1 Peterut 2:25 - Ala Wone Peenok Peebi Mbanak

²⁵ Kit aa'nduk ndomba kobak aago kwak ugun nugu nogogutak kwe, yogondak nen at kinarum wake, ndegengginake, eeka nogo abu'me logobagip nduk, ka wogogutak o.

1 Peterut 2:25 ပူးပေါင်းရင်းမြစ်များ

Ndawi 119:176

Ndomba kobak a'nuk tu nomoninuk nogo mengga kwak, An togop aret ee'nakerak kwe, Koone, “Yogop ee'nu ndogop ee'nu,” yugu nogo An nami ageelik porogo minggirak me, An kayeloman yi, kwaa'nabi mok o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Yetaya 13:14

Ti eeke neenok, nggwiya muguren-magaren nugwi kwak, Ndomba ndegeninaka'lek inalik wonogwe kwak, It aakumi togop aret inalitak lombok inowe-inawot wonogwe me iniyokan iya wogwe, Inalitik-inalitak inawi alom paga mbaganit wogwe, Eerugun o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 53:5

Nit wone yugu taganogo pereegurak paga awinde-obaande eerogo pugwi, Nit maluk eereegurak paga at ndanuk togon wakwi, Eereegwaarak. Nit ninobaabut koonogo pinaniyak nduk yawi ninoorukwak ninobaane'me at aret wakwi, At awinde-obaande eerogo pereegwaarak paga nit nineebe obeelom eerogo pinanuwak nduk, at eeppugwi, Eereegwaarak.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Yeremiya 23:2

Iterali inogoba Aliku ALA nen it aap at apuri ndegeninaka yoroorak mbakerak nogo yi aret. Aliku ALA nen ari logonet, “It an nandomba liirogon ndegeninaka'lek wumbiigwi, mak eerogo piigwi, eekaarak me, maluk eekaarak onggo aaninggin inoba kwippiyaagin o,” yinuk, yegerak me, yokkiragi o.

Yetikiyen 34:6

Puut teberogon paga inom, puut nggorek paga inom, an nandomba kobak eerak logonet, nugu agaarik o. O nggween paga abok aret nandomba mak eerak nugwi iigak, aap ambi nen maloppiinet nege, kwaarinabit nege, eeka'lek aret wonage agaarik o.

Yetikiyen 37:24

Nayeloman Ndawut nogo inowe endagembogut a'nuk, wone lengganogo yorage logogin me, ndomba ndegeninaka kwak, it abok aret ndegeninaka ambiret aret arigin o. At ndegeninake kagak eeko logorak wone an yorage minggirak nogo ndak-ndak mugurok nogwe, ndi, wone lengganogo yorage minggirak nogo pippunuk, liirogon eekwi, eeko logogun o.

Takariya 13:7

At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.

Matiyut 18:12

Kit nonggop mbako ogotik? Aap ambi andomba ineebe 100 wonage kwe, ambiret kobak age kenok, ndomba ando 99 nogo, elan me iri'ngga nenet nunggwi iigak, ambiret kobak aremenggerak nogo, kwaari nagin lek mbakop? Lek o. Kwaari nagin aret o.

Matiyut 9:36

Eerit nege logonet, ndomba ndegeninaka eebe lek me, mbaganit nogo logonet, ineeruwak yini'nggin-piini'nggin aago tat warit nogo mengga kwak, it aakumi ambik at mugurok nugwi nogo togop aret aago enegen iige nagagerik, inabuwa lombok mbareegerak.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Iberani 13:20

Ndi, yogondak abu aret o, noreewi. Nit niniki ugun tayenak ale'nggen logowok nduk eeppinanege menggerak Ala nogo nen wone koonogo yo'niragagerak nogo, “Mondok-mondok eerigin o,” yinuk, abet mbako logowok nduk, ndomba mondok liirogon ndegenninake menggerak ninowe Yetut nogo, ninake amiya kili'nage mbareegi, kambunuk nogo menggam nen eenik agago mippereegerak me,

Iberani 3:1

Togop me noreewi o. At mbogut paga menggerak nogo nen kinayonggo pege nagagerik, at apuri leenogo pinagareegerak me, nit wone abet mba'nuk, mugurok nogwe niigak, Ala unde ninowe nggwok logonet ninake eeke logowak nduk, nappi wagagerak Yetut nogo, liippogo logowok o.

Iberani 5:2

At aap ti, aap nggween paga mendek maluk eeke menggerak aret me, aakumi Ala wone liippega'lek nomo agan nogo logonet, maluk eekwi iinok, inabuwa mba'nuk, inake yanggorogon eeke menggerak.

1 Peterut 3:20

Obeelom wone yora nagagerak nogo ti, aap Nu nen maan aa'nduk it aakumi Ala wone yorage kagak, taganogo mbo pogo mbareegwa, Ala nen, “Mbet-mbet inoorikit,” mbareegerak kwe, aap Nu nogo o awo wuke kenok, iniki yanggo yinuk, tokkage kagak, o nogo wuke mbareegi, aap Nu apuri inom ineebe 8 mban unggwogogwaarak nogo, niyo nen wogoren laganeegerak paga inagap ndake logonet, it ando apit niyo ndonggoninabeegerak inogoma keele maarak o apit me wonogwe me, wone obeelom wone yora nagagerak nogo it aret o.

1 Peterut 5:4

Togop eekwi kiinok, nit ndomba ndegenninaka ninowe nogo, peebi wage logonet, “Kit abu obeelom eeko nogotak o,” yinuk, kinenggare-nggare mendaarak kiik ariyak lek mondok laambu logorak mendek yirippinagi woraagin o.