1 Peterut 5:8 - Ala Wone Peenok Peebi Mbanak

⁸ Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.

1 Peterut 5:8 ပူးပေါင်းရင်းမြစ်များ

Etet 7:6

Yoge mbareegi, at Etet nogo nen, “Eebi lombok ninomba'nuk, maluk eeppinaniyak eeke nogo ti, aap maluk abe iyagalo Kaman yi aret o!” Yoge mbareegi, at Kaman nogo ogut nggigik ari nagagerik, aap endagembogut Akatiwerot kwe nggwok Etet imbirak enegen laganogo pegiige mbareegi,

Ayup 2:2

Inom wonage me, Aliku ALA nen Tile yoge logonet, “Kat ngga nen wagan o?” Yoge mbareegi, Tile nen onggo Aliku ALA yoge logonet, “Lek o. An o nggween paga wanggerit nigi-nigi wagi o.”

Ndawi 104:21

Singa nogo nen it noorak kwaarit nugu logonet, Inoone nggwok agan nugwi, Inambi wogoraanok nduk, Ala koba panggonak wonogwe, Eeko menggaarak kwe,

Ndawi 109:6

At eebi nombaka nogo owak loonuwak nduk, aap maluk mendek ambi mippu o. At wone liirit yoge nogo eenggi abe'nggan mi'nage,

Kini Wuppiige 19:12

Aap endagembogut anini wungge ti, singa anini nen oone kole ari menggi kwak aret kwe, Ale'nggen mbake nogo perak, konaananggen iri'ngga oba luurogo pege menggi kwak aret menggerak.

Kini Wuppiige 20:2

Aap endagembogut anini wungge nogo ti, singa anini nen oone kole ari menggi kwak aret me, Aap ambi nen at anini wunduwak nduk eeppege kenok, at eebe aret ogut punggolage menggerak.

Kini Wuppiige 28:15

Aap maluk mendek ambi nen aakumi it eekkoloorak meek nogo mendek inarum wonage nogo ti, Singa anini nen oone kole ari, beruang kok wundi wage, eeko mengga kwak aret wonage menggerak.

Yetaya 50:8

An naana'le mbangge menggerak nimbirak aret wonage me, Aap ta oone omaawi paga, “Kat ndogop eekendak o,” yinuk, yo'nirigin mbakop? Wonage kenok, nimbirak wakkaawok nduk, neya wage, “Ndogop eekendak o,” yinuk, yo'niruwak nduk, nenggali wappani wage, Eeruwak o.

Yeremiya 2:15

Singa aakumi nibininabikit nduk oone nggwok agan nege menggi kwak, it inawim nen Iterali togop aret muguren nogo logonet, Inanggween maluk eerogo pugwi, inagota kani pit nogwe, Eereegwaarak me, O time aakumi ambi wonogwe lek aret o.

Yeremiya 51:38

Singa inanini nen inoone kole agan nugu mengga kwak o Mbaben aagalogwe inoone togop aret agan nugwi, Singa inaagalogwe inanini nen inoone nggininu-ngganinu yogo mengga kwak yogwe, Eekwi iinok,

Yetikiyen 19:7

Eeke nagagerik, aakumi ineebe op logorak pak wurogo pereegwam langgunogo pege, Inawi wurik kota-kota nogo yigirogo pit nage, Eeke logonet, Nggween inom, it aakumi nggween ti paga wonogwe inom, at oone kole ari nogo inaruk konembunuk, inamineeri ne agan nage nagagerak o.

Yetikiyen 22:25

It aakumi inoweewi nagawan o time wonogwe nogo nen iniki ambit eeppunuk koonggo logonet, singa nen at noorak tebembunuk nibinogo nengge logonet, oone maluk ndi wuke menggi kwak, it aakumi inambeme yonggorinakwi, yi mendek ndi mendek onggo nggwok inom, iniki kundugu inom, ndinggologwe, eekwi paga o time it kumi nanu ambik eerogo piigo agaarik o.

Ndaniyen 6:24

Kogo nogogwaarik, at aap endagembogut nogo nen it aap, “Ndaniyen ndogop eekerak o,” yinuk, yereegwaarak nogo, wogonabi nawak nduk, yoragagerak wogoren wogo mbareegwa, it aap ti inom, inakuwi-inapuri inom, mbuun ambena singa wonogwe me nogome mbo wuppiyareegwaarak mbuun o'luwam awo ari wangga'lek iigak, singa nogo nen ineebe ineyak nggerembiinok inowak abok aret yigirik-noonom eerogo piyareegwaarak.

Oteya 11:10

Singa nen oone kole agan nege menggi kwak, Naliku ALA noone nggwok ari neenok, napuri mu'neren wogwe, Noone kole ari neenok, an napuri oonegen kilu yi nage menggim pa'nggwe nen inaganak warit an neya wogwe,

Oteya 13:8

Nggwiya kwak beruang nogo aagalogwe kobak ogwe iinok, ngguk agan aakumi nibininake menggi kwak, An nen it Eparayim mendek inoba kwi'na'nuk, ineebe nibik-nobak eerogo piige, An singa kwak a'nuk kok tebenogo piinok, ineebe nengge, Ndi, nggwiya kwak neyak nibinik-ndelenak eerogo piige, Eerigin o.

Yowen 3:16

Aliku ALA abuut Tiyon paga nen singa oone nggwok ari menggi kwak oone nggwok ari, O ngguurubu eeke menggi kwak o Yerutalem nen oone ari, Eeke kenok, Mbogut-nggween na'ndo-wa'ndo eerigin kwe, At Aliku ALA perak, apuri nobarogo piinok wonage, It Iterali mendek yugum pak negen wurogo piinok wonage, Eerigin o.

Amot 1:2

At Amot nen ari logonet, “Singa oone nggwok ari menggi kwak Aliku ALA o Tiyon paga nen oone nggwok ari, O ngguurubu eeke menggi kwak, Yerutalem nen oone ari, Eeke logonet, It aap ndomba ndegeninaka nen inandomba inagari'ngga nenet nugu logowak nduk piigo menggam nogome mbuk age, Iri'ngga o puut Karemen paga wonage nogo teebat neyo-neyo nage, Eeke agaarik o,” yinuk, yereegerak o.

Amot 3:4

Singa iri'ngga ku'mbanak me logonet, at nengge menggerak awo kwaarogo nengga'lek kagak oone maluk ndi wuke, Ndi, singa awooluk yi mendek ndi mendek kwaarogo nengga'lek awina logonet, eyak ndi wuke,

Amot 3:8

Singa nen oone nggwok muk yegerak me, aap ta nen agabiti mbaka'lek logorak mbakop? Ti ndak-ndak at Aliku Itok Menggerak ALA nen wone muk yegerak me, ta nen wone ti, yoraga'lek puk logorak mbakop?

Takariya 11:3

Inandomba inagari'ngga mili nenet nogo menggam abu lek agaarak kenok, it ndomba ndegeninaka nen le yogwe nogo kinaruk konenggwi, Niyo Yoraran ambet paga iri'ngga mili logonak lek eerogo pegaarak kenok, it singa inoone nggwok agan nugwi nogo kinaruk konenggwi, Eeko logonip o.

Takariya 3:1

Ti'nuk, aap Ala unde inowe Yotuwa nogo, Aliku ALA nen nappi wagaarak malayikat owagam mi'ndak wonage, ndi, Tile nogo, Ndogop eekendak o, yinuk, yoruwak nduk, at eben abeenok paga mi'ndak wonage, eerak wonogwe nogo titi'negerak.

Matiyut 13:39

At aap imbirak ogoorak logonet, awi maluk mendek yumbuneegerak nogo ti, Ibilit aret. Anggen mbaniyak eyom nogo ti, o age yobok aret. Ndi, it anggen mbanggo menggaarak nogo ti, it malayikat nogo aret me,

Matiyut 24:42

Togop me, kinogoba an nogo, o ngge eyom paga woroorak kineenggo'lek me, kiniki tum wako logonip o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 4:1

Kage mbareegi, ti'nuk, Ibilit nen Yetut abut mbanuwak nduk, Aberiniki nen Yetut wonok karume aakumi lek me nagagerak.

Matiyut 4:11

Yoge mbareegi, Ibilit nogo nen Yetut teppunuk, mbagangge kagak, it malayikat nogo nen Yetut iniki eyak wappi wogogwaarak.

Marakut 4:15

Awi tu paga wambit nagagerak nogo ti, it aakumi obeelom wone waganggwi kwe, at Ibilit wage nagaatik, wone inikime waganggaatak ndininuk nage menggerak nogo aret o.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Lukat 22:31

Yorage nagagerik, “Timon wae! Karuk logot o. Gandum eebe leennaruwak nduk, ameneno ndegenggo mengga kwak, at Ibilit nen kat togop aret eeppagawak nduk, Ala yoge mbaki, E o, yegerak kwe,

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Epetut 4:27

Ibilit nen, “Nanonggwan aga o,” yinuk, kiniki nggagangginake kero, maluk mbuuluk kinikime kumaappunuk logogup o.

Epetut 6:11

Ibilit nen iniki koombunuk, kinambokan lagani wage kero, mugogo nappegak eeko logobagip nduk, Ala nen at eegin-omaale li'luk eerogo pinagareegerak nogo, waganggo logonip o.

1 Timotiyut 2:15

Kwe nogo maluk eereegerak ti kwe, it kumi nogo iniki warak logonet, Ala wone abet mbakwi, aakumi iniki kunik aganakwi, ndi, maluk eeka'lek Ala ake leenak wonogwe, eekwi iinok perak, it inaagalogwe ndaganakwi iigak, Ala nen inagap ndaganake logogin o.

1 Timotiyut 2:9

Ndi, it kumi iniki warak nen inayum-inagali liirogon yikkologo mengga kwak, yi kumi ndi kumi abok aret iniki warak a'nuk, togop aret inayum-inagali nggirik-nggerok liirogon aret yikkologo logowak o. Ineeruwak awi wuppunuk laanggwi, mbuti abinakwi mendek yirikwi, eyoonggen laambu kigirikwe nogo mendek yikkologwe, ndi, yum onggo nggwok kenok mban kunogo yirikwi, eekak yuurak ti mage o.

1 Timotiyut 3:11

It inakuwi ti togop aret inayuk warak logonet, wone inambe irip paga wonok nugulik kenok, iniki warak kenok, ndi, yi eekwi ndi eekwi ineenggi omaawi eerit nugwi kenok, kumi togoti mendek iinok, it inogonggelomini aap yeenggwaaragak mippiyoorak op aret o.

1 Timotiyut 3:2

Aap ambi Ala apuri unde logorak mippuurak mbakwi kenok ti, aakumi inoone at oba pugulik kenok, akwe ambit wogo kenok, iniki tum waka kenok, iniki warak kenok, li'lak mban eeke menggerak kenok, inanoniya laka kenok, aakumi op mamuniroorak kenok,

Titut 1:8

Ata, aap inanoniya laka kenok, obeelom eeriyak inikilom mbaka kenok, iniki warak kenok, a'me nggelok eeka kenok, Ala wone liippunuk eeka kenok, eeriyak eeke kagak kwe, iniki yungguppunuk, puk aga kenok, aap ti mendek mban mippiyoorak op o.

Titut 2:12

Ninogoba nggwok Ala ninagap ndaka Yetut Keritut, “Wi!” ugwi iigak, kin ari woroorak nogo, nit niniki lunik logonet, ninale'nggen paga tokkogwe me, Ala iniki kunik nen yo'nirage logonet, “Kit o nggween paga yime Ala kinagabiti mbaka'lek maluk eekwi inom, nggween paga eeriyak kiniki nengge inom, mbo punuk, kiniki warak a'nuk, maluk eeka'lek obeelom mban logonet, Ala wone liippunuk, mugurok nogo logonip o,” yinuk, yo'nirage menggerak.

Titut 2:2

It aap inanggok ti, iniki tum waka kenok, inayuk warak kenok, iniki warak kenok, it iniki abet mbakwi nu'lek menggaarak kenok, aap togop mendek logowak nduk, yorage logot o. Aakumi abok abet aret iniki kunik aganakwi, ndi, aaninggin inoba age kenok inogogumbuk logonet, waganggwi, eeko logowak nduk, yorage logot o.

Titut 2:4

Ala wone miyuk-meya eerogo pukwak, it kumi ndugum nogo nen inogonggelomini inom, inaagalogwe inom, iniki kunik aganakwi, iniki warak ogwe, inoreewi inabuwa nen inigen tebenak nugwi, iname liirogon wonogwe, kumi iniki obeelom logonet, inogonggelomini inabu'me tebe yinuk, inoone konenggwi, eeko logowak nduk, it kumi inanggok nogo nen kumi ndugum mamunirogo logowak o.

Titut 2:6

Ndi, it wologwe tawe ti, togoti aret iniki warak logowak nduk, inaruk wake logot o.

Yakobut 4:7

Togop me, Ala abu'me tebe yinip o. Ala abu'me tebe yinuk, wonogwe me, Tile nen maluk eekkinabi wage kenok, kole mbaganuwak nduk, kinom wim perenggologo logonip o.

1 Peterut 1:13

Togop me, nowe-nawot o. “Peebi at Yetut Keritut wage eyom paga Ala iniki kunik en obeelom eeppinani woraagin o,” yinuk, wone ti paga kiniki mondok lunik logonet, li'luk agago punuk, kinagaket paga logonip o.

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.

Wayu 12:10

Mbelenogo wuppiya wogo mbaka, oone nggwok ambi mbogut paga nen ari logonet, “At Ala enggaanom paga ninoreewi Ala apuri ko'lu-kii'me pilit wone inoba piige menggerak nogo, muk wuppi wagaarak me, At Ala omaawi paga Tile tebenogo punuk, apuri inagap ndake, Ninogoba Ala nen it yi aakumi ndi aakumi abok at abu'me piige, Ndi, Kinowe endagembogut yi aret o, yinuk, leenogo pereegerak Keritut nogo, oone mban konenggwi, Eeke logorak eyom ari waga o.

Wayu 12:12

Kat mbogut inom, kit mbogut paga monggotak inom, kiniki ale'nggen mbako logonip o. It nggween paga wonogwe nogo inom, niyo nggwok yenggenak laut paga wonogwe nogo inom, nogo perak, Inenggela'me at Tile wuppi wagaarak nogo nen, An ne mbereeluk logonuk, nenggaawak lek arigin kagi, mba'nuk, Anini nen aakumi lale-pale eerogo piyaakit nduk, wambi nagaarak wonage me, inabuwa o,” yinuk, ari kagarak.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Wayu 20:10

Ndi, at aakumi inambokan lagangga Tile nogo, pigogo kani omoonuk wunuk mban ari menggim at nggeewo anini warak aa'nduk lagi wagaarak inom, at ore peebi lagi wagaarak pilit wone agan nege nagaarak nogo inom, imbirak wonogwe me nogome mbo nappege mbaki, liingge-kiyoma kani eyak andi nen mondok-mondok yagan yobak-nggolak wakwi iigirak.

Wayu 20:2

Wambi wage nagaarik, at waalo nggwok tinambe negen o maan togon aakumi inambokan lagangge menggerak Tile ti, Ibilit aret me, at pigogo mbutigeele nogo paga maappunuk, tahun seribu logowak nduk,

Owak Loongga 14:5

Ti'nuk, at Timoton nogo agalo-ogoba inom o Timana aret nogogwaarak. O Timana yabu anggur yarak me, wok yi nogo mbareegwa, abera'lek me nggeewo anini warak singa awooluk nen Timoton nibinikit nduk, ngguk irit wage mbareegi,