1 Peterut 5:3 - Ala Wone Peenok Peebi Mbanak

³ Inarum logobagip nduk, unde eeppinagareegerak nogo inarum logonet, “An noone mban konenggo logonip o,” yinuk, kinoone omaawi paga yorogwe ti mage o. Ata, it Ala andomba nogo nen kit kinobaabut obeelom mban eerit nogwe nogo liippinaganuk, “At eeke ti, an ndak-ndak eeke logokit,” mbaruwak nduk eeko logonip.

1 Peterut 5:3 ပူးပေါင်းရင်းမြစ်များ

Ndawi 33:12

It aakumi inanebunu ambi nen, “Aliku ALA ti, nit ninogoba Ala aret o,” yinuk, yogwe, “Neyate kwak logowak o,” yinuk, Aap anebunu ambi at leenogo pateegerak wonogwe, Eekwi nogo Inale'nggen aret mbako logowak o.

Ndawi 74:2

O maan aa'nduk togon it aakumi Kat kapuri lombok logowak nduk leenogo piige, Keyate kwak kat mendek logowak nduk, wondet eerogo piige, Eereegindak nogo abeke, Ndi, kat wonagaginom puut Tiyon nogo abeke, Eeru o.

Yetikiyen 34:4

It ti eeko logonet, inandomba ineebe ndeyak kenok inomaawi eerogo piigwi, ineebe andi kenok obeelom eerogo piigwi, inawinde-inobaande aago kenok nggerembiigwi, kobak agaatak wonogwe iinok wogoren piya wogwe, ineebe lek ogwe iinok kwaarinakwi, eeka'lek mbo piinok, inanini paga eeppiigwi, iniyok konden aan lebenogo piigwi, eeko logonet, ndegeninako menggaarak o.

Mika 7:14

Kaliku ALA wae. Keyate negen kapuri kiniki kundugu ndomba kuwak aago kwak logonet, Eyonggaame iri'ngga abu mili nenet nugu menggam wonogwe nogo, yawi paga teeriren nege logot o. O aa'nduk togon iri'ngga mbanogo nenet nogo nogogwam O Mbatiyan paga, o Nggileyat paga, nenet nugu logowak nduk, teppiyet o.

Linggineegwaarak 18:7

Ndi, kat kapuri kinom perak, Togop eeppinaniyak, mbaka'lek kiigak, an neebe unde logobagip nduk, namunggat kinoba pinagage nagarik, nake warogo kani kunggo menggam inom, yi mendek ndi mendek eeko menggaarak yum tugunik aken nggwe wonage nogo inom, kit mban neebe unde logonet eeko logobagip nduk, unde eeppinagagirak me, o magame nogome it aakumi ugun panggorogon wogwe iinok, kambuwak nduk, inoorogo piigo logomunggup o,” yinuk, yoreegerak.

Yaya 13:15

An eekkinakirak yi, kit ndak-ndak eeko logobagip nduk, eekkinakirak o.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

1 Korindut 11:11

Yi mendek ndi mendek wo'nirage menggerak alom ti, Ala aret o. Ndi, it kumi inalom ti, aap aret kwe, it aap perak, kumi nen aret ndaganako menggaarak me, it kumi lek nen it aap wigannariyak lek o. Ndi, it aap lek nen it kumi kunduk wigannariyak lek mban me, ninowe ninom kunik me, kumi aap ndak-ndak aret wonogo monggoorak o.

1 Korindut 3:5

An Pawulut kunduk, at Apolot kunduk, nit taani nduk, yogo ogotik? Lek o. At nimbirak ti, Ala ayeloman mban aret me, ninowe nen eeriyak ninalitak lombok mban yo'nirage kenok, yokkira wogogurak paga kit abet mbareegutak nogo o.

1 Korindut 3:9

Nit Ala ninom kunik logonet, eeko monggoorak me, Ala eyabu aago inom, at awi wurik inom, ti kit kineebe aret ogotik o.

2 Korindut 1:24

“It wone yi, abet mba'nuk, waganggo logowak o,” yinuk, lengganogo yokkiroorak nduk, woroorak mbarulik. Ata, kit kiniki abet mbakwi nogo, mondok nu'lek wonogwe me, kit abet mba'nuk, kiniki ale'nggen mbuuluk kogwe nogo nggwok lombok kaabagip nduk, eeppinagi woroorak mbareegurak o.

2 Korindut 4:5

“Nit aap iya o,” yinuk, eeko monggoorak mbininogo yokkirogwe lek o. Ata, “At Yetut Keritut ti, ninowe aret me, at mban iya o,” yinuk, yokkirogwe, ndi, nit togon, “Yetut yereegerak ndak-ndak, nit kit kinayeloman aret o,” yinuk, yokkirogwe, eeko monggoorak o.

Pilipi 3:17

Noreewi o. It aap ando apit nogo nen, “Keritut eyo karo-karo paga kambeegerak wone woorak nineebi,” mba'nuk, iniki alik koonit nogo menggaarak me, “Ala inom wim mbanak wonogwe o,” yinuk, ko'lu-kii'me yokkirage minggirak nogo, yogondak ambinom le ari logonet yokkiragi o. It aap ti, togop eerit nogwe me, an eeke minggi kwak, kit ndak-ndak eeko logonet, it kinoreewi ando nen nit eeko monggoorak nogo kokwak eekwi iinok, liirogon aret inarum logonip o.

Pilipi 4:9

An wone mamunggirage neegak, waganggo nogogutak inom, ari neegak kinaruk konenggo nogogutak inom, eeke neegak kinigen neego nogogutak inom, nogo abok aret eerit nogo logonip o. Ndi, niniki ugun tayenak ale'nggen logowok nduk, eeppinanege menggerak Ala nogo nen kinarum aret logogin o.

1 Tetalonika 1:7

Togop eeko nogogutak me, it aakumi abet mbakwi o Makendoniya inom, o Akaya inom, abok aret kit paga in wakkagak eeko agaarik o.

2 Tetalonika 3:9

Kinamendek wo'nirogwe we noorak op aret kwe, nit eerit nogwe paga ninowakkagak kit ndak-ndak eeko logobagip nduk, eereegurak.

1 Timotiyut 4:12

Kat keebe awo tawe aret me nduk, aakumi nen tebenogo pagarak ti mage o. Ari menggendak inom, eeke menggendak inom, aakumi kiniki kunik aganake menggendak inom, Ala wone abet mbake menggendak inom, maluk eerukwak, kenegen tebenak nege menggendak nogo inom, eeke ti paga it aap abet mbako menggaarak kat in wakkagak logonet, eeke logot o.

Titut 2:7

Aakumi kat paga in wakkagak eeko logowak nduk, kat yi eekak ndi eekak eeke logonet, obeelom mban eerit nage logot o. Eerit nage logonet, wone mamunirage menggendak nogo, kat koone inom nabenogo ugun-ugun mamunirage, kayuk lek we i'ndok-i'ndok yorage, eeke logogun o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.