1 Tetalonika 2:4 - Ala Wone Peenok Peebi Mbanak

⁴ Ala nen ninabut mbambunuk, obeelom wone unde eeppinaneegerak nogo ndak-ndak aret yokkirogo monggoorak. Kit kinikilom mbarubagip nduk yokkirogwe lek o. Ata, at niniki lombonninake menggerak Ala nogo inikilom mbaruwak nduk, yokkirogo monggoorak.

1 Tetalonika 2:4 ပူးပေါင်းရင်းမြစ်များ

1 Endagembogut 8:39

yi aakumi ndi aakumi abok aret iniki keenu me, kat wonage menggenom mbogut paga nen inoone karuk konembunuk, o it ninombomini logowam wogoragaginom nogome wonogo logonet, kat paga inagabiti kombako logowak nduk, it inalitak lombok iniki keenu me, maluk eeremenggaarak ti mugurok inowak loongge, inomaluk lek eerogo piige, eeke logomunggun o.

2 Endagembogut 16:16

Yoge mbareegi, at aap endagembogut Akat yoreegerak nogo, aap Ala unde Uriya nen ndak-ndak aret eereegerak.

1 Mbinineegwaarak 29:17

Nogoba Ala o. Aakumi inabut mbangge, it iniki abe paga kiri wogwe iinok, kinikilom inombake, eeke menggendak neenu me, yi mendek ndi mendek kuwak eerogo pi wagarak yi, niniki abe paga ale'nggen logonet, kake pege, ndi, it aakumi kat kapuri yi kunduk, iniki ale'nggen paga inamendek kuwak eerogo pi wogwe iige nagarik, an togon niniki ale'nggen mbake, eeke agarik o.

Ndawi 139:23

Ala wae. Kat nen an liirogon malennake, Niniki mbake keenu age, nabut mbangge, Niniki koonit nage nogo liippanege, Eeru o.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Ndawi 44:21

Kat aakumi inikime kote koonggwi nogo Abok liippinanege menggendak me, Kat keenu aret logonetak nogo lek a?

Ndawi 7:9

Kiniki abe koonak Ala wae. Aakumi inabut mbangge, Inikime lombok koonggwi nogo liippiige, Eeke menggendak me, Inanini nen maluk eeko menggaarak nogo lek eerogo piige, Ndi, it obeelom eeko menggaarak nogo iniki nu'lek eerogo piige, Eeru o.

Kini Wuppiige 17:3

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aliku ALA nen perak, Aakumi iniki abut mbangge menggerak.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Yeremiya 32:19

Kat eeriyak kiniki koonit nage nogo ti, abu iya o! Ndi, eerit nage menggendak kunduk nggwok lombok aret o! It aakumi inalitak lombok iniki koombunuk eerit nugwi nogo abok aret kenegen wogoren nege, it aakumi maluk eerit nugwi paga, eerit namenggaarak anggen yugu paga, onggo ndak-ndak eeppiige, eeke menggendak o.

Linggineegwaarak 27:16

“Ai, nogoba! Yi aakumi ndi aakumi abok aret ineenik aganaka unde Kaliku kat Ala aret me, it kapuri abok kuwak aago yi, at ndegeninaka lek kenok, ndomba kobak ogo mengga kwak arukwak, at nen ndegeninake logonet, wogoret wundi nage, unggwi wage, eeke logowak nduk, aap ambi leenogo mippu o.”

Lukat 12:42

Yoge mbareegi, at ninogoba Yetut nen, “Ti kenok, aap nggwok ayeloman ambi nen oreewi at ogoba ayeloman mini ando nogo inarum logonet, inambi noorak wogorage logowak nduk, mippuurak iniki warak yabu li'lak eeke menggerak ambi ta o?

Lukat 16:11

Togop me, yi mendek ndi mendek nggween paga mendek nogo liirogon unde wonogwe lek kenok, abe mendek unde logobagip nduk, ta nen unde eeppinagagin mbakop?

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

Oroma 8:27

Aberiniki nogo nen Ala iniki mbake mugurok at apuri alik leenak inake tamban eeke menggerak me, aakumi iniki liippiige menggerak Ala nogo nen Aberiniki mbake nogo eenu aret o.

1 Korindut 7:25

Kit komologwe tawe eeko logorak Ala nen wone ambi lengganogo yo'nirulik kwe, it aakumi Ala nen inabuwa mbake menggerak me, “Ninoone abet mban yogo logowok o,” yinuk, mbakwi nogo ndak-ndak an kunduk togop logonet, niniki mbakirak nogo ambi yokkira o.

1 Korindut 9:17

An niniki mba'nuk yorage logonetak en, “Onggo wo'niruwak,” mba'nuk, niniki lunik logorak op aret kwe, Ala nen aret unde eeppaneegerak kenok, yoranet nege minggirak me, onggo lek we aret yoranet nege minggirak.

2 Korindut 2:17

It ando nen Ala wone yorogwe paga, “Ambi kolaawok o,” yinuk, yokkirogo menggaarak kwe, nit perak, togop lek o. Yokkiraawok nduk, Ala nen nappinani wagagerak me, at enegen kagak Keritut ayeloman logonet, we ale'nggen paga aret yokkirogo monggoorak.

2 Korindut 4:2

Inenggali ariyak mendek kagak, wone kote yorogo menggaarak nogo mendek, “Nit togop yoranet nogo logogun lek o,” yinuk, kooneegurak me, kit nen nineebe wo'ninabubagip nduk, koonggo'net nugwi, Ala wone kagak alik pugunogo yokkirogwe, ti eeko logolik o. Nineebe mbo pinaniyak mbakwi kenok, wo'ninaburak mbakwi kenok, “Ala mban koonigin o,” mbako logonet, nit we at ari menggerak wone nogo mban paganogo yokkirogo monggoorak.

2 Korindut 5:11

Nit abok at owagam kuwak eeppinanigin nineenu me, ninagabiti mbako logonet, yi aakumi ndi aakumi abok ninoone abet mbaruwak nduk, aganggen kerek togon yorogo monggoorak kwe, nit nonggop logonet, yorogo monggoorak nogo ti, Ala eenu aret o. Ndi, kit togon, kinikime togop aret eekkinake me, kineenu aret mbake agarik o.

2 Korindut 5:16

Togop me, it aakumi abe iinok mban yorogo mengga kwak, nit togop yorogo logogun lek o. It aakumi nen, “Keritut ndogop o,” yinuk, liippunuk, yogo nogogwa kwak, nit aa'nduk togop aret yogo nogogurak kwe, yogondak nit togop yogwe lek o.

Nggalatiya 1:10

An yokkirage ti, aakumi inikilom nombaruwak nduk ari ilik, Ala inikilom nombaruwak nduk ari a? Ndi, an aakumi nen tiyappanuwak nduk ari minggirak mbakop? Lek o. An aa'nduk aakumi inikilom mbaruwak nduk ari nagagirak nogo ndak-ndak ari logonetak en, yogondak an Keritut ayeloman logonetak lek o.

Nggalatiya 2:7

Ala nen at Peterut it Yakuri mendek yorage logorak unde eeppereegerak kwak, an togon, it aakumi konenggulik mendek yorage logorak unde eeppaneegerak me, wone obeelom wone it aakumi inagabolo mbanak mendek Peterut nen yoranet nage kagak, Ala nen it eeppiyoorak mbareegerak nogo kokwak, an ndak-ndak obeelom wone it aap endekem konenggulik mendek yoranet nage neegak, it eeppiyoorak mbareegerak kogo nogogwaarik,

Epetut 3:8

It Ala apuri alik leenak nogo abok aret tiyanak wonogwe iigak, an abu inabu'me tebenak tit neegak kwe, Keritut oba ngginik kagak eeppinanit wundi wage menggerak wone nogo, kit aap endekem mendek yokkirage, ndi, at yi mendek ndi mendek wakkagagerak Ala nogo nen wone o maan koonak kote kumaapporogo wonagagerak nogo, nonggop eeppinaniyak koonogo pereegerak yi aakumi ndi aakumi abok ineenu eeppiige, eeke logokit nduk, iniki kunik ee'nake logonet unde eeppaneegerak.

Epetut 6:6

Eerit nogo logonet, inikilom kinombaruwak nduk, inigen iigak mban eeko logorak ti lek o. Ata, “An Keritut ayeloman aret me,” yinuk, Ala iniki mbake menggerak nogo, “Eerikit o,” yinuk, kiniki obeelom yanggonak paga eeppiinet nogo logonip o.

Kolote 3:22

Kit aakumi inayeloman monggotak yi wae. Kinogobamini inikilom kinombaruwak nduk, inigen wonogwe iinok mban eeko logorak ti mage o. Ata, ninowe ayuk wuko logonet, it yokkirogo menggaarak nogo abok aret, “E o,” yinuk, kiniki abe paga inake eerit nogo logonip o.

1 Timotiyut 6:20

Timotiyut wae. Wone liirogon yogwe lek inoone amburu puk-puk agan nugwi, pilit wone aret kwe, “Wone ngget mendek yi aret o,” agan wogwe paga wone wakwi, eekwi nogo mendek liippugun o. Ata, kat unde logonok nduk, mippagareegwaarak nogo liippunuk eeke logot o.

2 Timotiyut 1:14

Abe mendek unde eeppagareegerak nogo, Aberiniki ninikime menggerak nogo nen omaawi eeppagage kagak, liirogon unde logot o.

2 Timotiyut 2:2

Aakumi apit inenggaanom paga an yi wone ndi wone yokkege koneneegindak nogo, it aap abe mamumbunuk aakumi liirogon mamuniroorak op iigendak kenok, unde logowak nduk, mamunirage logot o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

1 Peterut 4:11

Yi eekak ndi eekak eeko logonet, ninowe Yetut Keritut eereegerak paga at Ala endage tiyak yuwak nduk, kit ambi nen Ala wone yoroorak mbakwi kenok, Ala ari menggerak wone nogo aret yorogwe, ndi, ambi nen aakumi yeenggwaarogo logorak mbakwi kenok ti, Ala omaawi eeppinagage kagak yeenggwaaranet nogwe, eeko logonip o. At Ala ti, abu tiyanak mondok-mondok ayuk warak logowak o. Amin!

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.