1 Tetalonika 4:9 - Ala Wone Peenok Peebi Mbanak

⁹ Kinoreewi kinom kiniki kunik aganabit nugwi nogo ti, Ala nen muk mamunggiragagerak me, wone ti mendek ambi liiru mbanggiroorak lek aret kagi o.

1 Tetalonika 4:9 ပူးပေါင်းရင်းမြစ်များ

Ndawi 133:1

It aap inogoba ambit kenok Niniki-kiniki kunik wonogwe nogo ti, Abu obeelom mondok iya lombok wonogwe ti aret!

Yetaya 51:13

O nggween yi alom kwippege, mbogut mbiganogo pege, Eeke nagagirik, Kineebe ogobakkigirogo pinagareegirak Naliku ALA kobak eerogo panugwi, It aakumi maluk eerogo piyoorak mbako menggaarak nogo inanini nen maluk eeppinanugwi iyo, yinuk, O kuubondendok nen nok oonikiya ari nage paga kinaganak warit nugwi, Eekwi yi, taani o? It inanini nen maluk eeppinagarak nogo ineebe nggeeme wonogo agaarik? Lek aret o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Yeremiya 31:34

It inendage abu tiyanak inom, inendage abu teberak inom, abok aret neebe ineenu arugun me, Aap ambi at imbirak menggerak nen, Aliku ALA ndogop o, yinuk, mamunege, Aap ambi oreeluk yoge logonet, Aliku ALA eebe keenu aru o, yinuk, yoge, Eerugun lek aret o. It inobaabut maluk lombok logonet eekwi nogo, an nen lek eerogo pege, Ndi, inomaluk eekwi nogo an nen aberak logogin lek nami eerogo pege, Eerigin o,” yinuk, Aliku ALA nen aret yegerak.

Ala Unde 19:8

Ndi, aap ambi nen Naliku ALA nake pugu leenak ti nengge kenok, at noorak mage yugu kagak, meek mbake logonet namenggerak paga obaalombok aret maluk eekkolaagin me, oreewi inenggela'me nen enggaawak lek eerogo puurak o.

Matiyut 22:39

ndi, wone ore ambi ti, ndak-ndak yi aret o. Kit kineebe kiniki kunik eekkologo monggotak nogo pogom, kinom monggotak togop aret kiniki kunik aganako logonip o.

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

Nappiigak 4:32

It abet mbareegwaarak nogo abok aret iniki ambit eeppunuk wonogo logonet, inamindik-inamendek nogo, “Yi kat mendek o. Yi an mendek o,” yaga'lek, we, “Nit abok ninamendek o,” yogo nogogwaarak.

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

2 Korindut 9:1

It Ala apuri alik leenak o Yureya mendek yeenggwaaroorak wone nogo, nit liiru ambinom mbanogo nappinagi woroorak lek aret kwe, we mbuuluk irip paga iluk yi aret yokkiraawi o.

Pilipi 3:15

Kit kiniki muk kole agaarak kenok ninom togop aret mbe agan nogo logowok o. Ndi, kit ando togop eeriyak mbaka'lek kenok, eeko logobagip nduk, Ala nen aret eekkinabigin me,

1 Tetalonika 5:1

Noreewi o. Yi eeriyak wone yokkirogoorak nogo ti, “Ndi eyom paga woraagin a, o lagi nage, wambi wage, eeke paga woraagin a?” kineenu arubagip nduk, liiru mbanggiroorak lek o.

Iberani 13:1

Kit Ala apuri aret wonogwe me, niniki-kiniki kunik eekwi nogo, lek age kero, liirogon aret eeko logonip o.

1 Peterut 3:8

At Ala nen ari logonet, “Kit kineenik logorak kinikilom mbakwi, Nit obeelom aret wonogwe me, li a'nuk, kambuurak op aret, mbakwi, Eekwi ti, Taamini nen togop mbako ogotik? Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakkologwe, Maluk mendek mbo punuk, obeelom mendek kenok mban eerit nugwi, Nonggop agago niniki ambit lambunik logorak koonggwi, Abu koombunuk, ti aret kinomaawirogon mugurok nogwe, Eeko logonip o. Aap iniki koonak menggaarak nogo, Ala enegen wogoren nege, Tamban eekwi iinok, at aruk liirogon konengge, Eeke menggerak kwe, Aap maluk eeko menggaarak perak, Ala enggaawak omaawi paga lek eerogo piige menggerak o,” yinuk, yereegerak liiru mbanak ndak-ndak, kit togon Ala ale'nggen kinoba pinagakit nduk, kinayonggo pinagareegerak me, kit nen maluk onggo-onggo eekwi, ambi nen ambi meek eeppegak eekwi, eeko logogup o. Ata, it maluk eeppinagagwi nogo obeelom eeppiigo logonet, kinom kiniki ambit eeppunuk wone mbanggwi, kiniki eyak wat-wat eekkologwe, nore-kore yogwe, nabuwa-kabuwa mbakwi, kiniki tebenak nugwi, eeko logonip o, yinuk, eeko logorak irip paga ambi yokkiraakit mbakirak nogo ti aret yokkiragi o.

1 Peterut 4:8

Aap ambi ore imbirak iniki kunik logomenggerak nogo nen ore maluk ambik eerogo pit nage logomenggerak kwe, imbirak iniki kunik me, “Op aret o,” ari menggi kwak, kit togop aret, “Niniki-kiniki kunik eeko logonip o,” yinuk, wone ambit ti aret yokkiragi o.

2 Peterut 1:7

Ala ari menggerak ndak-ndak eerit nogwe paga kinoreewi inabuwa mbako logorak mamunggologwe, ndi, inabuwa mbakwi nogo paga irip paga aakumi abok aret kinom kiniki kunik eekkologo logorak mamunggologwe, eerit nogo logonip o.

1 Yaya 2:10

Ndi, aap ambi nen at awot iniki kunik eeke kenok perak, at o eya paga nage me, nage logonet, aganak kolaagin lek kwe,

1 Yaya 3:11

O maan aa'nduk nen wone konenggo nogogutak nogo ti, “Niniki-kiniki kunik eeko logonip o,” yinuk, yo'niragagerak ti aret.

1 Yaya 3:23

“Kit kiniki an naput Yetut Keritut oba panggombunuk abet mbakwi, ndi, an nen yokkiragagirak nogo ndak-ndak kinoreewi kiniki kunik aganakwi, eeko logonip o,” yinuk, wone lengganogo yo'nirage nogo ti aret.

1 Yaya 4:21

At Ala nen ari logonet, “Kit an kiniki kunik ee'nakwi kiinok, kinoreewi kunduk inabuwa mbako logonet, kiniki kunik aganako logonip o,” yinuk, wone lengganogo yo'niragagerak nogo ti aret.