1 Tetalonika 5:8 - Ala Wone Peenok Peebi Mbanak

⁸ it liingge eeko menggaarak nogo mendek nit aret me, nit nogolumok yaga'lek tum mban wako logowok o. Tum wako logonet, nit niniki abet mbakwi, aakumi niniki kunik aganakwi, eekwi nogo paga ninarin pogom yirikkologwe, ndi, aap wim nambuka anobak me warukwak nduk, petagi mbuti mendek yirikkolage nogo kwak, ninagap nda'ninaburak niniki lunik wonage nogo abekwi, eeko logowok o.

1 Tetalonika 5:8 ပူးပေါင်းရင်းမြစ်များ

Ndawi 42:11

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoge agarik o.

Ndawi 42:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, lombok mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” yinuk, yoge agarik o.

Ndawi 43:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoreegirak o.

Yetaya 59:17

Ti eeppiyaakit nduk, tin yikkologo mengga kwak at a'me nggelok eeppiiga nogo yikkolage, Mbuti petagi inanobak paga yikkologo mengga kwak inagap ndariyak wone yikkolage, Aap inane'me inooruwok nduk towe eeruwak yikkologo mengga kwak, maluk onggo eeppiyaakit nduk, ayum yikkolage, Towe yuut eeruwak mendaarak inambokan tek eerogo wurako mengga kwak, at omaawi togop aret eekkolage, Eereegerak.

Leendawi 3:26

“Aliku ALA nen aret yeenggwa niraawak o,” yinuk, Iniki nu'lek kwi'ndak logonet at tokkogwe nogo ti, obeelom lombok aret o.

1 Korindut 13:13

Ti kenok, niniki abet mbakwi inom, niniki lunik wonogwe inom, aakumi inabuwa mbakwi inom, wone alom kenagan wonage kwe, nabuwa-kabuwa mbakwi ti perak, mondok tiyanak aret wonage agaarik o.

2 Korindut 6:7

Ala ari menggerak wone yokkirogwe, Ala omaawi paga eeppinanege kagak eerit nugwi, obeelom mban eerit nogo logonet, wone ti, nineegin-ninomaale kwak li'luk eerak wonok nugwi,

Nggalatiya 5:5

Nit abet mbareegurak nogo paga Aberiniki nen eeppinanege kagak, Ala nen, “Aap yi, iniki abe koonak aret o,” yinuk, obeelom agago pinaniyak nogo, “Mbet-mbet eerogo pinanuwak lak ao,” yinuk, niniki lunik logonet, tokkogo ogoorik o.

Epetut 6:11

Ibilit nen iniki koombunuk, kinambokan lagani wage kero, mugogo nappegak eeko logobagip nduk, Ala nen at eegin-omaale li'luk eerogo pinagareegerak nogo, waganggo logonip o.

Epetut 6:23

Kit ninoreewi Ala apuri abok aret abet mba'nuk, kiniki ugun obeelom ambit lambunik logonet, nabuwa-kabuwa mbako logobagip nduk, ninogoba Ala ninowe Yetut Keritut imbirak nen eeppinagago logowak o.

1 Tetalonika 5:5

Kit abok aret aakumi o apit paga logonet eeko menggaarak nogo pogom lek o. Ata, eya paga logonet eeko menggaarak mendek kit aret o. Ndi, it aakumi oonikiya paga eeko menggaarak pogom kit lek mban. Ata, it liingge eeko menggaarak nogo pogom kit aret me,

2 Tetalonika 2:16

Kit obeelom eerit nugwi, wone obeelom mban yoranet nugwi, eeko logobagip nduk, at ninabuwa mba'nuk iniki kunik ee'ninake logonet, niniki mondok-mondok eyak wappinanege, niniki lunik abe nogo mendek wo'nirage, eeke menggerak ninogoba Ala nogo inom, ninowe Yetut Keritut inom, imbirak nen kit kiniki eyak wappinagagwi, kinomaawi eerogo pinagagwi, eeko logowak o.

Iberani 6:19

Yiiro niyo wonok nage kero, eyo nggwok paga mbarembogo mengga kwak, nit niniki ti, niniki lunik nogo paga aret mbarenak wonage o. Yiiro eyo nu'lek paga mbarembogo mengga kwak, niniki lunik nogo ti, Ala awi wurik me yum oolo ogoorak kagak akem time mbarenak wonage me, lek arigin lek mondok nu'lek mbarenak aret logogin o.

1 Peterut 1:13

Togop me, nowe-nawot o. “Peebi at Yetut Keritut wage eyom paga Ala iniki kunik en obeelom eeppinani woraagin o,” yinuk, wone ti paga kiniki mondok lunik logonet, li'luk agago punuk, kinagaket paga logonip o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.