1 Tetalonika 5:19 - Ala Wone Peenok Peebi Mbanak

¹⁹ Kani noguk ari menggi kwak, Aberiniki nogonogo puurak ti mage o.

1 Tetalonika 5:19 ပူးပေါင်းရင်းမြစ်များ

Wakkagagerak 6:3

Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

Nekemiya 9:30

yi tahun ndi tahun paga kat kiniki yanggo yinuk, teppiige nagagindak o. Kaberiniki nogo paga it kat koone yoraga nogo yorage keegak yorogo nogogwaarak kwe, it ninombomini nogo inaruk logu negen liippega'lek wonogwe me, kat Ala nen it aakumi o yime wonogwe nogo ineenggime piyareegindak kwe,

Ndawi 51:11

Pekkoorak neebi o, yinuk, an mbo panege, Aberiniki wo'nereegindak nimbirak wonage nogo ndinggolage, Eeriyak mage o.

Ndawi Iya 8:7

Aakumi iniki kunik aganakwi nogo ti, niyo ambik lombok nen tebenogo pege, Niyo wu'nuk wage logonet, wonok nage, Eeriyak meek o. Ndi, aap ambi nen iniki kunik ambi eeka'lek kenok, amendek abe ame wonage nogo abok aret waganogo kuniyak nduk eeremenggerak kwe, kuniyak meek me, aakumi nen at agi'ndok kanggo logogun o.

Yetaya 63:10

Aliku ALA nen eeriyak mbake nogo ineebi mbakwi, At Aberiniki nogo iniki warogo pugwi, Eeko mbareegwa, Ambo'me piige, inom ogookkolage, eeppiige nagagerik, At nen aret inom wim eeke nagagerak.

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

1 Korindut 14:30

It yokkirogwe iigak, aap alik ambi kwi'ndak wonage me, Aberiniki inikime lik ari logonet, paganogo yoge kagak yuurak mbake kenok, aa'nduk ari logomenggerak nogo, puk age kagak yokkiroorak op aret o.

Epetut 4:30

Ala nen at apuri wogonabi wage logonet, nit ninom wo'ninabi woroorak nineenu logowok nduk, wam yelok kaawak nen aruk nggaganggo mengga kwak, Aberiniki wo'niragagerak me, Ala Aberiniki nogo, iniki maluk eerogo puurak mage o.

1 Tetalonika 5:20

Ndi, Ala nen yorage kagak, yokkirogwe wone nogo, miyuk-meya eerogo pugwi ti, mage mban o.

1 Timotiyut 4:14

Ala eyabu ambi eeke logonok nduk, it Ala apuri unde nogo nen kanobak tebenggo logonet, “Kat peebi togop eeke logomunggun o,” yinuk, nggwok paga aa'nduk unde eeppagareegwaarak nogo, kobak eerogo puurak ti mage o.

2 Timotiyut 1:6

Togop me, an neenggi kanobak tebembagage neegak, Ala eyabu ambi ee'nok nduk, unde eeppagareegerak nogo, kani noguk ari kenok ambi kunggwi nogo pogom ambi abeke logonok nduk, yokkigi o.

1 Tamuwen 16:4

Yoge mbareegi, at Tamuwen nogo at Aliku ALA nen yoreegerak nogo ndak-ndak aret, o ti eyom paga o kota Mbe'lekem wambi nage mbareegi, it aap o kota wonogwe inoweewi nogo nen inaganak nugiranet Tamuwen inom lambumbunuk, at yogwi, “Ninogoba wae. Kat yime op eeppinaniyak nduk wagan a?”