26 Keyage wat-wat yogo logonet, kiniki kunik paga linggik-kambuk yogo logonip.
Ndi, kit kinoreewi mban keyage warogo wogonakwi kiinok, it aakumi endekem konenggulik mendek inom, yi aakumi ndi aakumi inom, abok aret it mendek mban inom kunik eeko menggaarak nogo ndak-ndak eekwi me, Nit iya, mbariyak lek o.
Kit nen keyage wat-wat eeko logonet, “Ala apuri o,” yinuk, linggik-kambuk yogo logonip o. Ndi, it Keritut wone waganeegwaarak paga kuwak eeko menggaarak yime nogo nen abok aret keyage wappinagaga o.
Ndi, it ninoreewi Ala apuri yime abok nen keyage wappinagagwi mban o. Kit-kit aret keyage wako logonet, linggik-kambuk yogo logonip o.