1 Peterut 4:6 - Ala Wone Peenok Peebi Mbanak

⁶ Togop me, it kambeegwaarak nogo ti, “Aap maluk aret o,” yinuk, ineebe andi-pandi eerogo piigwi iigak, kambeegwaarak kwe, at Ala eenik menggi kwak, it ndak-ndak inogoma mondok-mondok ineenik logowak nduk, obeelom wone yoragagerak nogo o.

1 Peterut 4:6 ပူးပေါင်းရင်းမြစ်များ

Matiyut 24:9

O ti eyom paga it aakumi nen pigogo kinoba andi-pandi eeppinaganuk, kinooruwak nduk, wogorogwe, kit an noone waganggotak paga, it aakumi inanebunu lombok nen inanini agaket kinombakwi, eerugun o.

Oroma 8:2

Keritut Yetut ninom kunik me, at nineenik ee'ninake menggerak Aberiniki nogo nen ari kenok mugurok nogwe niinok, “Maluk eeriyak,” yo'nirage wone yugu inom, maluk eekwi iinok, kanggo logorak wone yugu inom, nit ambinom ee'ninake kero, wondet agago pinaneegerak.

Nggalatiya 2:19

wone Muta yoreegerak kagak alik eereegirak paga noorogo paneegerak kambeegirak negen me, yogondak, “Yogop ee'nu, ndogop ee'nu,” yo'nege nogo, an koneniyak mondok meek o. An Ala ake mban neenik agarik o.

Nggalatiya 5:25

Nit Aberiniki nen pi'niren noorak mbakwi kenok, at yo'nirage nogo mban aret eerit nogo logowok o.

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

1 Peterut 3:18

Nit maluk eekwi nogo abok aret lek eerogo pikit nduk, at Keritut ne ambit paga aret kambeegerak. At maluk eekeelik obeelom mban eeke menggerak nogo nen, nit obeelom eekwi lek maluk mban eekwi nogo, Ala abu'me pinanikit nduk at eebe aap aret age mbareegi, warogo pereegwaarak nit ninake aret kambeegerak kwe, Aberiniki nen eenik agago mippereegerak.

1 Peterut 3:19

At mippereegerak Aberiniki nogo nen aret maan it aakumi kambeegwaarak inogoma keele maarak negen o apit me wonogwe me, wone obeelom wone yora nagagerak.

Wayu 14:18

Ti'nuk, malayikat alik ambi Ala ake warogo kani kungge menggerak unde nogo kani kungge menggim nogome nen wundi wage nagaarik, at malayikat obaloowi yomonak ngget ambik aa'nduk eenggime wundi wagaarak nogo, yoge logonet, “O nggween paga ogu time anggur anggen yugu nogo, abu kole agaarak me, kobaloowi ngget ambik ti paga mbanogo yonggoli wambu o,” yinuk,