk, nineenu ogo monggoorak.

1 Yaya 5:19

Yi aakumi ndi aakumi maluk eeko menggaarak nogo abok aret at maluk eeka Tile nogo abu'me wonogwe nineenu kwe, nit perak, Ala apuri aret ogoorik o.

1 Yaya 5:4

Nit Ala nda'ninabeegerak nogo nen it aakumi nggween paga mendek mban mugurok nogwe nogo tebenogo piigo monggoorak. It aakumi nggween paga mendek mban mugurok nogwe tebenogo piigwi nogo ti, nit abet mbakwi paga nen aret tebenogo piinok, nit tiyanak aret ogoorik.

Wayu 12:11

It ninoreewi nogo nen Ndomba Aagaluk amiya wundeegerak abet mba'nuk, iniki ti paga panggombunuk logonet, Ninooriyak op aret o, yinuk, Inagabiti lek Ala wone wonok yoranet nugwi paga Tile tebenogo pugwi me,