1 Yaya 2:3 - Ala Wone Peenok Peebi Mbanak

³ Ala nen, “Yogop ee'nu, ndogop ee'nu,” wone yo'nirage nogo ndak-ndak eekwi paga, “Nit Ala apuri abet aret wonogwe kogo o,” yinuk, yogo monggoorak kwe,

1 Yaya 2:3 ပူးပေါင်းရင်းမြစ်များ

Ndawi 119:32

Kat koone ambinom neenu arikit nduk Niniki kole eerogo panumunggun me, Koone, “Yogop ee'nu ndogop ee'nu,” yugu nogo Nale'nggen paga liirogon aret eerit nage logokit o.

Ndawi 119:6

Koone, “Yogop ee'nu ndogop ee'nu,” yugu nogo Abok aret liippunuk eerit nage neenok, An nenggali arigin lek aret o.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Lukat 6:46

Yorage nagagerik, ambinom yorage logonet, “Kit an yokkirage minggirak nogo eeka'lek logonet, nonggop nduk, Ai, nogoba! Ai, nogoba! mban yo'nogo ogotik?

Yaya 14:15

Yorage nagagerik, ambinom yorage logonet, “Kit an kiniki kunik ee'nakwi kiinok, an nen, Yogop ee'nu, ndogop ee'nu, yokkirage minggirak nogo aret eeko logomunggup o.

Yaya 15:10

Nogoba nen, Yogop ee'nu, ndogop ee'nu, yo'nereegerak nogo an eeke nagagirak paga iniki kunik ee'nabeegerak nogo kwak, an nen, Yogop ee'nu, ndogop ee'nu, yokkirage nogo eekwi kiinok, niniki kunik eekkinabigin me, ninom kunik aret logomunggup o.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Iberani 5:9

Teppege mbareegi, nit ee'ninake menggerak nogo, at abu li'luk eerogo mamunggolage nagagerik, nit at oone woppunuk, eerit nogwe nogo, abok aret nineenik mondok-mondok logowok nduk, ninagap ndake logorak alom at aret agagerak me,

1 Yaya 2:13

Nogobamini yi wae. At o aa'nduk nen nok-nok yogondak kuli itok mondok menggerak kit kineenu ogogutak me, Kinake liiru yi, mbanggirage, Nawuri yi, wae. At maluk ee'ninaka nogo tebenogo pogotak me, Kinake liiru yi mbanggirage, Eeke agarik o. Kit an napuri niniki kunik yi, wae. Ninogoba Ala kineenu ogogutak me, Liiru yi, mbanggirage,

1 Yaya 3:14

Nit ninoreewi ninom niniki kunik eeginakwi ti paga, kanggo menggam nen nineenik ee'ninake menggim muk pinani wagagerak wonogwe nineenu ogoorik o. Aap ambi nen aakumi iniki kunik aganake lek kenok, at kanggo menggam time awo aret wonage agaarik o.

1 Yaya 3:19

Nit eeko monggoorak nogo Ala enggaanom paga abe'nage logonet, maluk ambi eekoorak paga niniki nen ninenggali wappinanege kenok, ninagabiti mbariyak kwe, nit yi eekak ndi eekak eeko monggoorak nogo inom, ninikime ee'ninake menggerak nogo inom, abok aret at Ala eenu me, nit Ala enggaanom paga, “An aakumi inabuwa nen obeelom eeppiinet nage nagagirak nogo paga kat Ala ari menggendak nogo an ndak-ndak eeke nagagirak o,” mba'nuk, ninagabiti lek logonet, at yoriyak op aret o.

1 Yaya 3:6

Aap ambi at Keritut imbirak kunik wonage kenok, at maluk eerit nageelik aret o. Ndi, aap ambi maluk eerit nage menggerak kenok perak, Keritut enegen kage, eebe eenu age, eeka'lek aret wonage menggerak o.

1 Yaya 4:13

At Ala nen Aberiniki wo'niragagerak ti paga at nit ninom kunik wonage, ndi, nit at ninom kunik wonogwe, eekwi nogo nineenu aret o.

1 Yaya 4:7

Noreewi niniki kunik yi, wae. Aakumi niniki kunik aganako logowok nduk, Ala nen aret eeppinanege menggerak me, niniki-kiniki kunik eeko logowok o. Ninoreewi niniki kunik aganakwi niinok, “It yi ti, Ala nen aret ndaganabeegerak me, inogoba Ala ineenu aret iigo o,” yinuk, yogo logogun o.

1 Yaya 5:19

Yi aakumi ndi aakumi maluk eeko menggaarak nogo abok aret at maluk eeka Tile nogo abu'me wonogwe nineenu kwe, nit perak, Ala apuri aret ogoorik o.

1 Yaya 5:2

nit nonggop eekwi paga Ala apuri niniki kunik aganakwi nineenu ariyak mbakop? Lek o. Ala nen, “Yogop ee'nu, ndogop ee'nu,” wone yo'nirage nogo eeko logonet, Ala niniki kunik eekwi ti paga at apuri niniki kunik aganakwi mbako monggoorak.

1 Yaya 5:3

At Ala niniki kunik eekwi nogo ti, at nen, “Yogop ee'nu, ndogop ee'nu,” yinuk, wone yo'nirage eekwi nogo ti aret. Ndi, at Ala nen wone, “Yogop ee'nu, ndogop ee'nu,” yo'nirage nogo ti, aaninggin lek aret o.

Wayu 12:17

Ti eeke mbaki, at waalo nggwok nogo nen anini agaket ari nagaarik, “Ala nen, Yogop ee'nu ndogop ee'nu, ari menggerak wone liirogon eerit nogwe inom, Yetut nen paganogo yoragagerak wone abet mba'nuk mugurok nogwe inom, kwe nogo aagalogwe ando it aret me, Ninom wim namburi naakit o,” yinuk,

Wayu 14:12

Ari naruk konengge mbaki, at oone yo'nege nogo nen, “It iniki Yetut oba panggombunuk, oone yugu li'lak eerit nogwe, ndi, Ala nen, Yogop ee'nu ndogop ee'nu, yereegerak wone liirogon mugurok nogwe, eeko menggaarak at apuri ake leenak nogo, andi-pandi inoba piigwi iigak kwe, inogogumbuk logonet, waganggo logowak o,” yinuk, yo'nege kagarak.

Wayu 22:14

Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,