1 Tetalonika 2:6 - Ala Wone Peenok Peebi Mbanak

^6-7 Ndi, Keritut ayonggo nugu logowok nduk nappiigak agago pinaneegerak me, ninoone omaawi yokkiroorak op aret kwe, kit inom, it aakumi alik inom, nit ninendage tiyappinanuwak nduk, woroolik o. Ata, kwe ambi at aagaluk abuwa nen ogome lamoppunuk oone yanggorogon yoge menggi kwak, nit kinenggela'me logonet, togop aret ninoone yanggorogon aret yokkirogo nogogurak nogo o.

1 Tetalonika 2:6 ပူးပေါင်းရင်းမြစ်များ

Etet 1:4

Kuwak ari wogo mbareegwa, inabugo lake logonet, at abu'me menggim yi mendek ndi mendek mondok iya ineenggi lingginiyak meek kuwak eerak nogo titik irage, ndi, at endage mondok nggwok kenok aakumi nen, Wi, ugwi iigak, alik negen eeke nagagerak nogo mbininirage, eeke kagak, tut 6 peneneegerak.

Etet 5:11

iniki wogoppake logonet, eenggi warak lombok age, apuri aa'mbin-aa'mban ndaganake, aap endagembogut nen ale'nggen oba pege, it aap nagawan-nagawan inom, it aap yi o ndi o unde menggaarak inom, iigak, aap endagembogut imbirak eeke logowak nduk tiyappege, eereegerak nogo paga tiyappake logonet yorage,

Kini Wuppiige 25:27

Nggiin amburu ambik nenggak yuurak ti maluk aret o. Ndi, aap ambi endage tiyappuwak nduk, oone ambik agan nage ti kunduk, maluk aret o.

Ndaniyen 4:30

“An nendagembogut minggim o Mbaben mondok tiyanak lombok wonage yi, an nomaawi paga pippunuk logonet, eerogo pit nage, nayuk warak neenok, Endage tiyanak wonage me iya! yuwak nduk eerogo pege, eereegirak yi aret nogo lek a?”

Yaya 12:43

It nogo ti, Ala nen tiyappinaniyak mbaka'lek logonet, “Aakumi nen tiyappinanuwak,” mban inikilom mbako nogogwaarak ti paga, “Nit at oone waganggwi mendek aret o,” yinuk, pagangga'lek aret wonogogwaarak.

Yaya 5:41

Aakumi nen an tiyappaniyak ti, mbakeelik o.

Yaya 5:44

Wologo wae! It kinoreewi nen tiyappinagagwi iinok ti, kinikilom mbako monggotak kwe, Ala alik mban menggerak nen tiyappinaniyak ao, mbakwi lek me, kit nonggop togon kiniki noba panggombunuk, abet nombarumunggup?

Yaya 7:18

Aap ambit ambi at mbake paga wone yorage nogo ti, at endage nggwok aruwak nduk ari menggerak kwe, at nappi wagagerak endage nggwok aruwak nduk, wone yorage nogo ti, at pilit pugunit negeelik abet liirogon mban ari menggerak me, maluk inikime wonage abu lek aret o.

2 Korindut 13:10

An nen aakumi maluk eeppiyaakit nduk, Ala nen at oone unde eeppanulik. Ata, aakumi iniki kole eerogo piyaakit nduk, oone kili'nereegerak me, an kiya wage logominggirik, noone omaawi lok togon yokkirookwak, awo waga'lek logonet, wone yi liiru paga mbanogo nappinagi wagi o.

2 Korindut 4:5

“Nit aap iya o,” yinuk, eeko monggoorak mbininogo yokkirogwe lek o. Ata, “At Yetut Keritut ti, ninowe aret me, at mban iya o,” yinuk, yokkirogwe, ndi, nit togon, “Yetut yereegerak ndak-ndak, nit kit kinayeloman aret o,” yinuk, yokkirogwe, eeko monggoorak o.

Nggalatiya 1:10

An yokkirage ti, aakumi inikilom nombaruwak nduk ari ilik, Ala inikilom nombaruwak nduk ari a? Ndi, an aakumi nen tiyappanuwak nduk ari minggirak mbakop? Lek o. An aa'nduk aakumi inikilom mbaruwak nduk ari nagagirak nogo ndak-ndak ari logonetak en, yogondak an Keritut ayeloman logonetak lek o.

Nggalatiya 5:26

Kit wogoppako logonet, an iya kat iya yogwe, at ambi eeke paga at ambi iniki warogo pegak eekwi, obeelom eeppugwi iinok, nuwa-kuwa yogwe, eeko logogup o.

Nggalatiya 6:13

It inagabolo mbanak nogo nen wone Muta yoreegerak nogo ndak-ndak eeka'lek logonet kwe, kit mban eeko logobagip nduk, yokkirogwe nogo ti, “Nit ninapuri ambik aga o,” yinuk, wogoppatuwok nduk, yokkirogo menggaarak.

1 Tetalonika 2:9

Noreewi o. Nit eerit mban nogo logonet, ndeyak eerogo pinaneegerak nogo ti, kiniki abe'nip o. Ala nen yo'niragagerak wone obeelom wone nogo yokkirogo logonet, “Kit mban ambinom aaninggin kinoba pinagukwak,” mba'nuk, nit nen liingge inom, oonikiya inom, eekko'net nogo nogogurak nogo o.

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.