1 Peterut 5:2 - Ala Wone Peenok Peebi Mbanak

² Kit Ala apuri inarum logobagip nduk, mippinagareegerak nogo, “Kineebi,” mbako logonet, inarum logorak ti mage o. Ata, Ala iniki mbake ndak-ndak, “Inarum logokit,” mbako logonet, ndomba ndegeninako mengga kwak, Ala apuri ti, togop aret ndegeninako logonip o. Ndi, onggo koloorak paga mban kiniki lunik logonet, ndegeninako logorak ti mage mban. Ata, we kiniki ale'nggen paga aret ndegeninako logonip o.

1 Peterut 5:2 ပူးပေါင်းရင်းမြစ်များ

2 Endagembogut 12:6

Ndi, aap Yowat endagembogut a'nuk, Yekura wone lengganogo yorage kagak tahun 23 eereegerak kwe, it aap Ala unde nen Ala awi wurik maluk agagerak nogo ogobakkigika'lek wonogo mbareegwa,

Ndawi Iya 1:8

Kumi inenggela'me kolaga abu kigirikwe lombok kat yi, Kat keenggo'lek kenok, ndomba iniyok pit nogwe nogo muguren nage, Ndomba ndegeninaka inawooliya wurik me koorok time kaanggumi kambin inaagalogwe nogo ndegeninabit nage, Eeke logot o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 56:11

Nggeewo nen, “Abu nenggi o,” yinuk, mbaka'lek inaanogum andi lek lagap mban agan nugu mengga kwak, it aap ti togop aret wonogwe, It aap ndomba ndegeninaka nen inaanggumi ndegeninaburak kobak mengga kwak wonogwe, It abok aret eeriyak mbakwi nogo mban mugurok nogwe, Inalitik-inalitak ineenggi warak eekkoloorak mban kwaarit nugwi, Eeko menggaarak.

Yetaya 6:8

Yo'nege kage nagarik, ti'nuk, nogoba Ala nen ari konengge logonet, “An ari minggirik wone wonok nawak nduk, ta nappigin mbakop? Ndi, nit nookwak wone ti, taani nen wonok yora noorak mbako agaarik o?” Ari konengge nagarik, “Yi an aret me, an aret nappanu o.”

Yetaya 63:11

Ti'nuk, aa'nduk togon Aliku ALA ayeloman Muta wonage kagak at apuri eeginabeegerak nogo iniki abeke logonet, Niyo laut yenggenak kagak aap ndomba ndegeninaka aanggumi inom ninombomini wogoren wunda wage, At Aberiniki inom logowak nduk nappi wage,

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 13:20

Kat Yerutalem yi wae. It aakumi o omarip paga pa'nggwe nen wogwe yi, kuut pila yinuk, kenegen pegiyet o. Ndomba kwak kaagalogwe unde eeppagareegerak nogo ineebe ngge o? Ndomba kwak kaagalogwe nen eerit nagaarak paga kale'nggen mbake nagagindak nogo ineebe ngge me agaarik o.

Yeremiya 6:13

“It aap inendage lek inom, inendage warak inom, abok aret ambi kolaawok nduk mugurok nugwi, It an wone yorage neegak yoraga inom, it an neebe unde inom, abok ndak-ndak inoone pilit pugunggo logonet, aakumi wi-wi eeginabit nugwi, Eeko menggaarak.

Yeremiya 8:10

It inakuwi ndinogo aap alik wogorage, Ndi, ineyabu eerak nogo it aap o tebengga wogorage, Eerigin o. It aap inendage lek inom, inendage warak inom, abok aret ambi kolaawok nduk, mugurok nugwi, It an yorage neegak yoraga inom, it an neebe unde inom, abok ndak-ndak inoone pilit pugunggo logonet, aakumi wi-wi aganabit nugwi, Eeko menggaarak.

Yetikiyen 34:23

Aap ambi nen nandomba ndegeninake logowak nduk, mippigin nogo ti, nayeloman Ndawut aret me, at nen aret unde wogonake logogin o. Ndi, unde wogonake logonet, nandomba ndegeninaka at aret logogin o.

Yetikiyen 34:31

Ndomba nagari'ngga mbanogo nenet nugwi ti, nandomba kwak it napuri aret, ndi, it inogoba Ala ti, an aret agarik o,” yinuk, Aliku Itok Menggerak ALA nen aret yegerak me, yokkiragi o, yoragagirak.

Yetikiyen 46:24

Kage mbareegi, at nen an yo'nege logonet, “O yi ti, aakumi nen Ala ake warogo pi wogwe iinok, Ala awi wurik me yabu eeko logorak nen lako logowam yi aret o,” yinuk, an yo'nege kagagirak.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Mika 5:4

At eebe paga iniki ugun tayenak nu'lek aganaka aret logogin o. It aakumi o Atiyut mendek nen nit ninanggween tebenggola unggwogwe, Ninobak wurik nogo langgunogo punuk, unggwi wogwe, Eeruwok nduk, eekwi iinok, Ndomba ndegeninako mengga kwak ninoweewi ineebe 7 ilik, 8 a, pilak yogo logonet, inoba kwi'naruwak nduk, mippiyaagun o.

Mika 7:14

Kaliku ALA wae. Keyate negen kapuri kiniki kundugu ndomba kuwak aago kwak logonet, Eyonggaame iri'ngga abu mili nenet nugu menggam wonogwe nogo, yawi paga teeriren nege logot o. O aa'nduk togon iri'ngga mbanogo nenet nogo nogogwam O Mbatiyan paga, o Nggileyat paga, nenet nugu logowak nduk, teppiyet o.

Takariya 11:17

Aap andomba liirogon ndegeninake lek mbo piinok, mbagangge ti, we aanom warogo wonage me, abuwa o! Wooluwak paga at eenggi polonogo waremenggaarak me, eenggi nggunak ari, Enegen abeme waremenggaarak me, enegen mondok mbuk age, Eeruwak o,” Yinuk, an yo'nereegerak.

Maleyaki 1:10

“An nake warogo kani kunggo menggam it we aanom warogo kani kunggwi iyo, it inenggela'me time aap ambi nen nawi wurik me tu narogo puwak lak, ao, mbake agarik o. It eekwi ti, an abu neebi lombok mbake me, an nake warogo wo'nugwi ti, an waagin lek aret o,” yinuk, at Omaawi Lombok Menggerak Aliku ALA nen aret yegerak me yokkiragi o.

Linggineegwaarak 18:7

Ndi, kat kapuri kinom perak, Togop eeppinaniyak, mbaka'lek kiigak, an neebe unde logobagip nduk, namunggat kinoba pinagage nagarik, nake warogo kani kunggo menggam inom, yi mendek ndi mendek eeko menggaarak yum tugunik aken nggwe wonage nogo inom, kit mban neebe unde logonet eeko logobagip nduk, unde eeppinagagirak me, o magame nogome it aakumi ugun panggorogon wogwe iinok, kambuwak nduk, inoorogo piigo logomunggup o,” yinuk, yoreegerak.

Lukat 12:32

Yorage nagagerik, at Yetut nen, “Nandombalogwe wae! Ala nen kit at abu'me pinagarak inikilom mbareegerak me, kinagabiti mbarugup o.

Nappiigak 20:29

An lambembinaganuk nage neegak, mba'ngge kinenggela'me unggwi wogo logomenggaarik, teppinagagun lek nibingginabugun ti, an neenu aret o.

Nappiigak 21:13

at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.

Oroma 1:15

Togop me, kit o Oroma mendek kunduk, an nen wone obeelom wone nogo wonok, mbet-mbet yokkira woroorak uugwe lombok mbake agarik o.

1 Korindut 9:7

It yigin unde nogo ineebe op logorak nduk, ineenggi paga mban nggik-palek eerogo nonggo menggaarak mbakop? It aap yabu eeka nen anggen yugu mbanogo ando it nunggulik mbakop? Ndi, it aap ndomba ndegeninaka nen ndomba inelak amburu toologo it ando noorak meek mbakop? Lek o. It yabu eeko menggaarak abok aret onggo anggen mbanogo nonggo menggaarak aret o, yinuk, yokkiragi o, noreewi.

1 Timotiyut 3:3

amburu kumili aganake ndonggorogon nenggeelik kenok, anini mbet-mbet wunggeelik iniki yanggonak kenok, yawi pegeelik kenok, wu inikilom mbakeelik kenok, aap togop mendek ti, Ala apuri unde logorak mippiyoorak op aret o.

1 Timotiyut 3:8

Ndi, it aap yeenggwaaragak nogo, togop aret it inayuk warak logonet, inoone mbere lek ambiret mban yogo menggaarak kenok, anggur amburu kumili aganake menggerak ndonggorogon nunggulik kenok, wu kolaawok nduk aakumi wi-wi eeginakulik kenok,

Titut 1:11

It aap ti, inenggali ariyak kagak, yi mendek ndi mendek kolaawok nduk, wone mamuniyak lek mendek mamunirogo logonet, aap ambi aaganapuri apit inom iniki abut lagak-mbagak aganabit nogo menggaarak me, inoone mondok lek eerogo piige logot o.

Titut 1:7

It aap aakumi inarum logorak nogo ti, Ala eyabu eeka me, maluk eeke kenok aakumi inoone inoba piyookwak, obeelom mban eerit nugu logowak o. It koonggwi mban eeriyak mbakwi, inanini mbet-mbet wungge, amburu kumili aganake mendek ndonggorogon nunggwi, ndugwi pugwi, aakumi inawu kolaawok nduk, wi-wi aganakwi, eeko menggaarak kenok, aap ti mendek mippiyoorak lek o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Titut 3:1

Aakumi nen it o arum waka pemerintah inom, it aap inayuk warak menggaarak inom, inabu'me logonet, inoone konenggwi, ndi, eeriyak obeelom ambi kin age kenok, “Eeko logowok o,” yinuk, mbako logowak nduk yorage, eeke logot o.

Pilemon 1:14

kat unde nen, “E o,” yo'nega'lek me, obeelom eeppaniyak mbakendak kero, kiniki mba'nuk nen, “An eeppanuwam,” noone omaawi paga yokkirigin lek o.

Iberani 12:15

Ala iniki kunik en obeelom eeppinaneegerak nogo mbo pugwi kiyo, liippogo logonip o. Iri'ngga ale warak mendek ambi mbiingga larak paga pegaatak me, mbiingga apit ale age menggi kwak, aap ambi kinenggela'me oone togop agan nege kenok, kit aakumi apit at oone konembunuk, maluk eeriyak koonggwi kiyo, liippogo logonip o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.