1 Peterut 5:6 - Ala Wone Peenok Peebi Mbanak

⁶ At Ala nen, “Ne ti eyom paga tiyappiyaakit o,” yinuk, kooneegerak nogo a'me lik yi wage kenok, tiyappinagawak nduk, at omaawi ambik menggerak Ala nogo abu'me tebe yinuk, logonip o.

1 Peterut 5:6 ပူးပေါင်းရင်းမြစ်များ

1 Endagembogut 21:29

“Aap Akap nogo nenggaanom paga iniki tebeppakerak kagandak ilik? Iniki tebeppakerak me, an aaninggin oba puurak yagarak nogo ti, at wonage kagak oba nappi woraagin lek o. Ata, at aput ndaremenggerak eenik wonage kagak, at paga wiganak inom inoba nappiya woraagin o,” yinuk, yoreegerak.

2 Mbinineegwaarak 12:12

Aliku ALA nen aap Erekabeyam nogo iniki tebeppake, ndi, o Yekura time it ando obeelom eerit nogwe, eekwi iige nagagerik, anini aap Erekabeyam oba puurak mbake nogo tayok ari logonet, aaninggin oba pereegerak kwe, eebe perak, warulik teppereegerak.

2 Mbinineegwaarak 30:11

Ti eereegwaarak kwe, it ando Atet mendek inom, Manate mendek inom, Tebulon mendek inom, nen perak, iniki tebeppatinuk, o Yerutalem wogogwaarak.

2 Mbinineegwaarak 32:26

at Kitikiya inom, it Yerutalem wonogwe inom, iniki tebeppako mbareegwa, at Kitikiya wone lengganogo yorage eyom paga Aliku ALA anini inoba piyoolik teppiyareegerak.

2 Mbinineegwaarak 33:12

Pi nogo mbareegwa, andi-pandi aago wonage logonet, Aliku ogoba Ala abuwa mbaruwak nduk yoge, ombomini inogoba Ala enggaanom paga iniki mondok tebeppake, eeke nagagerik,

2 Mbinineegwaarak 33:19

Ndi, at tamban eereegerak inom, abuwa warak nggo-nggo logonet yoge mbareegi, Ala nen, “Abet aret yo'nege kagi,” yinuk, eeppereegerak inom, maluk eerit nage nagagerak inom, Ala wone li'lak eeka'lek mbo punuk, puut-puut paga kugi eeko menggam ogobakkigirit nagagerak inom, kugigwe Atitoret ageyo arelen yinogo mippit nagagerak inom, kugi inogut eerogo pit nage nagagerak inom, iniki tebeppaka'lek logonet eerit nage nagagerak abok aret it inabinggaanggo kaga nen liiru mbanggo nogogwaarak paga inom mbanak wonage o.

2 Mbinineegwaarak 33:23

Ogoba Manate ti, Aliku ALA enggaanom paga maluk eeke nagagerak kwe, iniki tebeppateegerak nogo kwak, aput togop eerulik. Aput Amon nogo perak, iniki tiyanak mban wonage logonet, maluk ambik lombok eerit nage nagagerak.

2 Mbinineegwaarak 36:12

At Yerekiya nogo Aliku ogoba Ala enegen kagak maluk mban eeke nagagerak. Aap Ala nen yoge kagak yoraga Yeremiya nogo Aliku ALA wone yegetak wonok at yori wage kagak kwe, iniki tebeppatinuk, liippega'lek aret wonagagerak.

Ayup 36:22

At Ala omaawi lombok menggerak me, Endage mondok tiyanak aret mbake logot o. At mamunniraga kwak, aap ta wonage o?

Ndawi 75:10

It aap maluk mendek inomaawi nogo, at Ala nen lek eerogo piige logonet kwe, It aap iniki abe koonak nogo perak, inomaawi ambik eeppiige logogin o.

Ndawi 89:13

Kat kobaak omaawi ambik aret wonage, Keenggi kunduk omaawi alik negen wonage, Keenggi abe'nggan nggorek lombok wonage, Eerak aret agaarik o.

Wundeegwaarak 10:3

Nappege mbareegi, Muta Karun imbirak Pirawun owagam nogo nogogwaarik, at yogo logonet, “Aakumi Iberani inogoba Aliku Ala nen ari logonet, At Pirawun wogoppake logonet, eewa yaga'lek ti, ne mande logonuk, an nabu'me iniki tebeppatinuk logogin o? An napuri aakumi Iterali mendek ti, nalut eeri nawak nduk teppiyaawak o.

Wundeegwaarak 3:19

Yorumonggotak kwe, aap ambi eenggi omaawi ambik paga eeppega'lek kagak, E o, yokkiraagin lek ti, neenu aret me,

Wundeegwaarak 32:11

Yoreegerak kwe, at Muta nen at Aliku ogoba Ala iniki yanggoniyak nduk, yoge logonet, “Kaliku nogoba ALA wae. Kat keenggi omaawi paga eerubok mendek eeke logonet, kapuri o Metit nen wogoren wundi wagandak kwe, nonggop nduk kanini inoba eeppiyoorak ari agandik?

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Yetaya 2:11

It aakumi inigen tiyanak nugwi nogo tebenogo piige, “Nit iya,” mba'nuk tiyappatit nugwi nogo at abu'me tebenogo piige, Eerigin me, Ne ti eyom Aliku ALA alik mban endage tiyak yigin o.

Yetaya 40:4

Nggween alu'me wonage kenok kagaakwi, Puurom nggwok inom, mbuuluk inom, ndenenggwi, Puut-aluk kenok kagaarogo pugwi, Tu tiyak-tebek kenok kobappaga eerogo pit nugwi, Eeko logonip o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yeremiya 13:18

Aliku ALA nen an yo'nege logonet, “Kit kinanggare-nggare kinanobak paga abinakwi yirik nogo nggoorok togon wanggerak me, Wone lengganogo yorogo monggo'nom nogome nen wambi wa'nip o, Yinuk, at aap endagembogut inom, akwe kwe nggwok nogo inom, imbirak yoret o,” yinuk, yo'negerak o.

Yeremiya 44:10

Aa'nduk nen nok, o yogondak kuli iniki tebeppakwi, nayuk wukwi, eeka'lek logonet, eeko logorak wone yoragagirak Muta liiru mbaneegerak inom, it inombomini inom eeko logorak wone lengganogo yoragatak inom, liirogon mugurok naga'lek aret agaarik o,” yinuk, yegerak me yokkiragi o.

Yetikiyen 17:21

Ndi, at awuri ineegin warak wakaa'ngget mendek abok aret mbaganggugak wooluwak paga inoorak kanggwi, ndi, yumbunogo piyamenggaarak mbaganit nogwe nogo ti, o wiya nen iri'ngga-kale'ngga wonok ndi ari menggi kwak, yi awi ndi awi ma'nogwe, eerugun o. Ti eekwi iinok, it nen, Aliku ALA nen yegerak nogo aret eeke kogo o, yinuk, ineenu arugun,” yegerak o.

Yetikiyen 21:6

Togop aret me, aakumi nen ndarak yi wae. Kiniki wakkolage logot o. It abok inenggaanom paga neebi-neeba ari logonet, kiniki wakkolage logot o.

Ndaniyen 5:22

Kat nogoba Mbelitiyatat wae. Wone yi abok kat at aput keenu aret menggendak kwe, kiniki tebeppaka'lek wonage agandik o.

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Matiyut 23:12

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Lukat 1:52

It aap inendagembogut wone lengganogo yorogo menggam nogome nen tebenogo piige, Ndi, it iniki tebenak menggaarak nogo tiyappiige,

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Lukat 18:14

Imbirak tamban togop aret eereegwaarak kwe, at tamban aa'nduk eereegerak nogo lek o. Ata, peebi eereegerak nogo mban Ala nen, Aap ti, iniki obeelom aret kagi o, mbake kagak, ame aret nagagerak. Aap ambi iniki tiyappake kenok, tebembege, ndi, iniki tebeppake kenok perak, tiyappege, eeke menggerak o, yinuk, yokkiragi o,” yoragagerak.

Oroma 5:6

Nit ninagap ndakkoloorak abu meek tit niigak, Ala nen, “Ti eyom paga Keritut waruwak o,” yinuk, koonogo pereegerak nogo eyom a'me lik yi nage mbareegi, nit maluk eeko monggoorak ninake aret kambeegerak.

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

1 Timotiyut 2:6

Yi aakumi ndi aakumi abok aret at eebe paga inonggo mbambunuk, wondet agago piyareegerak. Ti eereegerak nogo ti, Ala nen yi aap ndi aap abok eeppiyoorak kooneegerak pagak yuurak eyom panggoni wagagerak me, aret pagak yereegerak.

Yakobut 4:10

Ala abu'me kiniki tebe yinip o. Tebe yogwe kiinok, at nen kit aret tiyappinagagin o.

Yakobut 4:7

Togop me, Ala abu'me tebe yinip o. Ala abu'me tebe yinuk, wonogwe me, Tile nen maluk eekkinabi wage kenok, kole mbaganuwak nduk, kinom wim perenggologo logonip o.

Yakobut 5:10

Nowe-nawot o. It aap Ala nen yorage kagak yorogo nogogwaarak nogo piyak-payak eeppiigwi iigak, iniki kwippunuk inogogumbuk logonet waganggo nogogwaarak nogo kwak, kit ndak-ndak aret in wakkagak eeko logonip o.