1 Peterut 2:20 - Ala Wone Peenok Peebi Mbanak

²⁰ Kit maluk eerumonggotak paga kinookwi iigak, kinoone lek puk wonogwe kiinok, aakumi nen kinaana'le mbaniyak op mbakop? Lek o. Maluk eekotak paga kinookwi me, “Op aret inooka,” kinombarugun kwe, kit obeelom eerit nogwe paga kinookwi iigak, kinoone lek logonet waganggwi kiinok perak, Ala kinabuwa mba'nuk, ale'nggen kinoba pinagage kaamunggup o.

1 Peterut 2:20 ပူးပေါင်းရင်းမြစ်များ

Matiyut 26:67

Yogo nogogwaarik, woori enete me lenggenggogwe, ineenggi lingginik paga wakwi, ndi, ando ineenggi telak wakwi, eeko logonet,

Matiyut 5:47

Ndi, kit kinoreewi mban keyage warogo wogonakwi kiinok, it aakumi endekem konenggulik mendek inom, yi aakumi ndi aakumi inom, abok aret it mendek mban inom kunik eeko menggaarak nogo ndak-ndak eekwi me, Nit iya, mbariyak lek o.

Marakut 14:65

Yogo nogogwaarik, it ando nogo nen woori oba lenggenggogwe, enegen nobappunuk ineenggi lingginik paga wakwi, eeko logonet, “Ta nen kooke kagan? Yu nda!” yinuk, yogo mbareegwa, it aap Ala unde inowe nggwok ayeloman mini nogo nen kunduk, ineenggi telak paga wareegwaarak.

Lukat 6:32

It aap maluk eeka nogo nen it iniki kunik eeginakwi iinok mban iniki kunik eeginako menggaarak me, it iniki kunik eekkinakwi ti mban kiniki kunik eeginakwi kiinok, onggo koloorak mbakop?

1 Korindut 4:11

O maan nen yogondak kuli nit nggween paga yayi wonogo logonet, ninagi-ninambi abu ee'ninake, ninayum nibi-nibi aago kagak nugwi, yawi ninookwi, ninawi wurik lek me ugun ambime nogo yegak eerit nugwi, eerit nugu ogoorik o.

Nggalatiya 4:18

“Obeelom eeriyak mendek yi, ninom eeruwok,” yinuk, iniki aganggen kerek togon aakumi wogonabit wogwe ti, op aret kwe, an neebe lek neegak mban wogonabit wogwe ti mage o. Ata, neebe kinenggela'me wonage neegak wogonabit woroorak togon op mban aret o.

Epetut 5:10

kit nen, “An eeke yi, Ala inikilom mbake menggerak ndak-ndak aret eeke ilik?” yinuk, liippako logonet, Ala apuri eya paga logonet, eeko mengga kwak, kit togop aret eerit nogo logonip o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

1 Peterut 2:19

Kit maluk eeka'lek kiigak, andi-pandi kinoba pinagagwi iinok, “Ala nen togop eeppinaniyak mbakerak me, op aret eeppinanugwi iigo o,” mba'nuk, waganggwi kiinok, Ala ale'nggen kinoba pinagage kaamunggup o.

1 Peterut 3:14

Togop eekulik kwe, kit obeelom wone yoranet nugwi kiigak andi-pandi eerogo pinagagwi iinok, “Nonggop nduk eeppinanugwi?” yinuk, kinagabiti nen kiniki piirik eerugup o. Ata, “Ala ale'nggen ninoba pinanigin o,” yinuk, kiniki ale'nggen paga waganggo logonip o.

1 Peterut 3:17

Kit maluk eerit nogwe paga andi-pandi kinoba pinagagwi iinok ti, alom kit kinobaalombok eerumonggotak paga eeppinagagun me, ti iya lek o. Ata, Ala iniki mbareegerak paga eerit nogwe kiigak, andi-pandi kinoba pinagagwi iinok ti perak, iya aret o.