1 Tetalonika 4:14 - Ala Wone Peenok Peebi Mbanak

¹⁴ At Yetut kangge nagagerik, mi'nagagerak nogo nit abet mbakwi kenok, it aakumi Yetut inom kunik logonet, kambeegwaarak nogo at Ala nen ineenik agago mippiyaagin abet aret mbako logowok o.

1 Tetalonika 4:14 ပူးပေါင်းရင်းမြစ်များ

Wakkagagerak 49:19

Ndi, kat Nggat ti, Aap yogoot iyagalo ambi aago nen koori wogwe iinok, Kat nen melak ari logonet, Inandelen anggut kogonogo piinet nage logomunggun o.

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Takariya 14:15

Kugilingga ti mendek nen kuda inom, kuda mendek bagal inom, unta inom, keledai inom, inaanggumi inawooliyana wonogwe nogo abok aret inoba kwi'narigin o.

Matiyut 24:31

Ndi, oone nggwok eeka trompet nogo oone eeke kenok, it nayeloman mini malayikat nogo nappiya wage neenok, wogo logomenggaarik, an napuri miirogo leeninabeegirak o agi-ogu nen, aru-ogwe nen, ilin-unggut wonogwe nogo abok aret kuwak eerogo piya woraagun o,” yinuk, yoragagerak.

Oroma 14:9

It kambeegwaarak inom, nineenik wonogwe inom, ninowe aret a'nuk abu'me pinanikit nduk, at Keritut kangge nagagerik, eenik mi'nagagerak me, nineenik logorak inom, kambuurak inom, at ake mban aret ogoorik o.

Oroma 8:11

Ndi, kanggo menggam nen Yetut eenik agago mippereegerak at Ala Aberiniki nogo kinikime wonage kenok, at Keritut eenik agago mippereegerak nogo nen Aberiniki wokkiragagerak kinikime wonage nogo paga kit kanggo monggotak mendek aret kwe, kineenik agago mippinagagin o.

1 Tetalonika 3:13

ndi, ninowe Yetut at apuri ake leenak inom wogo logomenggaarik, “Kit kiniki nu'lek logonet maluk eeka'lek abu obeelom eeko nogootak me, nogoba Ala oone kinoba pinagagin lek aret kiigi,” yinuk, yokkirage, eeke logowak o.

1 Tetalonika 4:13

Noreewi o. It aakumi kambunuk nonggop ogo menggaarak wone nogo, kineenggo'lek logorak ti, nineebi o. Aakumi ando iniki lunik ambi lek me, inore ambi kangge kenok iniki wakkologo mengga kwak, kit kiniki togop aret wakkologo logokwak, mbininogo yokkiraawi o.

1 Tetalonika 4:17

Mippiige logomenggerik, ti'nuk, nit nineenik awo wonogwe nogo, it ninom ndugwi enggela'me oolo taati ninowe ninom lambunuwok nduk, wo'niren nagin o. Wo'niren nage kenok, ninowe ninom mondok-mondok aret logogun o.

2 Tetalonika 2:1

At ninowe Yetut Keritut wage kenok, nit at ninom kuwak eeriyak wone nogo yokkiraawi o.

Wayu 1:18

Neenik nitok minggirak an aret o. Aa'nduk kambeegirak kwe, yogondak perak, neenik mondok-mondok wonage yi neyet o. Kanggwi inom, kambunuk nogo menggam inom, imbirak an mban aret unde logonet, tu paaka kunci porogo minggirak o.

Wayu 14:13

Ti yo'nege mbaki, ti'nuk, mbogut paga nen wone ambinom yo'nege kage logonet, “Yogondak nen it aap ninowe inom kunik logonet kanggwi nogo, iniki ale'nggen aret mbako logogun o, yinuk, liiru mbanu o,” yo'nege mbaki, liiru mbangge me, Aberiniki nen, “Abet aret o. It kanggwi iinok, ineenik logonet, ta'liila eeginake kagak yabu eerit nugu nagaarak nogo, Ala nen kobak eerogo pigin lek me, iniki ale'nggen mbako logonet, tat yonggonggologo logogun o,” yinuk, ari naruk konenggirak.