1 Tetalonika 5:24 - Ala Wone Peenok Peebi Mbanak

²⁴ At yonggo pinaneegerak nogo nen, yegetak alik mbeyok ariilik, abok liirogon aret eeke menggerak me, “Eeke logowak o,” yogoorak nogo aret eeke logogin o.

1 Tetalonika 5:24 ပူးပေါင်းရင်းမြစ်များ

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Ndawi 146:6

Mbogut inom, nggween inom, niyo kole laut inom, Yi niyo ndi niyo inikime menggaarak abok inom, Ogobakkigirogo piyareegerak inogoba Aliku Ala aret o. Aliku ALA yorage nagaatik, Li'lak mondok-mondok eeppiinet wundi wage,

Ndawi 36:5

Kaliku ALA wae. Aakumi kiniki kunik eeginake menggendak ti, Mbogut paga kuli aret wonage, Eeppiyoorak mbake'ndak li'lak eeke menggendak ti, Ndugwi paga kuli aret wonage, Eeke menggerak.

Ndawi 40:10

Kat obeelom mban eeke menggendak nogo Ninikime kumaappatinuk wonage, Aakumi kiniki kunik aganake menggendak inom, Wone abe aakumi eeppiyoorak wone inom, Kapuri nggwok kuwak eerak konenggwi iyo, patogo wonage, Eekeelik o. Ata, kat li'lak eeke menggendak wone inom, Inagap ndake menggendak wone inom, Yorage minggirak o.

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 89:2

Kat aakumi inabuwa nen kiniki kunik aganake nogo, lek ageelik mondok-mondok aret aganake, Yo'niraga'ndak li'luk eeppinanege nogo, mbogut nu'lek menggi kwak eeppinanege, Eeke menggendak nogo An yorage logogin o.

Ndawi 92:2

Nggitat agale 10 aago paga inom, Nggitat oone abe eeka paga inom, Eeko logonet, Lek aga'lek kiniki kunik mban ee'ninake nogo Kubondendok paga yorogwe, Yoraga'ndak li'luk eeppiige nogo Oonikiya paga nen yorogwe, Eeko logorak ti kunduk op aret o.

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Leendawi 3:23

Ninabuwa nen eeppinanege nogo ti, kubondendok ari wagak eeke paga alik ngget mendek mban eeppinanege, Iniki kunik nen liirogon eeppinanege ti, abu nggwok lombok eeppinanege, Eeke menggerak.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Yaya 3:33

At paganogo yorage nogo, it aakumi nen waganggwi paga Ala abet aret ari menggerak tena'me pogo menggaarak.

Oroma 8:30

Nit nda'naga'lek niigak mii'ninake nagagerik, leenogo pinaneegerak nogo aret ninayonggo pereegerak. Ndi, ninayonggo pereegerak nogo aret obeelom agago pinaneegerak. Ndi, obeelom agago pinaneegerak nogo aret at ninom tiyappinaneegerak.

Oroma 9:24

Ninom tiyanak logorak nduk leenogo pinaneegerak nogo ti, nit aret o. Nit Yakuri mendek mban lek o. At Ala nen Oteya yoge kagak aakumi yorage logonet, “It an napuri lek aret kwe, Napuri aret, yorage, Ndi, at an niniki kunik lek mendek aret kwe, Kat an niniki kunik aret, yoge, eerigin o.”

1 Korindut 1:9

At aput ninowe Yetut Keritut kinom kunik logowok nduk, yonggo pinagareegerak Ala nogo nen mondok liirogon aret eeke menggerak me, kiniki at oba panggombunuk, mondok nu'lek logonip o.

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.

Nggalatiya 1:15

Togop tit eerit nage neegak kwe, nagalo inikime awo nda'naga'lek neegak, at nabuwa mba'nuk, mii'nake nagagerik, yonggo paneegerak Ala nogo nen

Pelaareegerak 7:9

Togop aret me, at Aliku kinogoba Ala ti, at alik Ala aret kineenu a'nip o. Ndi, Ala yegetak mbeyok ariilik liirogon aret eeke menggerak me, it aakumi iniki at inom kunik lombok logonet, Yogop ee'nu ndogop ee'nu, yorage nogo nggirik-nggerok porogo logonet, eerit nogwe nogo inabuwa mba'nuk, wone abuk nggaruk togon inom koonogo pereegerak nogo kobak arigin lek aberak mban wonage kagak, yi aakumi ndi aakumi inombowologwe ndaganabit wundi namengga-namengga o ambi me aret ari nage logogin o.

2 Tetalonika 2:14

Kit togop aret eekkinabuwak nduk, nit obeelom wone yokkirogwe niigak, wiigiragagerak nogo o. Nit ninowe Yetut Keritut mondok tiyanak menggerak kit kinom ndak-ndak tiyanak logobagip nduk, wiigiragagerak.

2 Tetalonika 3:3

At ninowe perak, mbo pinanegeelik mondok liirogon ninake eeke menggerak me, at nen kinomaawi eeppinagage, ndi, at maluk eeke menggerak nen maluk eeppinagukwak kinarum wake, eeke logogin o.

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,

2 Timotiyut 2:13

Nit yogootak kagak alik eekwi kwe, at yegetak perak, alik ageelik yegetak ndak-ndak aret eeke menggerak o,” yinuk, yogo menggaarak nogo ti mondok abet aret o.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.

2 Peterut 1:3

At abu obeelom mondok tiyanak menggerak nogo, ninom ndak-ndak logowok nduk, ninayonggo pinaneegerak nit nogo nen at eeke menggerak liippunuk waganggwi paga, nit nggween paga yime logonet, Ala ari menggerak nogo liippunuk, eerit nogo logowok nduk, at omaawi eeppinaneegerak.

Wayu 17:14

Ndomba Aagaluk nogo tebenogo puwok nduk, inom wim nggagambunuk namburit namenggaarak kwe, Ndomba Aagaluk nogo ti, aakumi inoweewi inowe inom, ndi, yi aap ndi aap inendagembogut inowe endagembogut inom, ti, at alik aret me, apuri miirinake nagagerik, yonggo piyareegerak inom liirogon eerit nogwe nogo, inom wunggo logonet, nggeewo awuri inom tebenogo piyaagin o,” yinuk, yo'nege kagarak.