1 Tetalonika 2:13 - Ala Wone Peenok Peebi Mbanak

¹³ Togop me, Ala wone yokkirogogurak konenggo logonet, “Yi we aakumi inoone lek o. Yi Ala wone nit abet mbakwi ninikime koonninake menggerak wone abet aret o,” yinuk, waganeegutak me, nit puk aga'lek kulinik-kalinik, “Ala wa,” yogo monggoorak.

1 Tetalonika 2:13 ပူးပေါင်းရင်းမြစ်များ

Yeremiya 44:16

“At Aliku ALA yegerak me, yokkiragi o, yinuk, yo'nirage nogo, nit ninaruk konenggo logogun lek aret o.

Agayi 1:12

Yorage mbareegi, at Teyaletiyen aput Terubaben inom, aap Yotarak aput Ala unde inowe Yotuwa inom, it aakumi iniyokan wogogwaarak abok aret inom, Aliku inogoba Ala nen at yoge kagak yoraga Agayi wone yoraawak nduk, nappi wagagerak me, Aliku inogoba Ala yereegerak yoragagerak nogo, inaruk konenggo nogogwaarik, Aliku ALA paga inagabiti mbareegwaarak.

Matiyut 10:20

Wone yoroorak ti, kit kinoone lek o. Ata, kinogoba Aberiniki nen wone kinikime yokkirage kagak, yorogo logomunggup o.

Matiyut 10:40

“ It aakumi nen kit wokkinakwi iinok ti, an aret wo'nakwi, ndi, an wo'nakwi iinok ti, at nappani wagagerak nogo aret waganggwi, eeko menggaarak.

Lukat 11:28

Yoge mbareegi, at Yetut nen, “At nogo mban lek o. It Ala wone liirogon konembunuk, eerit nugu menggaarak iinok perak, iniki ale'nggen aret mbako logogun o,” yinuk, yoragagerak.

Lukat 5:1

Ti'nuk, peebi ne ambi paga at Yetut yi Nggenetaret yenggenak aa'nggi paga mi'ndak wonage me, it aakumi apit aret Ala wone inaruk konenuwok nduk, yagabit-kagabit kuwak eeri wogo mbareegwa,

Lukat 8:11

Yorage nagagerik, “Wone eegu laarogo yokkiragarak nogo eebe yokkira. Awi yumbunit nagagerak nogo ti, Ala wone aret o.

Lukat 8:21

Yogo mbareegwa, at Yetut nen, “Nagalo-nawurilogwe ti, Ala wone konembunuk, eeko menggaarak it yi aret o,” yinuk, yoragagerak.

Yaya 15:3

An wone yokkirage nagagirak nogo paga mbeenogo pinagareegirak wonogo ogotik.

Yaya 17:17

Kat koone ari menggendak nogo ti, abet aret me, An Ala ndogop minggirak o, yinuk, paganogo yorage paga, it kapuri yi, leenogo patu o.

Yaya 17:19

Kat nen, An ndogop minggirak o, wone paganogo yorage nogo paga, it kapuri yi abet aret kat kake leenak logowak nduk, an neebe it inake aret leenogo pakirak o.

Nappiigak 10:33

yo'nege mbaki, yonggo nappiigirak yokkiri nogo mbaka, neya wagandak me, nore wa. Neya wagandak me, yogondak kogoba Ala nen, Togop yoranu, yokkegerak nogo abok yo'niraanok nduk Ala enggaanom kuwak eeko o,” yinuk, yoreegerak.

Nappiigak 13:48

Yoragagerak nogo, it endekem konenggulik mendek nogo nen inaruk konembunuk, iniki ale'nggen ambik mbako logonet, “Ninogoba wone yi ti, iya!” yinuk, tiyappereegwaarak. Ndi, ineenik mondok logorak miirogo piyareegerak nogo nen wone ti paga iniki panggombunuk abet mbareegwaarak.

Nappiigak 16:14

Yorogogurak koneneegwaarak nogo, kwe o kota Tiyatira mendek ambi mbogoyum maa'ngga kunik kigirikwe lombok kungge menggerak endage Liriya nogo nen Ala alut eeke menggerak me, at Pawulut yoragagerak wone nogo waawak nduk nogoba nen iniki tu paarogo pereegerak.

Nappiigak 17:11

It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

Nappiigak 17:32

At Pawulut nen kambunuk ineenik ariyak wone ari konembogo nogogwaarik, it ando nogo nen miyuk-meya eerogo pugwi iigak kwe, it ando nen perak, “Wone ti, ambinom ari keyaawi o,” yinuk, yogo mbareegwa,

Nappiigak 2:41

Eeke mbareegi, it aakumi nen at oone waganeegwaarak nogo yiime wuppiyareegwaarak. Ne ti eyom paga inom nabennari unggwogogwaarak nogo, ineebe lambuk togon aap ambik tiga ribu aret.

Nappiigak 8:14

Ndi, “It Tamariya mendek nen Ala wone abet mba'nuk, waganggaarak o,” yinuk, yogwe nogo it nappiigak o Yerutalem wonogwe nogo inaruk konembogo nogogwaarik, Peterut Yaya imbirak inowagam nappiyareegwaarak.

Oroma 10:17

Ti kenok, Keritut ninake eereegerak wone ti, yoragaatak paga konenggwi, ndi, konembunuk, abet mbako logonet, waganggwi, eeko menggaarak o.

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.

Nggalatiya 4:14

Andi ee'nabeegerak paga neebe abu maluk me, “Anggon lombok ndegeniyak yi, nineebi a,” yinuk, nogole nen mbo paniyak op aret kwe kagak, “Yi Ala nappiige menggerak malayikat kwak, yi Keritut Yetut kwak,” nomba'nuk, neebe wo'nako nogogutik, ndegennako nogogutak nogo o.

Kolote 1:6

Obeelom wone kinaruk konenggwi, Ala abet aret iniki kunik en eeppinagage menggerak wone nogo liippugwi, eeko nogogutik, abet mba'nuk, waganeegutak kuli nen, yogondak awo aret kinenggela'me nen wiganinuk nage me, eyoonggen yi'nage menggi kwak, yi o ndi o abok togop aret wiganinuk nage logonet, anggen abu alik negen yi'nage agaarik o.

Iberani 4:12

At Ala mondok eenik logonet, alik en eerit nage menggi kwak, at oone ti ndak-ndak mondok omaawi alik en ninikime nggaganogo yo'nirage menggerak. Mbuti nggawi ngget peenok-peenok maarak ti, ngget mbuuluk negen me, ninendobanggun yunggu'me mondok pene'na unggwage logonet, ninowak kagak ninowak ako kin eeppi unggwage menggerak kwe, Ala wone yi perak, ngget mondok alik negen aret me, ninikime mondok nggoguk yi unggwage logonet, eeriyak niniki koonggo monggoorak nogo, abok aret leenogo kin eeppege menggerak.

Iberani 4:2

Ninombomini wone obeelom wone yorogogwaarak koneneegwaarak kwe, iniki abet mba'nuk woolik me, wone ti paga ambi obeelom eekkoloolik we aanom warogo koneneegwaarak nogo kokwak, nit togon ndak-ndak, obeelom wone yo'nirogogwaarak nogo, abet mba'nuk wagangga'lek kenok, unggwi noorak meek age kero, liippogo logowok o.

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.

1 Peterut 2:2

Ala nen obeelom eeppinanege nogo, kit eekkinake muk liippogotak kenok, elege awo ngget ndarak yilak abu nen le yogonok yilak mili lenggenak lek abe wogoragaatak nonggo logonet, tawe ogo mengga kwak, at Ala nen muk kinagap ndakkinabeegerak me, kiniki kole eekkinake logowak nduk, abe wone ti mban, “Ao,” yinuk, waganggo logonip o.

2 Peterut 3:2

It maan aa'nduk Ala nen aap at oone yorogo logowak nduk, leenogo piyareegerak wone yorogo nogogwaarak nogo inom, ndi, ninagap ndaka ninowe nen, “Yogop eeko logowak o,” yinuk, it aap nappiigak mendek yorage kagak, yokkirogo nogogwaarak nogo inom, kit abeko logobagip nduk, liiru yi mbanggiragi o.

1 Yaya 3:3

Nit eeppinaniyak nogo niniki lunik wonogwe niinok, at Keritut iniki kikak naka'lek wonage nogo pogom, nit ndak-ndak niniki kikak naka'lek aret eekkologo logowok o.