1 Peterut 3:17 - Ala Wone Peenok Peebi Mbanak

¹⁷ Kit maluk eerit nogwe paga andi-pandi kinoba pinagagwi iinok ti, alom kit kinobaalombok eerumonggotak paga eeppinagagun me, ti iya lek o. Ata, Ala iniki mbareegerak paga eerit nogwe kiigak, andi-pandi kinoba pinagagwi iinok ti perak, iya aret o.

1 Peterut 3:17 ပူးပေါင်းရင်းမြစ်များ

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 26:42

Yoge nagagerik, ne ambi teppiinok nage nagagerik, Ala yoge logonet, “Ai, nogoba. An ee'naburak amburu toolak kwak yi, nengga'lek me teppaniyak meek kenok, kat kiniki mbake aret eerigin o,” yinuk, tamban eereegerak.

Nappiigak 18:21

woraakit nduk eeke logonet, “Ala nen, Woroorak, mbake kenok, peebi kiya woraagin o,” yinuk, keyage wappiinok, o Epetut time nen yiiro paga

Nappiigak 21:14

Yo'nirage mbareegi, yogak mban eereegurak kwe, konengga'lek mbareegi, “Ala iniki mbake mban aruwak o,” yinuk, puk ogogurak.

1 Peterut 1:6

Togop me, nowe-nawot o. Aaninggin-paaninggin kinoba wonage nogo paga kiniki ale'nggen lek aaninggin ndugu aago wonogwe kwe, “Peebi ninake pipuk eerogo pinaneegerak nogo kola nagun me, yi ti, we luulu eeppinanege me op aret o,” yinuk, kiniki ale'nggen nggwok aret mbako logonip o.

1 Peterut 2:15

It wone lengganogo yokkirogwe nogo ndak-ndak eerit namonggotak paga, aakumi iniki lek we ugun agan nogo menggaarak nogo, at Ala nen, “Inoone taganogo piigo logowak,” kinombareegerak me, kinogobamini nogo nen wone lengganogo yokkirogwe iinok, “E o,” yinuk, konenggo logonip o.

1 Peterut 2:20

Kit maluk eerumonggotak paga kinookwi iigak, kinoone lek puk wonogwe kiinok, aakumi nen kinaana'le mbaniyak op mbakop? Lek o. Maluk eekotak paga kinookwi me, “Op aret inooka,” kinombarugun kwe, kit obeelom eerit nogwe paga kinookwi iigak, kinoone lek logonet waganggwi kiinok perak, Ala kinabuwa mba'nuk, ale'nggen kinoba pinagage kaamunggup o.

1 Peterut 3:14

Togop eekulik kwe, kit obeelom wone yoranet nugwi kiigak andi-pandi eerogo pinagagwi iinok, “Nonggop nduk eeppinanugwi?” yinuk, kinagabiti nen kiniki piirik eerugup o. Ata, “Ala ale'nggen ninoba pinanigin o,” yinuk, kiniki ale'nggen paga waganggo logonip o.

1 Peterut 4:15

Kit nen aap wakwi, yogoot kiraakwi, maluk eekwi, aap ambi inawone kagak unde a'nuk mbanggwi, eekwi nogo paga andi-pandi eerogo pinagagwi iinok, kiniki ale'nggen mbarugup o.

1 Peterut 4:19

Togop me, kit andi-pandi eerogo pinagagwi nogo ti, Ala iniki mbake ndak-ndak eeppinagagwi me, kit obeelom mban eerit nogo logonet, at kineebe ogobakkigikkinabeegerak nogo nen, “Eeriyak,” yegetak nogo, a'me liirogon aret eeke menggerak me, kiniki inom, kineebe inom, apit aret at unde logowak nduk, wogo'nuk logonip o.