1 Peterut 5:1 - Ala Wone Peenok Peebi Mbanak

¹ Nowe-nawot o. Kit Ala apuri inenggela'me logonet inarum monggotak kwak, an togon Ala apuri inarum minggirak nen wone ambi yokkira o. At Keritut aaninggin-paaninggin oba pogo nogogwaarak nogo, an nenegen kagagirak me, peebi at pi wakwi iigak, woroorak eyom paga, “An togon tiyappani woraagin,” mbake logonet, “Wone eebe yokkiraakit,” mbakirak nogo liirogon konenggo logobagip nduk, yokkira o.

1 Peterut 5:1 ပူးပေါင်းရင်းမြစ်များ

Lukat 24:48

Eeke neegotak yi abok aret paganogo yoranet nugu logorak kit aret me,

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 11:30

yinuk, kuwak eerogo punuk, Mbaranabat Tawulut imbirak nappiya wogo mbareegwa, it nen wonok, Ala apuri o Yerutalem inarum menggaarak nogo ira wogogwaarak.

Nappiigak 14:23

Ala apuri kuwak eeko menggam lombok unde logowak nduk, Pawulut Mbaranabat imbirak nen aap leenogo mippiigo nogogwaarik, mbi nengga'lek inambe mage negen logonet, “Ninogoba o. It aap yi, iniki koba panggombunuk abet mbakaarak me, eerit nugwi iigak, liirogon inarum logomunggun o,” yinuk, inake tamban eereegwaarak.

Nappiigak 15:4

Aganake kagak, it o Yerutalem unggwi wogo mbareegwa, it Ala apuri o Yerutalem kuwak eeka inom, it nappiigak inom, it Ala apuri unde inom, nogo nen keyage waganako mbareegwa, “At Ala eeppinanege kagak ndogop eekoorak o,” yinuk, abok aret mbininogo yorogogwaarak.

Nappiigak 15:6

Yorogo mbareegwa, it nappiigak inom, it Ala apuri unde inom, wone ti, mbanuwok nduk, kuwak eeppogo nogogwaarik,

Nappiigak 2:32

Yetut warogo pogotak ti, Ala nen eenik agago mippegerak nit abok ninigen kogoorak me, paganogo yokkirogo ogoorik o.

Nappiigak 20:17

Togop aret, koneneegerak me, Miletut unggwi wogo nogogurik, time nen at Pawulut nogo, it Ala apuri kuwak eeko menggaarak unde nogo, woraawak nduk, o Epetut inayonggo nappereegerak

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 21:18

Wo'ninako mbareegwa, nogo yippunuk, ko'lu at Pawulut ninom Yakobut pekka nogogurak me, it Ala apuri unde abok aret inom wonogwe iyareegurak.

Nappiigak 3:15

Nineenik ee'ninake menggerak alom nogo at aret kagak wakotak kwe, Ala nen kanggo menggam nen eenik agago mippegerak nogo ninigen kogoorak me, paganogo yokkirogo ogoorik o.

2 Korindut 5:1

O nggween paga yime ninagabolo ooliya wurik kwak mi-mi wangge kenok, obaane'me ambi mbogut paga wurik wonage nineenu aret o. Mbogut paga wurik ti, aakumi nen wurogo pinanulik o. Ata, Ala nen aret wurogo pinaneegerak me, mondok-mondok aret logogin o.

2 Korindut 5:8

Ninagabolo yi, nggonenogo mbo punuk, ninogoba wonage me, mondok-mondok ka noorak uugwe lombok mbakwi kwe, niniki kwippunuk tit ogoorik o.

Pilipi 1:19

Kit nen nake tamban eekwi, ndi, Yetut Keritut Aberiniki nen niniki eyak wappanege, eekwi ti paga keele piinogo wumbanugun an neenu me, niniki ale'nggen mban mbake agarik o.

1 Timotiyut 5:1

It aap inanggok iinok, koone omaawi paga mberiraagun o. “Yi nogobamini kwak me,” yinuk, iniki eyak wappiige logot o. It aap tawe ti, kat kawuri kwak,

1 Timotiyut 5:19

Aap mbere ilik, kenagan a, nen, “Togop eekerak o,” yinuk, yogwe lek iigak, at ambiret nen mban aap Ala apuri unde menggaarak ambi oone oba pege kenok, at oone koneniyak ti, lek o.

2 Timotiyut 4:8

Ndi, yogondak at wone a'me nggelok owak loongga ninowe nen it aakumi obeelom eekwi iinok, onggo nggare-nggare mendaarak yippiige menggerak me, o age yobok paga an ambi yippanikit nduk, nake paneegerak wonage o. An nalik yippanigin lek o. Ata, yi aakumi ndi aakumi nen, “At kin ari woraawak lak, a o,” yinuk, tokkogwe nogo abok aret yippiyaagin o.

Titut 1:5

An eeka'lek kagak wagagirak nogo eeke, ndi, o kota lombok Ala apuri unde logowak nduk, “Aap ti mendek mippiyoorak,” yokkereegirak nogo mippiige, eeke logonok nduk, kat o Kereta time keegak, an wagagirak nogo o.

Pilemon 1:9

kat an niniki kunik lombok wonage me, noone we yanggorogon yokkiriyak ee'nake o. An Pawulut nogo aap abu nanggok agagirak o. Ndi, Keritut Yetut oone wonok yonggo nege nagagirak paga keele maa'nabeegwaarak yogondak yime logonet,

Iberani 12:1

It aap abet mba'nuk, eeko nogogwaarak yogoorak nogo nen, “Nit eeko nogogurak nogo ndak-ndak eekwi iyaamun ilik, lek a?” yinuk, ineebe apit aago wanggerak inigen wo'ninakwi negen wonogwe me, tu mbe agan nogo logonet, ninogowa lek age kero, yi mendek ndi mendek ninoba luurik wonage nogo inom, maluk mendek kagak, nit eeriyak ninikilom mbako logonet, yilinogo pinanege menggerak nogo mendek inom, abok aret nggonenogo mbo punuk, “Mbe agan ti kuli aret mi'nari nanip o,” yinuk, yo'niragagerak nogo, mondok ninogogumbuk a'nuk, mbe agan mi'nari nogo logowok o.

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.

1 Peterut 4:13

Kit andi-pandi eerogo pinagagwi nogo ti, peebi, at Keritut mondok tiyanak wage kinigen kogo logomonggotik, “Nit togop aret tiyappinanigin o,” yinuk, kiniki ale'nggen mondok alik negen eekkinabigin me, “Yogondak at Keritut eeppogo nogogwaarak ando nogo aret eeppinanugwi me, op aret o,” yinuk, kiniki ale'nggen mbako logonip o.

1 Peterut 5:4

Togop eekwi kiinok, nit ndomba ndegenninaka ninowe nogo, peebi wage logonet, “Kit abu obeelom eeko nogotak o,” yinuk, kinenggare-nggare mendaarak kiik ariyak lek mondok laambu logorak mendek yirippinagi woraagin o.

1 Yaya 3:2

Noreewi o. Kit an niniki kunik me, wone ambi yokkira o. Nit yogondak aret Ala apuri ogoorik o. Ndi, peebi nonggop eeppinanege kenok wonogo logorak nogo, nit awo kin kaga'lek kwe, at wage kenok, “Etenggen yi kwak eeppinaniyak nduk, wonogoorak kagi,” yinuk, mbakwi niigak, “At etenggen kokwak eeppinanigin, nineenu aret ogoorik o.”

2 Yaya 1:1

Ala nen miikkabeegerak niriluk kat kaagalogwe kinom an Ala apuri inarum logokit nduk, mippaneegerak nogo nen, kit abet aret niniki kunik eekkinake minggirak me, wone ambi yokkira o. An nen mban niniki kunik eekkinake ti lek o. Ata, it aakumi nen Ala ndogop menggerak wone waganeegwaarak nogo abok ninom nen niniki kunik eekkinako o.

3 Yaya 1:1

Noreeluk Nggayut wae. “Ala ndogop menggerak o,” yinuk, wone nimbirak waganeegurak paga kat niniki kunik me, an Ala apuri inarum logokit nduk, mippaneegerak nogo nen wone ambi yokkiri o.

Wayu 1:9

Kit aaninggin-paaninggin kinoba pinagagwi iigak kwe, “Ala abu'me pinanigin me, op aret o,” yinuk, Yetut kinom kunik kiniki nu'lek logonet, waganggo monggotak nogo ti, an kinore Yaya togop ndak-ndak eeppanugwi iigak, wagangge minggirak nogo nen Ala wone yorage, ndi, Yetut wone ari nagagerak nogo paganogo yorage, eeke minggirak nogo paga, niyo yenggenak oolo kup mbanak o endage Pa'mot pani wogogwaarak yime agarik o.