1 Peterut 3:6 - Ala Wone Peenok Peebi Mbanak

⁶ at kwe Tara nogo nen Abarakam oone ari kenok, “E o, nogoba,” yinuk, yanggonak mban eeke nagagerak nogo ndak-ndak, kit kumi o yogondak wonogwe yi, kinagabiti lek obeelom mban eerit nogwe kiinok, at Tara owowologwe kit aret logomunggup o.

1 Peterut 3:6 ပူးပေါင်းရင်းမြစ်များ

Wakkagagerak 18:12

wone yoreegerak at Tara nogo konengge nagagerik, inikime nen ari logonet, “An neebe abu kweegelo a'nuk nagabolo abu aret amiironggok ee'nake, ndi, an nogonggelo togon abu anggok age, eekoorak me, nonggop togon ena warak agago ndariyak me nduk yaga o?” yinuk, inikime nen i'ndok kambeegerak.

Wakkagagerak 18:15

Yoge mbareegi, at Tara agabiti nen aana'le mbanggolage logonet, “An i'ndok kambulik o.” Yereegerak kwe, at Ala nen, “Lek o. Kat abet aret i'ndok kangge keegirak o,” yoreegerak.

Yetaya 57:11

It ta paga inagabiti mbakwi, inaganak wake, eeko logonet, an mbo paninuk alik mugurok nogwe, Noba abe'nakwi lek kobak eerogo panugwi, An ndogop eeke yi, iya! yinuk, iniki liippega'lek wonogwe, Eeko agaarik? An wone yoraga'lek puk wonage neenok, nayuk wuka'lek agaarik ya?

Nappiigak 4:19

Mberirogo mbareegwa, Peterut Yaya imbirak nen it yorogo logonet, “Nit Ala oone koneniyak ilik, kit kinoone koneniyak a? Ala enggaanom paga kit mban kooninip o.

Owak Loongga 19:26

Teppogo mbareegwa, kwe nogo wage nagagerik, ore nogo yege me tungga'nggi paga taa'nogo aret ogobak toguk ngginnari wagagerak kagak, o aret weereegerak.