1 Peterut 4:9 - Ala Wone Peenok Peebi Mbanak

⁹ Kinoreewi ambi kiya wogwe iinok, kineebi mbaka'lek kiniki ale'nggen paga kinambi magarogo logonip o.

1 Peterut 4:9 ပူးပေါင်းရင်းမြစ်များ

Wakkagagerak 24:19

Niyo toologo wogoreegerak nogo abu aret nengge mbareegi, at kolaga nogo nen, “Kaanggumi kunduk niyo ndonggorogon nawak nduk, toorira na o.”

Oroma 12:13

It Ala apuri inamendek lek kenok wogorogwe, ndi, aap nggiru kiya wogwe iinok wogonakwi, eeko logonip o.

Oroma 16:23

An ka wagarak nimbirak wonage aap Nggayut nogo inom, it Ala apuri at ame inom kuwak eeko menggaarak inom, abok nen aret keyage wappinagaga o. It aakumi o kota yime menggaarak inake wu kuwak aago porogo menggerak aap Eratut ninore Kuwarutut imbirak nen keyage wakkinaka o. (

2 Korindut 9:7

it aakumi iniki ale'nggen paga kuwak eekwi iinok, Ala iniki kunik aganake menggerak me, kit kuwak eeko logonet, kiniki aaninggin kagak kuwak eekwi, kineebi mbakak kuwak eekwi, eeko logogup o. Ata, kinalitik-kinalitak kiniki koombunuk nen ale'nggen paga kuwak eeko logonip o.

Pilipi 2:14

It aakumi o yogondak ndarak wonogwe nogo inobaabut nggolo iniki mondok maluk mban koonggo menggaarak inenggela'me laaluguragan pindan-pindan eeke menggi kwak, kit togop logonet, inoone kinoba pinagaga'lek Ala apuri kiniki kikak naka'lek abu obeelom mban logonet, eerit nugwi kiyaawak nduk, kit yi mendek ndi mendek eeko logonet, kinoone laakit-laakot yogwe, wone wakwi, eerugup o.

1 Timotiyut 3:2

Aap ambi Ala apuri unde logorak mippuurak mbakwi kenok ti, aakumi inoone at oba pugulik kenok, akwe ambit wogo kenok, iniki tum waka kenok, iniki warak kenok, li'lak mban eeke menggerak kenok, inanoniya laka kenok, aakumi op mamuniroorak kenok,

Titut 1:8

Ata, aap inanoniya laka kenok, obeelom eeriyak inikilom mbaka kenok, iniki warak kenok, a'me nggelok eeka kenok, Ala wone liippunuk eeka kenok, eeriyak eeke kagak kwe, iniki yungguppunuk, puk aga kenok, aap ti mendek mban mippiyoorak op o.

Pilemon 1:14

kat unde nen, “E o,” yo'nega'lek me, obeelom eeppaniyak mbakendak kero, kiniki mba'nuk nen, “An eeppanuwam,” noone omaawi paga yokkirigin lek o.

Iberani 13:16

Ndi, ti eeko logonet, Ala ake warogo wogogo nogogwa kwak, at ake aakumi obeelom eeppiigwi, yeenggwaarogwe, eekwi niinok, Ala inikilom ninombake menggerak me, mari eerogo puurak ti mage o. Ata, eeppiinet nogo logonip o.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.

Yakobut 5:9

Nowe-nawot o. Ala nen maluk onggo eeppinagi wage kero, kiniki laakit-laakot mbako logonet, at ambi abok mbanggak eeko logogup o. Ninowak loongga nogo ti, muk tu ngga'nggi paga panggoni wagaarak wonage yi kaanip o.