1 Peterut 2:5 - Ala Wone Peenok Peebi Mbanak

^5-6 Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

1 Peterut 2:5 ပူးပေါင်းရင်းမြစ်များ

1 Endagembogut 7:11

Ndi, ogowa pugu irimbaga ti, yugum abu omaawi mendek abo mbaniyak yugu ndak-ndak mbanak inom, eyo nggabina poorak inom, nogo paga wureegerak.

Ndawi 141:2

Obari abe kaga kani kunggwi iinok, Kale'nggen mbake menggen kwak, An tamban eeke nogo ti, karuk konengge, O kiyoma age paga ndomba warogo kani kunggwi iinok, wagangge menggen kwak, Neenggi nippunuk yokkege nogo liippanege, Eerumunggun o.

Ndawi 50:14

Wa! yo'nogo logonet nake warogo wo'nugwi, An yogop eeke logogin o, yinuk, Kumbuk mbanogo an Mondok Tiyanak Minggirak yo'nogo monggotak nogo, A'me lik togon eekwi, Ti mban eeko logonip o.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Wundeegwaarak 19:6

it mban an inowe nendagembogut nabu'me logonet, neebe unde logowak nduk, miirogo piige, an napuri maluk eeka'lek nake leenak logowak nduk leenogo piige, eerigin me, wone yi abok aret aakumi Iterali mendek yora wambu o,” yinuk, yoreegerak.

Kini Wuppiige 9:1

Iniki warak nen awi wukkolage logonet, eyo 7 loonak paga o eyak mippunuk wureegerak.

Yetaya 61:6

“Aliku ALA unde it yi aret o,” yinuk, yokkirogwe, “Ninogoba Ala ayeloman mini yi aret o,” yinuk, yokkirogwe, Eeko logogun o. Yi aakumi ndi aakumi inamindik-inamendek nunggwi, It inamindik-inamendek wokkirogwe ti paga kinale'nggen ambik mbakwi, Eeko logomunggup o.

Yetaya 66:21

it inenggela'me nen ando an neebe unde logowak nduk leenogo piige, ando inanebunu Lewi mendek logowak nduk leenogo piige, eerigin o,” yinuk, Aliku ALA nen aret yegerak o.

Oteya 14:2

Kit Iterali mendek yi wae. Kit maluk lombok eeko monggotak ti paga nggelenogo pateegutak me, Kinomaluk mbo punuk kiniyokan yungguninuk kinogoba Aliku Ala owagam wa'nip o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

1 Korindut 3:16

Kit Ala apuri kineebe lambuk togon ti, Ala awi wurik aret me, Aberiniki kinenggela'me kinom wonage nogo kineenggo'lek a?

1 Korindut 3:9

Nit Ala ninom kunik logonet, eeko monggoorak me, Ala eyabu aago inom, at awi wurik inom, ti kit kineebe aret ogotik o.

1 Korindut 6:19

Kit kineebe ti, Aberiniki awi wurik wonage nogo kineenggo'lek a? At Ala nen onggo nggwok paga kinonggo mbangge nagagerik, Aberiniki wokkiragagerak kinikime wonage me, kit kineebe ti, kit unde lek o. At Ala aret unde me, at endage tiyak yuwak nduk, kineebe paga obeelom mban eeko logonip o.

Nggalatiya 6:10

It yi aakumi ndi aakumi abok aret obeelom eeppiyoorak, “Nanonggwan aga o,” yinuk, obeelom eeppiinet nogo logonet kwe, it ninom ndak-ndak abet mbakwi kenok perak, logorogon obeelom eeppiyoorak mondok aberak aret logonip o.

Pelaareegerak 18:2

Ineyate kwak kologo logorak ti, at Aliku ALA nen wone abuk nggaruk togon koonogo yoragagerak nogo ndak-ndak at Aliku ALA eebe unde ti aret me, it inoreewi ineyate nggween kologwe time inom kologo logorak lek o.

Pilipi 2:17

Kit abet mba'nuk kineebe apit Ala wogo'nuk, at ake eerit nogwe nogo ti, Ala ake warogo wogogo mengga kwak aret me, ambinom eerit nogo logobagip nduk, kinake eeke neegak, ndomba warak amiya obaga kilippogo mengga kwak, “An yogondak togop eeppaniyak op aret,” mba'nuk, niniki ale'nggen mbake me, kit togon kiniki ale'nggen mbako logonip o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

Kolote 3:17

Keritut kinabuwa nen kinake eeke menggerak me, kinogoba Ala, “Wa,” yinuk, keyage wako logonet, kinoone yogo monggotak inom, eerit nogo monggotak inom, abok aret ninowe Yetut endage tiyak yuwak nduk mban eerit nogo logonip o.

1 Timotiyut 3:15

ambi yiluk ari kagak eerukwak, Ala apuri inenggela'me logonet, nonggop eerit nege logorak keenu a'nok nduk, liiru yi mbanggege agarik o. Wone Ala ari menggerak wone o eyak nu'lek wuraberak ti, Ala mondok eenik menggerak apuri kuwak eeko menggaarak nogo aret.

Iberani 3:6

Keritut perak, ogoba Ala awi wurik unde aput at aret me, togop aret ko'lu-kii'me eeke menggerak. Ndi, nit perak, nit niniki lunik ale'nggen mbakwi nogo, “Abet aret ee'ninabi woraagin o,” yinuk, at woroorak tokkogo logonet, mbo pega'lek mondok nu'lek porogo wonogwe niinok, Ala awi wurik ti, nit nineebe aret mbaruwok o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

1 Peterut 4:11

Yi eekak ndi eekak eeko logonet, ninowe Yetut Keritut eereegerak paga at Ala endage tiyak yuwak nduk, kit ambi nen Ala wone yoroorak mbakwi kenok, Ala ari menggerak wone nogo aret yorogwe, ndi, ambi nen aakumi yeenggwaarogo logorak mbakwi kenok ti, Ala omaawi eeppinagage kagak yeenggwaaranet nogwe, eeko logonip o. At Ala ti, abu tiyanak mondok-mondok ayuk warak logowak o. Amin!

1 Peterut 4:17

At Ala nen ari logonet, “It aakumi iniki abe koonak nogo aaninggin eeppiinet unggwogwe iigak inagap ndarigin me, It an noone konengga'lek maluk mban eerit nogwe nogo perak, nonggop togon eeppiyaagin mbakop?” yinuk, yereegerak ndak-ndak, at Ala nen nit yi aap ndi aap abok aret ninawone mbanogo ninowak loonninaburak eyom abu panggo yi wagaarak me, nit Ala apuri aa'nduk ninawone mbambunuk, at oone yugu ndak-ndak eeka'lek logomonggoorak kenok, onggo eeppinanigin me, it Ala wone obeelom wone nogo mondok wagangga'lek iinok ti, inawone mbangga'lek teppiyaagin mbakop? Lek o. Inawone abu mbanogo punuk, mondok alik negen eeppiyaagin o.

Wayu 1:6

“An kinowe endagembogut aret o,” yinuk, abu'me pinanege, at ogoba Ala unde logonet ake eeko logowok nduk, leenogo mippinanege, eereegerak me, nit yi abok aret at endage mban tiyappugwi, abu'me tebe yinuk, at oone mban konengggwi, mondok-mondok eeko logowok o, yinuk, amin!

Wayu 20:6

It inaa'nduk ineenik agago mippiyamenggerak nogo, maluk eeka'lek Ala ake leenak logonet, iniki ale'nggen nggwok aret logogun o. It aa'nduk muk kambeegwaarak me, peebi kambugun lek o. It ti, Ala unde a'nuk, Keritut Ala imbirak inake eerit nugwi, ndi, Keritut inom tiyanak logonet, wone lengganogo yorogwe, eekwi iigak, tahun seribu aret age kagarak.

Wayu 3:12

It Ala wone mbo pega'lek liirogon porogo wonogwe me, an wage logominggirik, o omaawi logowak nduk, tiru oolo yinggo mengga kwak, it aakumi ti, Ala awi wurik me togop aret mippiinok, an nogoba Ala endage inom, Ala awi wurik o kota Yerutalem ngget mendek nogoba Ala mbogut paga nen wuppi woraagin nogo endage inom, ndi, an nendage ngget toonak nogo inom, inalitak lombok inoba liiru mbanogo piyaminggirak wonogwe me, it peebi time nen wundi nagun abu lek o.