1 Peterut 5:9 - Ala Wone Peenok Peebi Mbanak

⁹ Ndi, it kinoreewi yi awi ndi awi menggaarak kinom kiniki abet mbakwi nogo, andi-pandi kit eerogo pinagagwi ndak-ndak, it togon togop aret eeppiigwi nogo kineenu me, kit kiniki abet mba'nuk, kinogogumbuk mondok nu'lek logonet, Tile nen kiniki nggagani wage kero, mugogo nappogo logonip o.

1 Peterut 5:9 ပူးပေါင်းရင်းမြစ်များ

Lukat 22:32

kat kiniki noba panggombunuk, abet nombake nogo, lek age kero, an kake tamban eekirak o. Yungguninuk kiyok paga nowagam wage logomenggendik perak, kawuri yi, iniki eyak wappiige logomunggun o,” yinuk, yoreegerak.

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.

Epetut 4:27

Ibilit nen, “Nanonggwan aga o,” yinuk, kiniki nggagangginake kero, maluk mbuuluk kinikime kumaappunuk logogup o.

Kolote 2:5

An neebe kinom time wonage lek kwe, niniki perak, kinom aret wonage me, kit kiniki Keritut oba panggombunuk, abet mbareegutak nogo nu'lek porogo logonet, mondok ndak-ndak eerit nogwe kiinok, an niniki mondok ale'nggen mbake agarik o.

1 Timotiyut 6:12

Nit abet mba'nuk mugurok nogwe nogo, kat kunduk mugurok nage logonok nduk, mondok wakkagak eeke logot o. Ndi, keenik mondok logonok nduk, kayonggo pege mbareegi, kat abet mbareegindak aakumi ambik inenggaanom paga paganeegindak nogo, nggirik-nggerok agago porogo logot o.

2 Timotiyut 3:12

Yi aakumi ndi aakumi Keritut Yetut inom kunik logonet, Ala wone liippunuk eeruwok mbakwi iinok, piyak-payak agago piinet nugu logogun aret o.

2 Timotiyut 4:7

Nit abet mba'nuk mugurok nogwe nogo kolaawok nduk, wakkagak eeko monggoorak nogo ti, an mondok wakkagak eeke nagagirak o. “Kuli ndi paga mbe agan mi'nari nak o,” yorogwe iinok, mbe agan mi'nari nogo mengga kwak, an abu irip paga kuli mi'nari wagi o. Nit wone abet mba'nuk mugurok nogwe nogo ti, an mondok aret porogo wonagagirak.

Iberani 11:33

It aap ti, Ala nen yoragagerak abet mbareegwaarak paga, it aap inendagembogut inabu'me piigo menggam tebenogo piigwi, obeelom eerit nogo logonet, a'me nggelok eeko logowak nduk, koonogo piigwi, Ala nen yoragagerak nogo ndak-ndak aret waganggwi, aakumi inooka singa nogo inambe keele maarogo piigwi,

Iberani 12:8

Nit Ala apuri kenok abok aret niniki koonnaruwak nduk, ninaruk wake menggerak me, kit ambi kinaruk waka'lek kenok perak, “Nit at apuri lek we terak ndarak aret wonogwe,” mbarumunggup o.

Yakobut 4:7

Togop me, Ala abu'me tebe yinip o. Ala abu'me tebe yinuk, wonogwe me, Tile nen maluk eekkinabi wage kenok, kole mbaganuwak nduk, kinom wim perenggologo logonip o.

1 Peterut 1:6

Togop me, nowe-nawot o. Aaninggin-paaninggin kinoba wonage nogo paga kiniki ale'nggen lek aaninggin ndugu aago wonogwe kwe, “Peebi ninake pipuk eerogo pinaneegerak nogo kola nagun me, yi ti, we luulu eeppinanege me op aret o,” yinuk, kiniki ale'nggen nggwok aret mbako logonip o.

1 Peterut 2:21

Keritut andi-pandi eerogo pereegwaarak nogo ti, “At andi-pandi oba pugwi iigak, at maluk eeke, An togop eerulik o, yinuk, aana'le mbanggolage, Ti eerulik o.” It nen miyuk-meya eerogo pugwi iigak, at nen onggo miyuk-meya eerogo piige, wakwi iigak, at nen wone onggo yorage, ti eerulik mban. Ata, at iniki ogoba Ala oba panggombunuk, “Nogoba wone a'me nggelok mban inowak loongge menggerak nogo nen nawone mbanigin o,” yinuk, iniki kwi'ndak logonet, waganeegerak nogo ti, nit ninake aret waganeegerak me, at eereegerak nogo kokwak, nit togop ndak-ndak eeko logowok nduk, Ala nen ninayonggo pereegerak o.

1 Peterut 3:14

Togop eekulik kwe, kit obeelom wone yoranet nugwi kiigak andi-pandi eerogo pinagagwi iinok, “Nonggop nduk eeppinanugwi?” yinuk, kinagabiti nen kiniki piirik eerugup o. Ata, “Ala ale'nggen ninoba pinanigin o,” yinuk, kiniki ale'nggen paga waganggo logonip o.

1 Peterut 4:13

Kit andi-pandi eerogo pinagagwi nogo ti, peebi, at Keritut mondok tiyanak wage kinigen kogo logomonggotik, “Nit togop aret tiyappinanigin o,” yinuk, kiniki ale'nggen mondok alik negen eekkinabigin me, “Yogondak at Keritut eeppogo nogogwaarak ando nogo aret eeppinanugwi me, op aret o,” yinuk, kiniki ale'nggen mbako logonip o.

Wayu 1:9

Kit aaninggin-paaninggin kinoba pinagagwi iigak kwe, “Ala abu'me pinanigin me, op aret o,” yinuk, Yetut kinom kunik kiniki nu'lek logonet, waganggo monggotak nogo ti, an kinore Yaya togop ndak-ndak eeppanugwi iigak, wagangge minggirak nogo nen Ala wone yorage, ndi, Yetut wone ari nagagerak nogo paganogo yorage, eeke minggirak nogo paga, niyo yenggenak oolo kup mbanak o endage Pa'mot pani wogogwaarak yime agarik o.

Wayu 6:11

“Lek o. Kit kinowe-kinawot inom, it kinom Ala wone mondok liippunuk mugurok nogwe inom, kit kinooreegwaarak kokwak inookwi iinok perak, kinane'me ambugwi lambuk togon inoorigin aret me, we ne ambiriluk puk logomunggup o,” yinuk, mbogoyum nggorek yanggwi negen inalitak lombok yippiige kagarak o.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,