1 Peterut 2:12 - Ala Wone Peenok Peebi Mbanak

¹² It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

1 Peterut 2:12 ပူးပေါင်းရင်းမြစ်များ

Ndawi 37:14

It aap aaninggin inoba wonogwe inom, ineenggi lek menggaarak nogo inom, tebenogo piigwi, It iniki koonak nogo inoorogo piigwi, Eeruwok nduk, It aap maluk eeka nen Inawooluwak nggiginogo waganggwi, It ineegin agale wukwi, Eeko menggaarak kwe,

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Ndaniyen 6:4

At Ndaniyen oreewi mbere inawuri inarum waka nogo inom, aap endagembogut awuri yi o ndi nappiyareegerak inom, nogo nen at Ndaniyen endage tiyak ari kenok, aap endagembogut nen yabu eeriyak yoge nogo, eeke logonet maluk ambi eekerak wonage kero, oba lenggeniyak nduk, kwaareegwaarak mendek, lek aret kogogwaarak. At aap endagembogut amendek ambi wagangge lek li'lak mban eeke, Eeriyak, yoge nogo taganogo mbo pege lek ndak-ndak aret eeke, eeke nagagerak me, at maluk eeke ambi kwaakkaga'lek aret wonogogwaarak.

Matiyut 10:25

at wone wagangga ambi nen at wone mamunega nogo imbirak ndak-ndak age kenok perak, op aret o. Ndi, ayeloman nogo nen ogoba nogo imbirak ndak-ndak age kenok ti, op mban o. Aap inowe o unde endage, Mbeletebut o, yogwi iinok, at awuri ti, abunuk yorogo logogun o,” yinuk, yoragagerak.

Matiyut 5:11

Kit awo lek kiigak, it aa'nduk Ala nen yorage kagak yoraga nogo piyak-payak aganako nogogwaarak pogom, kit togon, an wo'nakotak paga aakumi nen miyuk-meya eerogo pinagagwi, piyak-payak eekkinakwi, inoone pilit lombok kinoba pinagagwi, eekwi iinok, kiniki ale'nggen aret mbako logonu o. Kinake aago mbogut paga ambik wonage me, kiniki ale'nggen logonet, keyage wako logonip o,” yinuk, yoragagerak.

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Matiyut 9:8

Ti eereegerak nogo, it aakumi inigen kogo nogogwaarik, inagabiti a'nuk, “Ala nen it aakumi togop eeko logowak nduk, unde eerogo mippiige menggerak me, iya!” yinuk, wogoppereegwaarak.

Lukat 1:68

“Nit aakumi Iterali ninogoba Ala nogo niya wage nagagerik, wondet agago pinaneegerak me, alut eeko logowok o.

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.

Lukat 6:22

It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.

Yaya 13:31

Wundi nage kagak, at Yetut nen it ando nogo yorage logonet, “Wologwe! Yogondak Ala nen an aap aret nda'nagagirak nogo tiyappanigin o. Ndi, an eeke nogo paga Ala kunduk tiyak yigin o.

Nappiigak 15:14

Aa'nduk at Ala nen it aakumi endekem mendek nogo at apuri eerogo piinok endage piyanggo logowak nduk, inabuwa mba'nuk, inenggela'me nen kwaarogo miirinabeegerak wone at Timon nen mbininogo yo'niragaarak o.

Nappiigak 24:13

Ndi, yogondak wone an noba lenggenggwi ti kunduk, alom lek aret me, it yogwe kat abet mbarenok nduk yokkiriyak ti, lek aret kaamunggun o, nogoba.

Nappiigak 25:7

Wonok wage mbareegi, at eebe oolo kagak, it Yakuri Yerutalem nen nogogwaarak nogo, wanggeppunuk logonet, at eereegerak inigen ambi koolik kagak, “Yogop eekerak, ndogop eekerak,” yinuk, wone iya lombok oba lenggenogo pereegwaarak.

Nappiigak 28:22

kit wone yugu mugurok nogo monggotak ti paga aakumi yi awi ndi awi nen abok aret ineebi kinombako menggaarak nineenu me, kat kiniki nonggop mba'nuk ari menggendak nogo, ari keyaawok nduk wogo o,” yinuk, yoreegwaarak.

Oroma 12:17

Maluk onggo-onggo eeko logogup o. Ata, aakumi nen obeelom eeriyak mbakwi nogo mban eeko logonip o.

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 13:7

Kit maluk eeko logokwak nduk, kinake Ala yogo monggoorak. Kit maluk eeka'lek kiinok, “Pawulut awuri wone waganeegwaarak abet aret mugurok nogwe me iya,” yinuk, ninabut mbambunuk, ninabok obeelom mban yuwak nduk, kinake tamban eekwi lek o. Ata, nit ninabok maluk yogwe tit iigak kwe, kagak kit obeelom mban eerit nogo logobagip nduk, kinake tamban eeko monggoorak.

2 Korindut 8:21

Nit ninogoba Ala enegen wonage me nduk mban eekwi lek o. Ata, aakumi inom inigen wonogwe iigak eekwi me, ira naga'lek kagak, nonggop togon eerogo wogora noorak nogo, aa'nduk koonogo pogo ogoorik o.

Epetut 2:3

It Ala wone taganogo punuk, maluk eeko nogogwaarak paga Ala anini inoba piyoorak wonogogwaarak nogo ndak-ndak, nit kunduk, togop aret niniki maan mendek nen yo'nirage kagak niniki nengge kenok mugurok nogwe, maluk eeriyak ee'ninake kenok eerit nogwe, maluk eeriyak mban koonit nugwi, eeko nogogurak paga Ala anini mondok ninoba pinaniyak aret wonogogurak kwe,

Epetut 4:22

“Niniki nengge kenok mugurok nogo nogoorak nogo ti, maluk ee'ninaburak kagak mugurok nogo nogoorak kogo,” yinuk, mamunggologogutak me, kinobaabut maan mendek nogo, nggonenogo mbo punuk,

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Pilipi 4:8

Noreewi o. Wone irip paga ambiriluk yi, yokkira o. Wone abet mban agan nugwi, iya eeriyak kenok mban eerit nugwi, a'me nggelok mban eeppiinet nugwi, kumi inabok yaga'lek wonogwe, kinoone abe kigirikwe mban agan nugwi, “Wone abe yigi,” yuwak nduk agan nugwi, eekwi ti mendek abok aret eekwi kiinok, aakumi nen, “Yi abu obeelom aret eekwi iigo o,” yinuk, tiyappogo logorak aret me, ti mendek mban eeko logobagip nduk, kiniki koonggo logonip o.

1 Timotiyut 2:2

It aap inendagembogut inom, aap yo'nggok abok aret inom, nen ninarum abe wonogwe iigak, niniki warak a'nuk, Ala liirogon mugurok nogo logonet, niniki ugun tayenak ale'nggen logowok nduk, it inake tamban eeke logot o.

1 Timotiyut 4:12

Kat keebe awo tawe aret me nduk, aakumi nen tebenogo pagarak ti mage o. Ari menggendak inom, eeke menggendak inom, aakumi kiniki kunik aganake menggendak inom, Ala wone abet mbake menggendak inom, maluk eerukwak, kenegen tebenak nege menggendak nogo inom, eeke ti paga it aap abet mbako menggaarak kat in wakkagak logonet, eeke logot o.

1 Timotiyut 5:10

“Yi obeelom ndi obeelom eeke menggerak,” yogwe iinok, aagalogwe liirogon tawe eeginaka kenok, aap nggiru inanoniya laka kenok, it Ala apuri ake leenak iniyok koorinaka kenok, it aakumi aaninggin inoba agaatak iniki eyak wappiiga kenok, ndi, yi obeelom ndi obeelom eekwi abok aret, “An unde o,” yinuk, eeke menggerak kenok, endage mbaniyak op kwe,

Iberani 13:18

Ninake tamban mban eeko logonip o. Nit obeelom eerit nogo logorak mban, “Ao,” mbako monggoorak me, yi eekak ndi eekak eeko logonet, maluk eekoorak ambi ninikime abe'naga'lek kenok, “Obeelom aret eerit nogo monggoorak kogo,” yinuk, mbako ogoorik o.

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.

Yakobut 3:13

Kit aap ambi kinenggela'me iniki warak logonet, yi mendek ndi mendek mbet-mbet yelok kage menggerak kenok, aap ti, iniki tebenak logonet, iniki warak nen obeelom eerit nage kinigen kogo logobagip nduk, eerit nage logowak o.

1 Peterut 2:15

It wone lengganogo yokkirogwe nogo ndak-ndak eerit namonggotak paga, aakumi iniki lek we ugun agan nogo menggaarak nogo, at Ala nen, “Inoone taganogo piigo logowak,” kinombareegerak me, kinogobamini nogo nen wone lengganogo yokkirogwe iinok, “E o,” yinuk, konenggo logonip o.

1 Peterut 3:16

Kit Keritut kinom kunik logonet, obeelom eerit nogwe kiigak, it miyuk-meya eerogo pinagagwi nogo nen, kit obeelom mban eerit nogwe paga, “Ia!” yinuk, inagabiti mbarugun me, kiniki maluk ambi abe'naga'lek kiniki obeelom paga kinoone yanggorogon yorogo logonip o.

1 Peterut 4:11

Yi eekak ndi eekak eeko logonet, ninowe Yetut Keritut eereegerak paga at Ala endage tiyak yuwak nduk, kit ambi nen Ala wone yoroorak mbakwi kenok, Ala ari menggerak wone nogo aret yorogwe, ndi, ambi nen aakumi yeenggwaarogo logorak mbakwi kenok ti, Ala omaawi eeppinagage kagak yeenggwaaranet nogwe, eeko logonip o. At Ala ti, abu tiyanak mondok-mondok ayuk warak logowak o. Amin!

2 Peterut 3:11

Yi mendek ndi mendek abok togop aret lek arigin me, nit ninobaabut nonggop logonet eerit nogo logowok mbakop? Lek o. Ninowe wage eyom paga mbogut kani nanet nage, ndi, tut-laaluguragan kani eyak mondok aganggen alik nen amburu tigi-tigi wungge logonet, lek eerogo pege, eerigin me, “Ninowe mbet-mbet woraawak o,” yinuk, tokkogo logonet, nineebe apit Ala ake leenogo punuk, maluk eeka'lek ninobaabut mondok obeelom logonet ninowe mugurok nogo logowok o.

Urut 3:14

Yoge mbareegi, iyok irip me time aret nogo yege nagagerik, aakumi inete liippiyoorak meek, o awo weerikit nduk eeke kagak, at Mbowat nen yoge logonet, “Kwe ambi waabuk negen jelai anggen menenggo menggam wagaarak ineenu arukwak, aakumi abu yoroobok o.”