1 Peterut 2:9 - Ala Wone Peenok Peebi Mbanak

⁹ kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

1 Peterut 2:9 ပူးပေါင်းရင်းမြစ်များ

Ndawi 118:27

At Aliku ti, Ala aret o. At eya ninoba pindanogo pinaneegerak me, Kinale'nggen nen laago lariyak nduk, Eyo engga kalenogo wonok kuwak ari wogwe, Aliku ALA ake warogo wogoriyak nogo, Wogogo menggam irip-unggut to ari nogo paga keele maarogo pugwi, Ee'nip o.

Ndawi 22:30

It aakumi wigannarit wundi wogo logogun nogo nen Kalut eeko logonet kake eekwi, It peebi nda'narit wundi wogo logogun nogo nen Kat nogoba Ala kabok yogwe nogo konenggwi, Eeko logomenggaarik,

Ndawi 33:12

It aakumi inanebunu ambi nen, “Aliku ALA ti, nit ninogoba Ala aret o,” yinuk, yogwe, “Neyate kwak logowak o,” yinuk, Aap anebunu ambi at leenogo pateegerak wonogwe, Eekwi nogo Inale'nggen aret mbako logowak o.

Ndawi 73:15

“It yogwe ti, an togop aret yigin o,” yinuk, yenetak en, Ala apuri yogondak ndarak ti, meek eerogo piyanetak o.

Yetaya 26:2

It aakumi iniki abe koonak mendek nen Ala mbake liirogon eeko menggaarak nogo, Unggwi woraawak nduk, tu pak ambe paarogo pinip o.

Yetaya 41:8

“Togop eerugun kwe, kat nayeloman Iterali yi wae. Kat an leenogo pagareegirak Yakup yi wae. At niniki kunik Abarakam paga wiganak yi wae.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 44:1

“Togop aret eerigin kwe, at nayeloman Yakup ti, An leenogo pereegirak Iterali ti, Yogondak an wone yoge yi, aruk konengge logowak o.

Yetaya 61:6

“Aliku ALA unde it yi aret o,” yinuk, yokkirogwe, “Ninogoba Ala ayeloman mini yi aret o,” yinuk, yokkirogwe, Eeko logogun o. Yi aakumi ndi aakumi inamindik-inamendek nunggwi, It inamindik-inamendek wokkirogwe ti paga kinale'nggen ambik mbakwi, Eeko logomunggup o.

Yetaya 62:12

Inom wogwe inendage ti, “At Kikak Naka'lek Alik Leenak Apuri o,” yorogwe, “Aliku ALA Wondet Eerogo Piiga o,” yorogwe, Eeko logonet kwe, Kat Yerutalem yi perak, kendage ti, “Kwaakkabit Waga! O Kota Kugume Lek Aakumi Menggam o,” yinuk, yokkogo logogun.

Yetaya 66:21

it inenggela'me nen ando an neebe unde logowak nduk leenogo piige, ando inanebunu Lewi mendek logowak nduk leenogo piige, eerigin o,” yinuk, Aliku ALA nen aret yegerak o.

Yetaya 9:2

It aakumi o apit paga logonet, eerit nugwi nogo, Eya nggwok lombok inigen kogogwaarak o. It kanggwi inoba wigak yereegerak kanggo menggam wonogwe nogo, Eya lombok inoba pindanogo piyareegerak.

Maleyaki 3:17

Mbanogo pogo mbareegwa, at Omaawi Lombok Menggerak Aliku ALA nen ari logonet, “It aap ti, an napuri aret logogun o. It aakumi koonogo piyoorak wage eyom paga it aap ti, an napuri niniki kundugu aret me, aap ambi aput oone konembunuk eeke kenok, ogoba nogo apuluk abuwa nen ili ari menggi kwak, an togop aret eerogo piyaagin o.

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Lukat 1:79

It o apit me logonet, kambuurak inagabiti mbakwi nogo eya eeppiige, Ndi, iniki ale'nggen ugun obeelom logonet, nogo menggam tu nogo yi aret o, yinuk, yo'nirage, Eerigin, yokkigi o,” yinuk, yereegerak.

Yaya 17:19

Kat nen, An ndogop minggirak o, wone paganogo yorage nogo paga, it kapuri yi abet aret kat kake leenak logowak nduk, an neebe it inake aret leenogo pakirak o.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Nappiigak 26:28

Yoge mbareegi, at Agiripa nen Pawulut yoge logonet, “Ne yogondak iluk yi paga aret we negen Keritut woorak nduk agago panege agandik?”

Oroma 9:24

Ninom tiyanak logorak nduk leenogo pinaneegerak nogo ti, nit aret o. Nit Yakuri mendek mban lek o. At Ala nen Oteya yoge kagak aakumi yorage logonet, “It an napuri lek aret kwe, Napuri aret, yorage, Ndi, at an niniki kunik lek mendek aret kwe, Kat an niniki kunik aret, yoge, eerigin o.”

1 Korindut 3:17

Ala awi wurik mondok obeelom alik mbeenak nogo ti, kit kineebe aret me, aap ambi nen Ala awi wurik nogo maluk eeppege kenok, onggo Ala nen aap ti, mondok lek eerogo pigin aret o.

Epetut 1:14

Ti wokkiragagerak nogo ti, peebi kit at apuri kinonggo mbanak me, kineebe abet aret wokkinaburak aberak logobagip nduk, kwe yiindi aa'nduk pogo mengga kwak, Aberiniki aret yilinogo wokkiragagerak me, Ala nen kit ninom ndak-ndak Keritut eeremenggerak paga aret mondok iya lombok koonogo pinaneegerak me, alut eeko logowok o.

Epetut 1:6

Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.

Epetut 3:21

nit Ala apuri yi awi ndi awi kuwak eerit nogo monggoorak abok aret Keritut Yetut ninom kunik logonet, yogondak inom, peebi inom, at mondok-mondok alut eeko logowok o. Amin!

Pelaareegerak 10:15

Togop aret kwe, at Aliku ALA nen kit kinombomini nogo inabuwa nggwok lombok mba'nuk iniki kunik aganake nagagerik, aakumi inanebunu andorogon wonogwe iigak, inombowologwe kit mban miirogo pinagareegerak yogondak wonogwe kit yi aret o.

Pelaareegerak 18:2

Ineyate kwak kologo logorak ti, at Aliku ALA nen wone abuk nggaruk togon koonogo yoragagerak nogo ndak-ndak at Aliku ALA eebe unde ti aret me, it inoreewi ineyate nggween kologwe time inom kologo logorak lek o.

Pelaareegerak 4:20

Kit perak, yate iniki kunik mengga kwak, at Ala apuri iniki kunik lombok logomunggup nduk, at Aliku ALA nen kit o Metit paga mbuti kani worako mengga kwak worakkinakwi me, wokkiren wundi wagagerak yogondak wonogwe yi aret o.

Pelaareegerak 7:6

Aakumi inanebunu lombok o nggween paga yime menggaarak abok aret wonogwe iigak, at Aliku kinogoba Ala nen kinalik aret iniki kundugu logobagip nduk, miirogo pinagareegerak me, kit at Aliku kinogoba Ala apuri ake leenak aret ogotik o.

Pilipi 3:14

Keritut Yetut eereegerak paga at Ala nimbirak mbogut paga logokit nduk, yonggo paneegerak nogo mban nengga loolo agago punuk, mbe agan mugurok nage agarik o.

Kolote 1:13

At o apit aago unde menggim nit keele maarak negen wonogwe me, Ala nen ninagap ndarogo at aput iniki kunik nogo abu'me pinani nage mbareegi,

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

1 Peterut 1:2

At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

1 Peterut 4:11

Yi eekak ndi eekak eeko logonet, ninowe Yetut Keritut eereegerak paga at Ala endage tiyak yuwak nduk, kit ambi nen Ala wone yoroorak mbakwi kenok, Ala ari menggerak wone nogo aret yorogwe, ndi, ambi nen aakumi yeenggwaarogo logorak mbakwi kenok ti, Ala omaawi eeppinagage kagak yeenggwaaranet nogwe, eeko logonip o. At Ala ti, abu tiyanak mondok-mondok ayuk warak logowak o. Amin!

Wayu 1:6

“An kinowe endagembogut aret o,” yinuk, abu'me pinanege, at ogoba Ala unde logonet ake eeko logowok nduk, leenogo mippinanege, eereegerak me, nit yi abok aret at endage mban tiyappugwi, abu'me tebe yinuk, at oone mban konengggwi, mondok-mondok eeko logowok o, yinuk, amin!

Wayu 20:6

It inaa'nduk ineenik agago mippiyamenggerak nogo, maluk eeka'lek Ala ake leenak logonet, iniki ale'nggen nggwok aret logogun o. It aa'nduk muk kambeegwaarak me, peebi kambugun lek o. It ti, Ala unde a'nuk, Keritut Ala imbirak inake eerit nugwi, ndi, Keritut inom tiyanak logonet, wone lengganogo yorogwe, eekwi iigak, tahun seribu aret age kagarak.

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.