1 Tetalonika 2:9 - Ala Wone Peenok Peebi Mbanak

⁹ Noreewi o. Nit eerit mban nogo logonet, ndeyak eerogo pinaneegerak nogo ti, kiniki abe'nip o. Ala nen yo'niragagerak wone obeelom wone nogo yokkirogo logonet, “Kit mban ambinom aaninggin kinoba pinagukwak,” mba'nuk, nit nen liingge inom, oonikiya inom, eekko'net nogo nogogurak nogo o.

1 Tetalonika 2:9 ပူးပေါင်းရင်းမြစ်များ

2 Endagembogut 6:2

Togop me, nit niyo Yoraran aa'nggi paga ninawi wukkolaawok nduk, ninalitak lombok eyo time nggubunogo pati nawi o.” Yogo mbareegwa, at Elita nen, “Op aret me, nanip o.”

Nekemiya 5:15

an o unde mippanega'lek kagak inaa'nduk o unde wonogogwaarak nogo nen it aakumi aaninggin-paaninggin inoba piigo logonet, “Mbi inom, anggur amburu toolak inom, wo'nira wogo logonet, wu mbuti perak aaninggin oolo wakkagak inom wo'nira wogo logonip o,” yinuk, yorogwe, ndi, inawuri kunduk, inoone omaawi paga yorogo logonet, tebenogo piigwi, eeko nogogwaarak kwe, an perak, Ala nagabiti mbake minggirak me, togop eeke logolik.

Nekemiya 5:18

Nonggo logonet, lembu ambit inom, kambin-ndomba amok warak 6 inom, towe-ayam inom, ne ambit noorak ninake pipuk eerogo pinanugwi, anggur amburu toolak ne aa'nduk nen nok, 10 kuli noorak ninake pipuk eerogo pinanugwi, eereegwaarak kwe, it aakumi aaninggin ambik inoba wonage me, “Aap o unde menggerak ndogop pogo logorak,” wone yugu nogo, “Nira wogo logonip o,” yinuk, an yorage logolik.

Ndawi 32:4

Liingge-kii'me keenggi noba tebembaninuk wonage paga Mo andi nen inomaawi lek eerogo piige menggi kwak Nomaawi lek eerogo panegerak o.

Ndawi 88:1

Nagap ndaka Kaliku ALA yi wae. Yeenggwa nirenok nduk, liingge-oonikiya kulinik aret noone nggwok paga yokkege agarik o.

Kini Wuppiige 31:18

Eerit nage paga awu kwaakkolage eenu me, andi wuninik tit kagak o nogo iniki paga ari nage,

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Lukat 2:37

ti'nuk, togwe kagak tahun 84 eereegerak me, abu kweegelo aret agagerak. Ala awi wurik me nen wundi naga'lek mondok time aret liingge-oonikiya Ala ake eeke logonet, mbi nengga'lek ambe mage negen eeppunuk, tamban mban eeke nagagerak.

Nappiigak 18:3

mbogoyum o wuriyak yum penggaakwi me, Pawulut iya nage nagagerik, at kunduk, yum o wuriyak penggaakwi eenu me, inom logonet, penggaake nagagerak.

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 20:31

Togop me, kiniki tum wakkologo logonip o. O liingge nen, oonikiya nen, puk aga'lek kinale ari logonet, kinalitak lombok kurumbi yokkirage neegak, tahun kenagan eereegirak nogo abeko logonip o.

Oroma 1:1

At Ala nen an Pawulut Keritut Yetut ayeloman nogo, nappiigak mendek logokit nduk, yonggo panege, at oone obeelom wone yoranet nege logokit nduk, leenogo panege, eereegerak me, an wone ambi yokkira o.

Oroma 15:19

Aberiniki nen omaawi eeppanege kagak, inagabiti warak mendek eeke, eerubok mendek eeke, eerit nage nagagirak nogo, ti mban mbininogo yokkirage agarik o. Ti eerit nege logonet, o Yerutalem enaagan-ambokan time nen o Ilirikum kuli aret Keritut eeke nagagerak obeelom wone nogo abok aret yoranet nege nagagirak o.

1 Korindut 4:12

Ti eerit nogo logonet, nineenggi paga nen mban nggik-palek eekko'net nugu monggoorak. Mbe'nirogwe iigak ninale'nggen inoba piigwi, piyak-payak eerogo pinanugwi iigak niniki yanggo yinuk, puk wonogwe,

1 Korindut 9:15

Koonogo pereegerak kwe, “Kinamendek ambi wo'ninip o,” yinuk, an yokkirage logolik o. Ndi, yogondak kunduk, kit ambi eeppanubagip nduk, liiru yi mbanggirage lek mban. An kambuurak op aret mbake kwe, “An Ala ake pugu waagin abu lek o,” ari minggirak ti, iya lombok mbake me, aakumi nen lek eerogo paniyak lek aret o.

1 Korindut 9:18

Togop me, an onggo koloorak ti, ngge mbakop? Lek o. An yabu eeke onggo ti, wone yokkirage nogo paga, “Onggo wo'ninip o,” yokkiroorak op kagak, tebenogo punuk, obeelom wone onggo lek we aret kineenu eeppinagit nege minggirak nogo ti, an onggo kolage ti aret o.

1 Korindut 9:4

“Lek o. An Ala eyabu eeke nogo onggo kinambi-kinagi ma'ninip o,” yokkiroorak meek mbakop?

2 Korindut 11:27

Yoranet mban nage neegak, ndeyak eerogo panege, kulinik-kalinik nogo yega'lek neenik mban wonage, mbi abu ee'nake, yi abu ee'nake, mbi lek kenok abu nogo yege, kani lek kenok togwi aret nogo yege, nayum lek me we aret nege, eeke nagagirak nogo ti, an neenu aret o.

2 Korindut 11:9

Ndi, an kinenggela'me wonage neegak, namendek lek mbareegi, noreewi Makendoniya mendek nogo nen wogo nogogwaarik, inamendek abok aret wo'niri wogogwaarak me, kit ambi wo'nirubagip nduk, an mondok nggino yokkiroolik o. An yokkirage paga aaninggin kinoba arukwak, an neenggi paga mban nen liirogon eekko'net nage nagagirak me, yogondak kunduk ndak-ndak aret eekko'net nage logogin o.

2 Korindut 6:5

yawi ninookwi, keele maarogo mambinanugwi, keekok paga niniki taganggwi, yoranet nugwi niigak, anggon-panggon ee'ninake, wu yega'lek nogo yega'lek kinoba aberak mban wonage, mbi abu tit nogo yugwi,

Pilipi 4:16

An o Tetalonika wonage neegak, kit nen ne mbere paga yeenggwaanereegutak nogo kunduk aberak aret wonage o.

1 Tetalonika 1:3

Kit abet mba'nuk eerit nugwi, aakumi kiniki kunik nen nggwiirit-nggwaarit obeelom eeppiinet nugwi, ndi, ninowe Yetut Keritut paga kiniki lunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak logonet, ninogoba Ala yogo monggoorak o.

1 Tetalonika 2:2

Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.

1 Tetalonika 2:6

Ndi, Keritut ayonggo nugu logowok nduk nappiigak agago pinaneegerak me, ninoone omaawi yokkiroorak op aret kwe, kit inom, it aakumi alik inom, nit ninendage tiyappinanuwak nduk, woroolik o. Ata, kwe ambi at aagaluk abuwa nen ogome lamoppunuk oone yanggorogon yoge menggi kwak, nit kinenggela'me logonet, togop aret ninoone yanggorogon aret yokkirogo nogogurak nogo o.

1 Tetalonika 3:10

Nit kinetenggen kiigo logomonggoorik, kit abet mbakwi wone nogo ambi yobok ari kero, yokkiraawok nduk, ko'lu-kii'me ninoone aganggen kerek togon kinake tamban eeko monggoorak.

1 Timotiyut 1:11

Ala wone kole wone nogo ti, nit alut eeko monggoorak tiyanak menggerak Ala nogo nen obeelom wone an unde logokit nduk, eeppaneegerak nogo aret o.

1 Timotiyut 4:10

Yi aakumi ndi aakumi abok inagap ndarikit mbake menggerak kwe, nit niniki at oba panggombunuk abet mbakwi ninagap ndaka mondok itok eenik menggerak Ala nen, “Nit yorogwe niigak eeppiyaagin,” mba'nuk, niniki lunik mondok nu'lek monggoorak me, nit lin wako logonet, nabenik-nabenak mban eerit nogo monggoorak.

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.

2 Timotiyut 1:3

An ko'lu-kii'me tamban eeke minggirak me, eeke logonet, kat koba aberak wonage me, “Nogoba Ala wa,” yinuk, yoge minggirak. An nombomini maluk abeka'lek logonet iniki abe paga Ala ake eeko nogogwaarak nogo kokwak, an ndak-ndak aret eeke minggirak o.