1 Tamuwen 1:6 - Ala Wone Peenok Peebi Mbanak

⁶ At kwe Kana nogo Aliku ALA nen ndariyak lek wubili agago pereegerak me, ndaka'lek kenok, Penina nen Kana iniki wakkolaawak nduk, eerogo pege nagagerak.

1 Tamuwen 1:6 ပူးပေါင်းရင်းမြစ်များ

Wakkagagerak 30:1

At Araken nogo nen ogonggelo Yakup obaane'me aagalogwe ambi abu ndaganaka'lek paga oweeluk eebi nen imbirak iniki ogoorak wonogo logonet, Yakup yoge, “An elege ambi mbet nda'niru o. Nda'nega'lek keenok, keraaket nen nggaruk togon aret kambigin o.”

2 Tamuwen 6:23

Ndi, at Tawun apuluk kwe Mikan nogo aagaluk ndaka'lek wubili aret logonet, kambeegerak.

Ayup 24:21

Kumi inaagalogwe ndaganaka'lek wubili iinok, Inoone yi-wu eerogo piigwi, Kumi nanu inabuwa mbaka'lek mbo piigwi, Eekwi kwe,

Ayup 6:14

Aap ambi ore iniki ma'nagaarak nogo abuwa mbaka'lek mbo pege kenok, At Omaawi Lombok Menggerak nogo aret Ayuk wuka'lek mbo pege menggerak o.

Ala Unde 18:18

Aap ambi akweegelo eenik wonage kagak, akwe nogo awuluk wagangge logomenggerik, wuriyak mage o.

Owak Loongga 11:37

Yoge nagagerik, ambinom yoge logonet, “Yogendak ti, eeppaniyak op kwe, an ambi eeriyak, E o, yo'nenok nduk, yokkiri o. An kolaga awo tawe aap ninom lambungga'lek neegak kambuurak me, niniki koonit nage logonet, nale yikko'net norewologwe ninom puut nggelok-nggobok paga time tut mbere paga nugwi a nawok nduk, nappanu o.”

1 Tamuwen 1:7

Tahun ambi eekak paga at Kana nogo, Aliku ALA alut eeko menggam awooliya wurik me wage nagaatik, at Penina nen kwe Kana nogo iniki wakkolaawak nduk, nabenak mban eerogo pege kenok, kwe Kana nogo le mban ari logonet, mbi nengga'lek kage nagaatik,

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.