1 Peterut 2:1 - Ala Wone Peenok Peebi Mbanak

¹ Ti kenok, kit pilit wone yogo monggotak inom, kinikime alik eeriyak mbako logonet, agan nugu monggotak inom, “An eerikit lak at mban eeke yi, neebi a,” yinuk, yogo monggotak inom, nabok-kabok yogo monggotak inom, yi maluk ndi maluk ti mendek abok aret mbo pogo logonip o.

1 Peterut 2:1 ပူးပေါင်းရင်းမြစ်များ

Ayup 36:13

It aap Ala ineebi mbaka nogo nen inanini mban mbarit nugwi, Mbuti keele paga maarogo mambiigetak kwe, It nen, Yeenggwa niraanip o, yinuk, yoraga'lek aret wonogwe,

Ndawi 32:2

It aap inomaluk mbo pereegwaarak nogo Aliku ALA nen eenggi lingginggeelik kenok, Iniki mbere lek ambit eeppunuk wonogwe iige kenok, Inale'nggen aret mbako logowak o.

Ndawi 34:13

Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakwi,

Ndawi 37:1

Mbaa'mbuk ndoonak tebat arit nage, Iri'ngga-kale'ngga mbet-mbet mbuk age, Eeke menggi kwak, Aap maluk eeka ti, togop aret aganake menggerak me, It maluk eerit nugwi paga kinanini age, It wone taganogo punuk eekwi ti, “An eerikit lak it mban eekwi yi ao!” Yinuk, kineebi inombakwi, Eerugup o.

Kini Wuppiige 14:30

Aap iniki ugun tayenak wonage paga eebe omaawi aret eerogo pege menggerak kwe, Aap ambi eeke paga, “An togon eerikit lak, at mban eeke, ao,” mbarit unggwage paga perak, owa'na nenet unggwage menggerak.

Kini Wuppiige 24:1

It aap maluk mendek ti, aakumi inanini paga eeppiinet noorak mban iniki koonggwi, Ndi, aap aaninggin eeppiyoorak mban inoone agan nugwi, Eeko menggaarak me, “Aap maluk mendek eerit nugwi ti, an togon ambi eerikit lak, it mban eekwi, ao,” yinuk, kanini inombake, Ndi, “It ninom kunggolaakit lak ao,” mbake, Eeriyak mage o.

Kini Wuppiige 24:19

O age yobok paga aap maluk mendek ambi koloorak iniki lunik lek andi wuninik nogo nogonogo pigin me, It aap maluk eekwi iinok, kanini inombake, It maluk eerit nugwi ti, “An togon eerikit lak ao,” yinuk, kiniki laakot inombake, Eeriyak mage o.

Kini Wuppiige 3:31

It aap ineraambe nggolawe iinok, Aliku ALA eebi lombok inombake, Ndi, it aap iniki koonak iinok perak, at iniki kunik lombok eeginake, Eeke menggerak me, Aap inogogun worokot logonet, inamendek abe kenok, “An ambi kolaakit lak it mban kologwe yi, ao,” yinuk, keebi inombake, It eerit nugwi nogo, “Eeke logokit o,” yinuk miike, Eeriyak mage o.

Yetaya 2:20

Ne ti eyom paga mbuti perak paga, emas paga, inagugiwak ogobakkigippunuk ayuk wukwi nogo, Eraangge mbo pemenggaarak me, ambeya inom, ngguundi inom, inake aret arigin o.

Yetaya 30:22

Kinagugiwak mbuti perak paga nabenak inom, kugi ogut ogobakkigirik mbuti emas paga nabenak inom, “Yi maluk ogole warak aret,” mbakwi, ndi, kumi tut kagaatak inayum paga lenggenak mbo pogo mengga kwak, “Kugiwak inom, kugi inogut inom, yi, yayi logorak lek o,” yinuk, mbo wumbugwi, eeko logomunggup o.

Matiyut 15:7

Kit kiniki laakot logonet yogo monggotak yi wae. Ala nen yoge kagak yoraga Yetaya nen ari logonet,

Matiyut 23:28

It aakumi nen kineebe pekkiigo logonet, Aap obeelom, kinombakwi kwe, kiniki laakot logonet, eeko monggotak inom, yi maluk ndi maluk eeko monggotak inom, kinikime yagabit aago wonage kagi o,” yinuk, yoragagerak.

Matiyut 24:51

ayeloman nogo eebe nibik-nobak eerogo it aakumi iniki laakot logonet, eeko menggaarak piige menggim nogome mambemenggerak logonet, leenggu maake, eyak nggilik maake, eeke logogin mbaki o,” yinuk, yoragagerak.

Matiyut 7:5

Aap pilit pugungga kit aret o. Eyo obate mbanak kinigen me milinik wonage nogo, aa'nduk mbo nappunuk, kinore enegen anggup worekkoorak tena'me kaamunggup o.

Marakut 12:15

Teppuurak op a, mage a?” Yogo mbareegwa, it iniki laakot logonet yogwi yelok iige nagagerik, it yorage logonet, “Kit nonggop nduk, At yemenggerak paga yilinogo puwok, mba'nuk yo'nogo ogotik o? Mbuti wu nenegen kaakit nduk wo'niri woraanip o.”

Lukat 11:44

It aakumi kanggaatak inowak paga mbaka'lek iniyok ugun aan lebenogo pit nogo mengga kwak, kit aret me, kinabuwa!”

Lukat 12:1

Wone ti yorage wonage kagak, it aakumi ineenggi lingginiyak abu meek ribu-ribu aret kuwak eeppunuk, inobogom nen taga'mbit eerogo piigwi iigak, at Yetut nen at oone waganggwi mendek inaa'nduk yorage logonet, “It aap Pariti nogo nen iniki laakot logonet, yokkirogo menggaarak me, roti piike menggi kwak inoone agan nugwi nogo waganggwi kiyo, tum wakkologo logonip o.

Lukat 6:42

Ndi, eyo obate mbanak kit kinigen me worekkaga'lek logonet, Nore. Kenegen anggup worekkeya, ti nonggop togon yoriyak mbakop? Aap pilit pugungga kit aret! Eyo obate mbanak kit kinigen me milinik wonage nogo aa'nduk mbo nappunuk, kinore enegen anggup worekkoorak perak, op kaamunggup o,” yinuk, yoragagerak.

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

Oroma 1:29

Pulunogo mbo piyareegerak me, yi maluk ndi maluk alitik-alitak lombok ambik aret eeko nogogwaarak. Eeko logonet, maluk mban eerit nugwi, uugwe-uugwe mbakwi, inogogumbuk logonet agan nugwi, neebi-keebi yogwe, aap wakwi, yawi pugwi, inambokan laganggwi, inanini agaket yogwe, togot-togot wone yogwe,

1 Korindut 14:20

Noreewi o. Kit kiniki koonggwi nogo ti, it wologwe-mbuulogwe iniki koonggo mengga kwak, kiniki togop koonggo logogup o. Ata, it aap iniki warak koonggo menggaarak pogom koonggo logonip o. Maluk eeriyak eekkinake kero, elege awo ngget ndarak maluk ineenggo'lek menggaarak nogo pogom, kit togop aret logonip o.

1 Korindut 5:8

Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

Epetut 4:31

Kinoreewi kinom ogoorak wonogwe, neebi-keebi yogwe, nanini-kanini yogwe, wone wakwi, miyuk-meya eerogo piigwi, kinoreewi maluk eeppiigo monggotak nogo mendek abok aret mbo pogo logonip o.

1 Tetalonika 2:3

Nit kinaruk wako logonet, yokkirogo monggoorak nogo ti, nit nineenggo'lek logonet yokkirogwe, nit ambi kolaawok nduk yokkirogwe, kinambokan laganuwok nduk, pilit wone yokkirogwe, eekulik o.

1 Timotiyut 3:11

It inakuwi ti togop aret inayuk warak logonet, wone inambe irip paga wonok nugulik kenok, iniki warak kenok, ndi, yi eekwi ndi eekwi ineenggi omaawi eerit nugwi kenok, kumi togoti mendek iinok, it inogonggelomini aap yeenggwaaragak mippiyoorak op aret o.

Titut 2:3

It kumi inanggok ti, it eeko menggaarak liippunuk, Ala ayuk wuko logonet, eeko logowak nduk, aap inanggok yoroorak yokkigirak nogo ndak-ndak aret yorage logot o. Inambe irip paga wonok nugwi, amburu kumili aganake mendek ndonggorogon nunggwi, ti eeko logorak lek o. Ata, wone abe wone kenok mban mamunirogo logowak nduk, yorage logot o.

Iberani 12:1

It aap abet mba'nuk, eeko nogogwaarak yogoorak nogo nen, “Nit eeko nogogurak nogo ndak-ndak eekwi iyaamun ilik, lek a?” yinuk, ineebe apit aago wanggerak inigen wo'ninakwi negen wonogwe me, tu mbe agan nogo logonet, ninogowa lek age kero, yi mendek ndi mendek ninoba luurik wonage nogo inom, maluk mendek kagak, nit eeriyak ninikilom mbako logonet, yilinogo pinanege menggerak nogo mendek inom, abok aret nggonenogo mbo punuk, “Mbe agan ti kuli aret mi'nari nanip o,” yinuk, yo'niragagerak nogo, mondok ninogogumbuk a'nuk, mbe agan mi'nari nogo logowok o.

Yakobut 1:21

Eeriyak lek mendek peyak wurik pogom kagak ugun eekwi, ndi, yi maluk ndi maluk eekwi, eeko monggotak nogo abok aret mbo punuk, kiniki yanggonak logonet, wone ninagap ndariyak wone Ala nen ninikime awi yappinanege menggerak wone nogo mban liirogon waganggo logonip o.

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.

Yakobut 4:11

Nowe-nawot o. Nabok-kabok yuurak mage o. Kit nen kinowe-kinawot inabok mbanggwi, inowak loonggwi, eekwi ti, “Ala nen wone lengganogo yo'niragagerak ti maluk yereegerak,” mba'nuk, yogo logonet, Ala owak loonggwi negen eekwi me, kit wone lengganak eeka mendek lek o. Kit Ala owak loonggo monggotak mendek aret kinombakwi me, togop eerugup o.

Yakobut 4:5

“Ala nen Aberiniki ninikime mambinaneegerak wonage kagak, niniki nengge nogo mugurok nogwe niinok, Aberiniki nogo nen, Ao, yinuk, iniki wakkolage menggerak o,” yinuk, Ala wone liiru mbaneegerak nogo ti, we mbaneegerak mbakop?

Yakobut 5:9

Nowe-nawot o. Ala nen maluk onggo eeppinagi wage kero, kiniki laakit-laakot mbako logonet, at ambi abok mbanggak eeko logogup o. Ninowak loongga nogo ti, muk tu ngga'nggi paga panggoni wagaarak wonage yi kaanip o.

1 Peterut 2:16

Kit aakumi inayeloman kwak lek o. Kit it aakumi we ugun wondet aago nugu menggaarak nogo mendek aret wonogwe me, “An wondet eerogo paneegerak me,” yinuk, kiniki teeluk logonet, ugun maluk eerit nogo logorak mage o. Ata, “An Ala ayeloman aret o,” yinuk, at yokkirage kenok mban eerit nogo logonip o.

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.

1 Peterut 4:4

it aakumi Ala wone ineenggo'lek mendek nogo iniki mondok lek me, “Nit yi maluk ndi maluk eekwi yi, abu aret eeko,” mbaka'lek eerit mban nogo logonet, “It ninom eerit nogwe lek yi, nano nduk puk wonogwe mbakop? Wi!” yinuk, kinomba'nuk, meek eerogo pinagagwi kwe,

Wayu 14:5

It nogo pilit wone ambi abu yogolik me, maluk ambi inoba mondok lek aret iigirak o.