1 Tetalonika 2:2 - Ala Wone Peenok Peebi Mbanak

² Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.

1 Tetalonika 2:2 ပူးပေါင်းရင်းမြစ်များ

Nappiigak 14:3

at Pawulut Mbaranabat imbirak time elaambirik negen logonet, inagabiti lek aret ninogoba Yetut abok paganogo yorogo nogogwaarak. Ndi, yorogo logonet, Ala inabuwa nen obeelom eeginake menggerak wone abet mbaruwak nduk, Pawulut Mbaranabat imbirak Ala omaawi wogoragagerak paga, ineenu ariyak inagabiti warak mendek eekwi, eerubok mendek eekwi, eeko nogogwaarak.

Nappiigak 14:5

Eeko logonet, it endekem mendek nogo inom, it aap Yakuri mendek inom, it inoweewi nogo inom, iniki ambit eeppunuk, Pawulut Mbaranabat imbirak ale-pale eerogo yugum paga toguurit inooruwok nduk, koonogo pereegwaarak kwe,

Nappiigak 16:12

Wunda nogo nogogurik, o Makendoniya kota aa'nduk wureegwam Pilipi it aap Oroma mendek nen inabu'me piirogo wonogwam nogome, unggwi nogo nogogurik, time logonet, nogo mande negen yereegurak.

Nappiigak 16:19

Wungge mbareegi, kolaga nogo ogobamini nen, “Wu nuurogo wo'nirage logorak niniki lunik monggoorak nogo lek aga o,” mbako nogogwaarik, at Pawulut Tilat imbirak pippiinok, niigeren, mbi-mbiingga kunggo logonet ambi age kenok wone mbanggo menggam nogome inoweewi inowagam piya nogogwaarak.

Nappiigak 16:37

Yoragagerak kwe, at Pawulut nen it yigin unde yorage logonet, “Lek o. Nit Oroma mendek aret kwe, alom kwaaka'lek logonet, nggwok paga yawi ninooppunuk, keele maarogo mambiigo menggam mbo mambinanegaarak me, nit yogondak kote negen wumbinaniyak nduk yagaarak me, yogo ogotik ya? Lek o. It wogo logomenggaarik nen nit wumbinani woraawak o.”

Nappiigak 17:1

Nogo nogogwaarik, o Ambipolit unggwogwe, Apoloniya unggwage, eerit o Tetalonika unggwi nogogwaarak. Unggwi nogo nogogwaarik, it Yakuri tamban eeko menggam time wonage me,

Nappiigak 17:17

Eebi mbake nagagerik, it Yakuri inom, it aakumi Yunani mendek Ala inagabiti mbako menggaarak inom, it Yakuri tamban eeko menggam time, “Wone yi abet aret kagi,” mbaruwak nduk, at koongge ari kenok, it koonggwi yuwak nduk yorage, ko'lu-kii'me mbi kunggo menggam time inom aabuk age nagaatik, wone yorage, eeke nagagerak.

Nappiigak 19:8

Ti'nuk, at Pawulut nen it Yakuri tamban eeko menggam unggwage nagaatik, agabiti lek logonet, aakumi Ala abu'me piyoorak wone ti, “Abet aret yigi,” mbaruwak nduk, amburu mbanogo yoragak mban eeke kagak, tut kenagan peneneegerak.

Nappiigak 4:13

Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Nappiigak 4:20

Ninaruk konenggwi, ninigen kogwe, eekoorak wone ti, yoraga'lek puk ariyak meek ee'ninake me, yorogo logogun aret o.”

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Nappiigak 5:41

It wone amburu mbangga nogo nen wumbiigo mbareegwa, nogo logonet, “Nit at endage agan nugwi paga ninenggali warogo ninookaarak me op aret o,” yinuk, iniki ale'nggen ambik mbarit nogogwaarak.

Oroma 1:1

At Ala nen an Pawulut Keritut Yetut ayeloman nogo, nappiigak mendek logokit nduk, yonggo panege, at oone obeelom wone yoranet nege logokit nduk, leenogo panege, eereegerak me, an wone ambi yokkira o.

2 Korindut 3:12

It aakumi Iterali mendek nen Muta etenggen we luulu ndelenak-welenak aago nogo lek age inigen kogwe iyo, etenggen nobakkolagagerak nogo pogom, nit togop eekulik o. Nit mondok-mondok logorak wone unde eeppinaneegerak koloorak niniki lunik wonage nogo ti, mondok iya me, “Lek arigin lek,” mba'nuk, ninagabiti mondok lek logonet yokkirogo monggoorak.

Kolote 2:1

It Laworikiya mendek inom, it ando an neebe ineenggo'lek inom, kinom abok aret obeelom mban eeko logobagip nduk, aaninggin tit kagak kwe, kinake nggwiirit-nggwaarit eeke minggirak nogo, kineenu arubagip nduk, yokkiragi o.

1 Tetalonika 1:5

Nit nen wone obeelom wone yokkira wogogurak nogo ti, we nit ninoone paga mban lek o. Ata, Aberiniki omaawi eeppinanege kagak, yokkirogogurak paga kinikime nen, “Ie! Wone yi, mondok abet aret yo'nirogwe iigo o,” yinuk, waganeegutak nogo o. Kit mamunggolaabagip nduk, nit kinenggela'me logonet, nonggop eerit nogo nogogurak nogo ti, kineenu aret o.

2 Timotiyut 1:12

Mippaneegerak me, eerit nage neenok, aakumi nen aaninggin eeppanugwi kwe, nenggali mbaka'lek aret agarik o. An niniki at oba panggombunuk abet mbareegirak eebe nogo ti, an abu neenu aret o. Ndi, an eeke logokit nduk, unde eeppaneegerak nogo ninowe waga'lek kagak, lek arigin ti lek o. “Yorage logogin aret o,” yinuk, abet aret mbake agarik o.

Yurat 1:3

Noreewi o. Kit an niniki kunik me, wone ambi yokkira o. Kit ugun kineenggo'lek kiigak, it aap ando kinenggela'me unggwi wogo nagaarik, Ala iniki kunik en obeelom eeppinanege menggerak wone nogo, abut laganogo, “Ala iniki kunik ee'ninake menggerak me, nit maluk eekwi niinok, maluk ninoba pinanigin lek o,” yinuk, iniki liirak lek iniki nengge kenok ugun-ugun eerit nogo logonet, at Aliku ninowe Yetut Keritut nogo ti, “Nit ninowe lek o,” yinuk, yogo menggaarak. Togop me, Ala nen it maluk eekwi onggo muk inoba piyoorak nduk, punogo piyareegerak wonage kagak, we ugun kobak logonet, agan nugwi me, nit ninagap ndareegerak wone ndak-ndak waganeegurak nogo, amburu mbanogo liiru mbanggiraakit mbakirak kwe, it togop agan nugwi iinok, abet mbakwi wone ambit at Ala nen o maan nit at apuri ake leenak mondok-mondok unde eeppinaneegerak wone nogo, taganogo mbo pugwi kiyo, “Yi Ala wone aret me, taganiyak lek o,” yinuk, mondok kinogogumbuk logonet, pipporogo logobagip nduk, liiru yi, mbanggiragi o.