1 Peterut 2:24 - Ala Wone Peenok Peebi Mbanak

²⁴ It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.

1 Peterut 2:24 ပူးပေါင်းရင်းမြစ်များ

Wakkagagerak 22:6

Yorage nagagerik, at Abarakam nen Ala ake warogo kani kuniyak nduk, kani nggaganak nogo waganogo Itak uum paga pege nagagerik, at kani kunik inom, waruk inom, wonok imbirak aret nogogwaarak.

Ndawi 147:3

Iniki wakkologwe nogo obeelom eerogo piige, Inawin kunik nogo nggerenogo piige, Eeke agaarik o.

Ndawi 38:4

“Maluk nonggop eeki?” yinuk, Koonit unggwage paga niniki ndugu agan wangge, Yi mendek ndi mendek aaninggin me, Piyakkoorak meek kogwe nogo kwak ee'nake,

Wundeegwaarak 28:38

Meeli tabak negen nogo ti, Karun enggaawak paga pugunogo pemenggerak wonage me, aakumi Iterali maluk eeppunuk, nano mendek leenogo nake wo'niri wogwe iinok, at Karun nen owak loonogo Naliku an ALA wo'nege kenok, wagangge logokit nduk, mondok-mondok enggaawak paga pugunik aret logowak o.

Kini Wuppiige 20:30

Inamiya timbo eerogo piigwi paga maluk ambinom eeriyak inagabiti eerogo piigwi, Ndi, yawi inookwi paga inikime lombok koonggwi nogo kinogo wumbiigwi, Eeko menggaarak.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Ala Unde 16:22

Wogoge kenok, it aakumi Iterali mendek inomaluk nogo abok aret kambin nogo nen piyaninuk, aakumi lek me karume time wondet agago mbo puwak nduk, kambin ti wonok karume time pi nawak o.

Ala Unde 22:9

It aap ti, an nake eeko logowak o, yinuk, leenogo piige minggirak Naliku ALA an aret me, it aap an neebe unde nogo, Eeko logonip o, yinuk, yorage yi, Meek, mbako logonet, taganogo punuk, maluk eekwi iinok, inagap mbugunggolamenggaarak kambukwak, eeko logorak yagarak ti porogo logonet, liirogon aret eerit nogo logowak o.

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.

Linggineegwaarak 18:22

Togop me, yogondak kuli nen it aakumi Iterali mendek an ninom lambungge minggim nawooliya wurik me time koorok panggo yi wogwe iinok, ti inobaalombok maluk aret eekkolamenggaarak me, kanggwi iyo, woroorak mondok mage o.

Matiyut 27:26

Yogo mbareegwa, at Mbarabat nogo keele piinogo teppereegerak kwe, Yetut perak, ya'mbiran wappunuk, eyo karo-karo paga nabenogo puwak nduk, wogoragagerak.

Matiyut 5:20

It Ala wone liiru mbanak unde inom, aap Pariti mendek inom, obeelom eeko menggaarak ti, kit togop ndak-ndak mban eekwi kiinok, at mbogut paga mendek abu'me piige menggim unggwi namunggup lek o. Ata, it mbuuluk negen eeko menggaarak kagak, kit nggwok togon eekwi kiinok perak, unggwi noorak op aret yokkiragi o,” yoragagerak.

Matiyut 8:17

Ti eereegerak nogo ti, at Ala nen yoge kagak yoraga Yetaya nen ari logonet, “At nen andi-pandi ee'ninake nogo wagangge, Ndi, kugi andi lombok ee'ninake nogo lek eerogo pinanege, Eereegerak o,” yinuk, yoragagerak nogo, a'me lik yuwak nduk, aakumi obeelom aganake nagagerak.

Marakut 15:15

Inoone nggwok paga yogo mbareegwa, at Pilatut nogo nen it aakumi kuwak aago nogo iniki yanggo yuwak nduk, Mbarabat nogo keele piinogo teppege nagagerik, at Yetut ti, ya'mbiran nggora eerogo wappunuk, eyo paga nabenogo puwak nduk wogoragagerak.

Lukat 4:18

“It aakumi tebenogo piinok wonogwe nogo wone obeelom wone yorage logokit nduk, amburu eerogo mippaneegerak me, Nogoba Ala Aberiniki noba panegerak wonage agaarik o. It aakumi keele maarak wonogwe nogo, Muk wondet eerogo pinagagerak o, yinuk, yorage, Inigen mbuk nogo, Kinigen obeelom eekkinaburak op aret o, yinuk, yoranet nage, It aakumi tebembiirogo wonogwe nogo wondet eerogo piige,

Yaya 1:29

Nogo yinuk, ko'lu Yetut nogo, at Yaya owagam wage enegen kage nagagerik, it aakumi yorage logonet, “Aakumi nggween paga yime menggaarak inomaluk lek agago piige menggerak Ala andomba nogo wage yi kaanip o.

Yaya 19:1

Wone ti yogo mbareegwa, Yetut yawi waruwak nduk, Pilatut nen it aap yigin unde nogo wogoragagerak.

Nappiigak 10:35

Nit yi aakumi ndi aakumi abok nen at paga ninagabiti mbako logonet, obeelom mban eekwi niinok, at Ala inikilom ninombake menggerak o.

Nappiigak 10:39

Ndi, it aakumi Yakuri iname time inom, o Yerutalem inom, eeginabit nege nagagerak nogo abok aret ninigen kenok, yokkirogo ogoorik o. At Yetut nogo eyo karo-karo paga nabenogo wareegwaarak kambeegerak kwe,

Nappiigak 13:29

Ndi, Togop eeppugun o, yinuk, yogo nogogwaarak liiru mbaneegwaarak nogo ndak-ndak eeppogo mbareegwa, eyo karo-karo aago paga nabenogo pereegwaarak nogo piinogo wuppi wogo nogogwaarik, kanggwi iinok, piigo menggam ndoome nogome mambereegwaarak.

Nappiigak 5:30

Yetut eyo paga nabenogo wakotak nogo ninombomini inogoba Ala nen kanggo menggam nen eenik agago mippegerak o.

Oroma 6:11

Ti eereegerak ndak-ndak nit kunduk, maluk eeriyak mban ee'ninake nogo, ee'ninakak mban eeke kero, kambeegurak me, Ala yo'nirage kenok mban eeko logowok nduk, Keritut Yetut ninom kunik logonet, nineenik ogogurak mbako logowok o.

Oroma 6:13

Ndi, “Maluk eeriyak ee'ninake nogo, nineenggi-niniyok paga eeriyak op aret o,” yinuk, wondet agago mbo pugup o. Ata, aakumi kanggaatak ineenik agago mippiigo mengga kwak, kit togop aret ogogutak me, obeelom mban eerit nogo logobagip nduk, kineenggi-kiniyok abok aret Ala mban wogo'nuk logonip o.

Oroma 6:16

Wulaga ambi, “Nogoba nen yo'nege kenok, eeke logokit,” mbake nagaatik, yanggonak mban eerit nage paga, “Wulaga ti, aap nogo ayeloman aret kogo o,” yinuk, yogo menggaarak kineenggo'lek me, yogo ogotik? Ti ndak-ndak, maluk eeriyak eekkinake kenok, tebenogo pega'lek, “Eerikit aret,” mba'nuk, eerit nogotak-nogotak irip paga kineebe aret kambit nogo logomonggotak kwe, Ala nen ari kenok, “Eerikit,” mba'nuk eerit nogwe kiinok perak, obeelom aret agago pinagage kaamunggup o.

Oroma 6:2

Mondok lek o. Nit maluk eeko nogogurak nogo ambinom eeriyak mban ee'ninake kero, aakumi kanggwi kwak lek agagerak kagak, nonggop togon maluk mban eerit nogo logorak mbakop?

Oroma 6:22

Ndi, yogondak perak, kit maluk ayeloman wonogwe kiinok, Ala nen wondet eerogo pinagage nagagerik, at ayeloman logobagip nduk, eerogo pinagareegerak paga eyo anggen yi'nage menggi kwak, at nen leenogo pinagareegerak me, at ake eerit nogo logonet, irip paga kineenik mondok logorak mendek kologo logomunggup o.

Oroma 6:7

Aap ambi eenik kagak, iniki maan mendek nen maluk eerikit nduk koongge menggerak kwe, kangge kenok perak, iniki togop koonggeelik o.

Oroma 7:6

Ala nen Muta wone yoreegerak nogo eeko logowok nduk, keele maarak negen wonogogurak kwe, Keritut ninom kambeegurak nogo paga piinogo pinaneegerak me, Ala ake eeko logonet, nit aa'nduk Ala wone yugu liiru mbanak kenok mban eeko nogogurak nogo ti, eekulik o. Ata, nit yogondak niniki ngget mendek paga Aberiniki nen yo'nirage kagak Ala ake eeko ogoorik o.

1 Korindut 15:3

Togop me, an wone waganeegirak kit mondok iya mbarubagip nduk yokkirage nagagirak nogo eebe yi o. Ala wone liiru mbanak ndak-ndak, nit maluk eekwi niinok, at Keritut ninake aret kambeegerak.

Nggalatiya 3:13

Ndi, Ala wone mbanak paga nen ari logonet, “Aap ambi warogo eebe eyo karo-karo paga tugunogo pugwi kenok ti, Ala nen pulunogo pege menggerak o,” yinuk, yereegerak liiru mbanak ndak-ndak, wone Muta yoreegerak kagak alik eeko nogogurak ti paga, nit togon kambuwok nduk, pulunik aret wonogogurak kwe, lek aruwak nduk, Keritut ninobaane'me pulunogo pege mbareegi, eyo karo-karo paga tugunogo pereegwaarak ti paga, ninonggo mbambunuk, wondet eerogo pinaneegerak wonogo ogoorik o.

Epetut 5:9

It eya paga logonet eerit nogo menggaarak anggen yugu nogo ti, aakumi obeelom eeppiinet nugwi, maluk eeka'lek Ala ari menggerak nogo ndak-ndak eerit nugwi, iniki mbere lek ambit logonet, inoone abet mban agan nugwi, eeko menggaarak me,

Kolote 2:20

Kit Keritut kinom kunik logonet, kanggo mbareegup, yi kugi ndi kugi inayuk wuko logonet, inoone konenggo nogogutak nogo tebembiinok, wondet eerogo pinagareegerak kagak, nonggop nduk, wondet eerogo pinagulik inoone awo konenggwi negen eekko'net nogo ogotik?

Iberani 10:10

Yetut Keritut nogo nen at Ala eeriyak iniki mbareegerak nogo ndak-ndak aret eeke logonet, ninake kambikit nduk, at eebe ne ambit aret Ala wogoreegerak ti paga, ninomaluk mondok lek eerogo punuk, obeelom agago pinanege nagagerik, nineebe Ala ake leenogo pinaneegerak.

Iberani 10:5

Togop me, Keritut nggween paga wambi woraakit nduk, at ogoba Ala yoge logonet, “Kat kake warogo wokkugwi inom, yi mendek ndi mendek kat kake pugwi inom, Kat keebi mbake logonet, an neebe aakumi ineebe kwak agago panenok nduk, punogo paneegindak o.

Iberani 12:13

kiniyok andi nogo abunuk andi eekkinake kero, obeelom aruwak nduk, tu abe mot-mot yarak paga nogo logonip o.

Iberani 7:26

Ala unde ninowe nggwok ninake eeke logonet, obeelom eerogo pinanuwak nduk mippuurak agagerak nogo ti, Keritut aret o. It aakumi maluk eekwi inenggela'me nege nagagerak kwe, at maluk ambi eeke, ndi, aakumi inoone at oba pugwi, eeka'lek mbareegi, mbogut ta'mban-mban aago kagak, irimbaga tiyarogon kwippi laganeegerak. Kwippi lagangge mbareegi, at maluk eeka'lek mondok obeelom ake leenak aret me, nit aakumi ninabuwa nen ninake eeke wonage o.

Iberani 9:28

Keritut kunduk, nit yi aakumi ndi aakumi abok ninomaluk lek eerogo pikit nduk, wage nagagerik, ne ambit paga ninake kambeegerak me, peebi wage logomenggerik perak, ninomaluk lek eerogo pinanikit nduk, woraagin lek o. Ata, nit abok at woraawak nduk, tokkogwe nogo ninagap ndarogo wo'niren naakit nduk woraagin o.

Yakobut 5:16

Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.

1 Yaya 2:29

At Keritut ti, abe koonak mban eeke menggerak kineenu me, it aap obeelom eeko menggaarak nogo, “Yi at Ala nen aret ndaganabeegerak kagi o,” yinuk, abet aret mbarumunggup o.

1 Yaya 3:7

Napuri niniki kunik yi, wae. It aakumi ugun nen kit nomonggiren nogwe iyo, liippogo logonip o. Aap ambi maluk eeka'lek obeelom mban eeke kenok, at Keritut maluk eekeelik mondok obeelom mban wonage nogo pogom aret menggerak o.