1 Peterut 1:12 - Ala Wone Peenok Peebi Mbanak

¹² Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

1 Peterut 1:12 ပူးပေါင်းရင်းမြစ်များ

Kini Wuppiige 1:23

An kinaruk wakirak nogo liirogon konenenetak en niniki ee'nake nogo kilikkirage, Ndi, niniki koonit nage nogo kineenu eeppinagage, Ee'netak kwe,

Yetaya 32:15

Eekwi iigak, Aberiniki agi nen ninoba wuppinani woraagin o. Wuppinani wage kenok, o karume nogo nggween mondok mili lubuk eerogo pemenggerak paga anggen ambik aret yege, Anggen yege menggerak yabume yarak nogo eyoongga kunik negen eerogo pege, Eerigin o.

Yetaya 53:1

Wone nit agan wogoorak nogo taani nen abet mbakwi, Ndi, at Aliku ALA eenggi omaawi tiyanak nogo, taamini nen inigen kogwe, Eereegwaarak mbakop?

Ndaniyen 10:1

At aap Koreti aakumi Peritiya mendek inowe endagembogut a'nuk, wone lengganogo yorage kagak tahun mbere eeppunuk, ambi eeke ti paga, at Ndaniyen, endage ambi Mbelatatat toonak nogo, at Ala eeriyak ambi abinggaanggo paga yoreegerak. Wone ti abet aret yoreegerak kwe, aaninggin lombok kenok, at Ndaniyen nen, “Nonggop kagi?” yinuk, iniki koonit nage me, “Alom ti nduk, kagandak o,” yinuk, abinggaanggo paga yoreegerak nogo yi aret.

Ndaniyen 12:13

Ndi, kat perak, liippunuk eerit nage keegak, age wobok ari woraagin me, kiniki ugun nak o. Yonggonggologo menggam yonggonggolage logomenggendik, ti'nuk, o age yubuni wage eyom paga kat ambi eeppagarak kake punik nogo kolaamunggun nduk, mi'narumunggun o,” yinuk, yo'nege kagagirak.

Ndaniyen 12:9

Yoge mbaki, at nen an yo'nege logonet, “Ndaniyen wae. Wone yokkigirak mbuku paga liiru mbanak yi, lambunogo amburu nabenogo punuk kiraarak kagak o age yobok kuli aret ari woraagin me, yogondak we aret nak o.

Ndaniyen 2:19

Yorage nagagerik, Ala yo'nuk nogo yugwi me, at Ala nen Ndaniyen abinggaanggo paga wone nobarak nogo, kin paga yoge mbareegi, at Ndaniyen nen at mbogut unde menggerak Ala nogo alut eereegerak.

Ndaniyen 2:22

Wone nobarak ineenu ariyak meek mendek nogo, yelok kaawak nduk, kin eeppege, O yumaak paga wonage abok aret at eenu wonage, Eeke menggerak me, At eebe paga eya mban ndak warak menggerak o.

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Ndaniyen 8:13

Ti'nuk, at alik leenak ambi nogo nen wone ari mbareegi, at alik leenak ambi nen onggo yoge logonet, “Ko'lu-kii'me ake warogo wogogwi nogo lek age, Ala ambinom mugurok noorak nineebi o, yinuk, inenggaawak lek eerogo pakwi, ndi, at alut eeko menggam alik leenak wonage nogo maluk eerogo pugwi, at mbogut paga menggerak awuri ineegin warak tebenogo piinok, iniyok aan lebenogo piigwi, eekwi kabinggaanggo paga kagandak nogo, eekwi iigak ne mande ari nagin mbaken o?” yinuk, nabi paga yo'nege kagagirak.

Ndaniyen 9:24

It aakumi kat mendek inom, kat kagota alik leenak nogo paga menggaarak inom, Ala wone yugu taganogo pit nogwe ti, Nineebi o, yuwak nduk eeppiige, Nit maluk eekwi nogo nineebi o, yinuk, mbo puwak nduk eeppiige, maluk eeko nogogwaarak nogo, aaninggin kaawak nduk, eeppiige, eekaatak onggo mondok a'me nggelok eeppiigak yuwak nduk mippiya wage, kabinggaanggo kagandak alom inom, Ala nen yorage kagak yoraga nen yorogo nogogwaarak inom, nogo ndak-ndak eeke, at abu alik leenak menggerak nogo amburu eerogo mippege, eeriyak eyom koonak nogo ti, tujuh puluh kali tujuh aret.

Yowen 2:28

Ti eeppege logominggirik, yi aakumi ndi aakumi abok aret Naberiniki inoba wuppi woraagin o. Wuppi wage logominggirik, inapuri wologwe-komologwe yorage neegak, an ari nogo yoranet nugwi, Inogobamini inanggwok nen inabi kogwe, Inapuri wologwe tawe nen inabinggaanggo kogwe, Eeko logogun o.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Matiyut 11:25

O ti eyom paga Yetut nen at ogoba yoge logonet, “Mbogut-nggween unde nogoba wa! Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, it elege-aabologwe kwak mban paganogo yoragagindak me, wa!

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Matiyut 16:17

Yoge mbareegi, Yetut nen, “Yunut aput Timon nore wa. Aakumi nen paganogo yokkirulik o. Ata, an nogoba mbogut paga mendek nen aret paganogo yokkegerak me, kiniki ale'nggen aret mbake logot o.

Marakut 16:15

Mberirage nagagerik, yorage logonet, “Kit yi awi ndi awi o nggween paga yime abok aret nogo logomonggotik, it yi aakumi ndi aakumi wone obeelom wone yoranet nugu logonu o.

Lukat 15:10

Nogo ti ndak-ndak aap maluk eeko menggaarak ambiriluk ambi nen maluk eeke nagagerak nogo iniki koombunuk, mbo pege kenok, it Ala yonggo nappiya wage menggerak malayikat nogo nen iniki ale'nggen aret mbako logogun o, yinuk, yokkirage agarik o,” yoragagerak.

Lukat 2:26

Aberiniki at oba wonage logonet, ninogoba Ala nen leenogo mippemenggerak Keritut nogo, enegen kaga'lek kagak kambigin lek eenu eeppereegerak me,

Lukat 9:6

Yorage nagagerik, nappiyareegerak nogo nogogwaarik, yi yaga'lelo ndi yaga'lelo unggwit nogo logonet, obeelom wone yoranet nugwi, aakumi obeelom eeginabit nugwi, eerit nugu nogogwaarak.

Yaya 15:26

Ala ndogop menggerak o, yinuk paganogo yokkirage logonet, kiniki eyak wappinagage logowak nduk, Aberiniki an nogoba wonage me nen nappi woraminggirak wage logomenggerik, an nabok paganogo yokkirage logogin o.

Nappiigak 10:44

At Peterut awo togop yorage kagak, it wone koneneegwaarak nogo abok aret Aberiniki inoba wuppi wagagerak.

Nappiigak 16:10

Kage nagagerik, “At Ala nen nit obeelom wone aap Makendoniya mendek yora nawak nduk, ninayonggo pegerak kogo o,” yinuk, mbet-mbet wunda nawok nduk eereegurak.

Nappiigak 2:33

Ala nen eenik agago mippege nagaarik, eenggi abe'nggan logowak nduk, tiyappegerak me, ogoba nen, Aberiniki wokkiraagin o, yinuk, yereegerak nogo wagangge nagaarik, wu'nira wagaarak paga nit eekwi kinigen niigwi, yogwe kinaruk konenggwi, eeko ogotik o.

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Nappiigak 4:8

Ineegwa'me waganggo mbareegwa, at Peterut nogo Aberiniki inikime lik ari mbareegi, yorage logonet, “Kit aakumi Yakuri inarum monggotak inom, ninogobamini inom, wone ambi yokkira o.

Nappiigak 8:25

It Peterut Yaya imbirak nogo nen, “Yetut togop eeke kogoorak o,” yinuk, paganogo yorogwe, Ala wone yorogwe, eeko nogogwaarik, iname Yerutalem iniyok paga wogo logonet, o Tamariya yaga'lelo ambik nogome wone obeelom wone yoranet ya unggwagak eerit wogogwaarak.

Oroma 1:15

Togop me, kit o Oroma mendek kunduk, an nen wone obeelom wone nogo wonok, mbet-mbet yokkira woroorak uugwe lombok mbake agarik o.

Oroma 1:17

“Aap ambi abet mbake kenok, Ala nen obeelom agago pemenggerak me, eenik aret logogin o,” yinuk, yereegerak liiru mbanak nogo ndak-ndak, Ala nen nonggop togon aakumi iniki koonogo obeelom eeginake menggerak nogo, wone obeelom wone ti paga aret nineenu age menggerak. Ala nen aakumi obeelom eeginake nogo ti, abet mbakwi ti paga mban aret o.

Oroma 15:19

Aberiniki nen omaawi eeppanege kagak, inagabiti warak mendek eeke, eerubok mendek eeke, eerit nage nagagirak nogo, ti mban mbininogo yokkirage agarik o. Ti eerit nege logonet, o Yerutalem enaagan-ambokan time nen o Ilirikum kuli aret Keritut eeke nagagerak obeelom wone nogo abok aret yoranet nege nagagirak o.

1 Korindut 2:10

at Ala nen wone kote kumaarak wonagagerak nogo, it aakumi ugun wonogwe nogo ineenu eeppiyoolik o. Ata, nit mban kin kaawok nduk, at Aberiniki yoge kagak, nit yo'niragagerak. At Aberiniki nogo nen yi wone ndi wone alom abok aret liippege menggerak me, liippege logonet, Ala nen agote inikime lombok koongge menggerak wone nogo, inom aret maloppunuk, yo'nirage menggerak.

2 Korindut 1:22

Wam kugi aanggo yelok kogo logowak nduk, aruk nggaganogo pogo mengga kwak, nit Ala apuri leenak yelok niigo logowak nduk, eerogo pinanege, ndi, “Eeppinagagin,” yereegerak nogo, “Peebi abet aret eeppinanigin,” mbaruwok nduk, Aberiniki ninikime yilinogo mambinanege, eereegerak.

2 Korindut 6:6

niniki mondok abe paga yokkirogwe, nit wone nineenu abok aret kineenu eeppinagagwi, ninaanaganggenggwi lek kwi'ndak logonet yokkirogwe, kinabuwa nen yanggorogon kinaruk wakwi, Aberiniki ninom kunik logonet mamunggirogwe, nineebi mbaka'lek ninom abu kunik logonet yokkirogwe,

Nggalatiya 1:12

An yorage minggirak nogo ti, aakumi inoone yugu waganeegirak lek o. Ndi, it aap ambi nen mamunnereegwaarak paga agan nege minggirak kunduk lek mban. Ata, Yetut Keritut nen lalin negen eeppaneegerak paga yoranet nege minggirak o.

Nggalatiya 1:16

it aakumi endekem konenggulik mendek an yoranet nage logokit nduk, at aput Yetut ni'neyoorak inikilom nomba'nuk, ni'neege mbareegi, “Yi nonggop ee'naki?” yinuk, it aakumi ambi nen yo'niruwak nduk, inowagam yora nage,

Epetut 3:10

Ndi, wone koonak kumaapporogo wonagagerak nogo ti, nit Ala apuri yi awi ndi awi kuwak eerit nogo monggoorak nogo nen, wone ti woppunuk eerit nogwe paga, it mbogut paga menggaarak malayikat inom, it inayuk warak o oolo yayi menggaarak inom, it abok nen, “Ala iniki mondok warak logonet, yi wone ndi wone koonogo eeppiige menggerak nogo, yogondak yi aret kogo o,” yinuk, ineenu aruwak nduk, kumaapporogo wonagagerak.

1 Tetalonika 2:9

Noreewi o. Nit eerit mban nogo logonet, ndeyak eerogo pinaneegerak nogo ti, kiniki abe'nip o. Ala nen yo'niragagerak wone obeelom wone nogo yokkirogo logonet, “Kit mban ambinom aaninggin kinoba pinagukwak,” mba'nuk, nit nen liingge inom, oonikiya inom, eekko'net nogo nogogurak nogo o.

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

Iberani 11:13

It aap ti abok aret, “Wokkiraagin o,” yoragagerak wone nogo, agalu'mok negen o nda taati wage inigen nakkogo nogogwaarik, “Nogo yi aret ee'ninabi wage kogo o,” yinuk, iniki ale'nggen mbako logonet, “Nit aap o nggween paga yime ninaworak wonogwe lek o. Aap nggiru negen aret ogoorik o,” yinuk, wone yugu eebe liirogon woolik kwe, “Abet aret wo'niraagin o,” yinuk, iniki abet mbareegwaarak ti paga, eebe waganeegwaarak negen aret logonet, kambit nogo nogogwaarak.

Iberani 2:4

“Wone yi abet aret o,” yinuk, waawok nduk, Ala nen ninagabiti warak mendek eeke, tam warak negen eeke, eerubok mendek eeke, eerit nage logonet, ninalitak lombok eeko logowok nduk, at Ala iniki mbareegerak nogo ndak-ndak Aberiniki nen tumbu'niragagerak kwe, mbo pugwi niinok, teppinanigin mbakop? Mondok lek aret o.

Iberani 4:2

Ninombomini wone obeelom wone yorogogwaarak koneneegwaarak kwe, iniki abet mba'nuk woolik me, wone ti paga ambi obeelom eekkoloolik we aanom warogo koneneegwaarak nogo kokwak, nit togon ndak-ndak, obeelom wone yo'nirogogwaarak nogo, abet mba'nuk wagangga'lek kenok, unggwi noorak meek age kero, liippogo logowok o.

1 Peterut 4:6

Togop me, it kambeegwaarak nogo ti, “Aap maluk aret o,” yinuk, ineebe andi-pandi eerogo piigwi iigak, kambeegwaarak kwe, at Ala eenik menggi kwak, it ndak-ndak inogoma mondok-mondok ineenik logowak nduk, obeelom wone yoragagerak nogo o.

Wayu 5:11

Ti eekwi iige neegak, wone lengganogo yorage menggim eyo ndoonak nogo inom, it aakumi nen iigulik mendek ineebe nogo inom, it mbogut paga wonogwe inoweewi nogo inom, oolo wonogwe iigak, it malayikat ineebe ambik ineenggi lingginiyak mondok meek lombok wanggerak wonogwe nogo nen inoone nggwok paga ndawi wako logonet,