1 Peterut 1:1 - Ala Wone Peenok Peebi Mbanak

¹ Kit Ala iniki mba'nuk miikkinabeegerak o Pondut inom, Nggalatiya inom, Kaparokiya inom, Atiya inom, Mbitiniya inom, o time yi awi ndi awi mbaganit nogogutak aap nggiru negen wonogwe nogo, at Yetut Keritut ayonggo nappiigak mendek eerogo paneegerak an Peterut nogo nen wone ambi yokkira o.

1 Peterut 1:1 ပူးပေါင်းရင်းမြစ်များ

Etet 3:8

Waganggo mbareegwa, at Kaman nen aap endagembogut Akatiwerot nogo yoge logonet, “Nogoba wae. Yi o ndi o kat kabu'me piige menggenom yi aakumi ndi aakumi ninenggela'me aakumi alik mendek mak eerak wonogwe nogo nen, it yi aakumi ndi aakumi eeko mengga kwak eekwi lek it inandogon alik aret eeko logonet, kat wone lengganogo wumbege nogo liirogon eekwi lek me, teppiyaamunggun kenok, kendage maluk eerogo pagagun o.

Ndawi 44:11

Ndomba waruwok nduk wonok nogo mengga kwak, Nineebe ninawim ineenggime piige, Yi aakumi ndi aakumi inenggela'me yumbunogo mbo pinanit nage,

Yetikiyen 6:8

Togop aret eerogo piyoorak kwe, it ando wooluwak ambeme nen nggigi-nggigi mbaganemenggaarak nogo, yi aakumi ndi aakumi inenggela'me ineenik logowak nduk, eeppiige neenok, it yi o ndi o time aret ma'narit nagun o.

Ala Unde 26:33

Inom wim mbanak nen aakumi Iterali iname nen mugogo wumbiinok, muguren inoorit nogwe iinok, yi aakumi ndi aakumi inanebunu alitak lombok inenggela'me ma'narit nawak nduk, inom wim mbanak yonggo piyaminggirak eeppiya wogwe iinok, Iterali inawi kota abe wurik ti lek age, ndi, inanggween nogo ti, we o wogo wonage, eeke logogin o.

Matiyut 10:2

It aap 12 nappiyareegerak nogo inendage yi aret. Aa'nduk ti, Timon endage ambi Peterut toonak nogo awot Andereyat imbirak nappiige, Tebereyut aput Yakobut awot Yaya imbirak nappiige,

Matiyut 24:22

Aaninggin-paaninggin inoba piyoorak eyom nogo ti, Ala nen kuli panggoppi woraagin lek kenok, aakumi inagap ndarigin lek abok aret inoorigin me, at Ala nen at apuri miirogo leeninabeegerak mendek nogo inookwi iyo, kuli pigin aret o.

Matiyut 4:18

Aap oweeluk-awuluk Timon endage Peterut toonak nogo, awot Andereyat imbirak ikan waganggo menggaarak me, at Yetut yi yenggenak Nggalileya aa'nggi paga nage logonet, ikan waawok nduk, yum ikan wagangga nogo yiime wuppugwi enegen iyareegerak.

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Yaya 11:52

Aakumi Iterali mendek inake mban ti lek o. Ata, it aap Ala apuri yi awi ndi awi mak eerak wonogwe nogo kuwak eeppiyamenggerak iniki ambit lambunik logorak inake kambuurak me nduk, yoragagerak.

Yaya 7:35

Yorage mbareegi, it Yakuri mendek inom wone mbanggo logonet, “At nggeeme namenggerak me, nit kwaakkoorak meek me yigi mbakop? It Yakuri mendek aap Yunani inenggela'me mak aago wonogwe nogo iya nage logomenggerik, inom logonet, it aap Yunani mendek mamunirage logokit mba'nuk, yigi mbakop?

Nappiigak 18:2

O Korindut nage nagagerik, time logonet, aap Yakuri mendek ambi o Pondut nda'nagagerak endage Akwila, ndi, akweeluk endage Piritikila imbirak inom lambuneegerak. Aap endagembogut Kelawuriyut nen, “It Yakuri mendek o Oroma yime logorak lek o,” yinuk, wone lengganogo yoragagerak paga, aap akwe imbirak ti, awo nggeriluk o Italiya teppunuk, o Korindut wogogwaarak. Wogo nogogwaarik, time wonogo logonet,

Nappiigak 18:23

Time wonagagerik, ti'nuk, peebi o time lambembunuk, yi awi ndi awi o Nggalatiya inom, o Perigiya inom, yanggwagak nege logonet, Yetut oone waganggwi nogo iniki nu'lek logowak nduk, yoranet nege nagagerak.

Nappiigak 19:10

Eekwi iigak, tahun mbere eereegerak me, it Yakuri mendek inom, it Yunani mendek inom, o Atiya wonogogwaarak nogo abok aret ninogoba Yetut eereegerak wone konenggo nogogwaarak.

Nappiigak 6:9

it Yakuri mendek o Kirene nen, Alekandiriya nen, Kilikiya nen, Atiya nen, it Yakuri kuwak eeko menggam endage Wondet Eerogo Pinaneegim tooneegwam nogome kuwak eeri wogo nogogwaarak nogo nen, Tepanut inom wone wareegwaarak.

Nappiigak 8:4

It Ala apuri kole ma'narit nogogwaarak nogo nen, yi awi ndi awi wone obeelom wone yoranet nugu nogogwaarak.

1 Korindut 16:19

It Ala apuri o Atiya kuwak eerit nogo menggaarak nen kit keyage wappinagaga o. Aap Akwila akweeluk Piritikila imbirak inom, it Ala apuri iname kuwak eeko menggaarak inom, it kinom iniki kunik lombok me, “Ninom Ala apuri aret o,” yinuk, keyage ambik wappinagaga o.

2 Korindut 1:8

Nit o Atiya wonogwe me, aaninggin ninoba agagerak nogo, kit kineenu arubagip nduk, yokkiraawi o, noreewi. Nit o Atiya wonogome, aaninggin-paaninggin mondok iya lombok ninoba age mbareegi, “Lek ariyak lek me, kambuurak op aret kogo,” mbareegurak.

Epetut 2:12

Nogo ne ti eyom paga, it aakumi Iterali mendek mban Ala apuri leenak wonogwe iigak, kit Keritut kinom ogoorak logonet, we aakumi nggiru negen aret wonogogutak me, at apuri iinok, wone abok yoragagerak nogo, kit koloorak meek aret wonogogutak. Kit aa'nduk kinogoba Ala lek me, kiniki lunik ambi lek

Epetut 2:19

Ti kenok noreewi o. Yogondak kit aap nggiru alik mendek wonogwe lek o. Kit ninom ndak-ndak Ala apuri aret me, mbogut paga ninaworak aret ogoorik o.

Pelaareegerak 28:64

At Aliku ALA nen kit o nggween alom me nen nggween irip me yi aakumi ndi aakumi wonogwe inenggela'me time mak eerogo nappinagamenggerak time wonogo logonet, kit inom, kinombomini inom, kugi kineenggo'lek mendek ogut eyo paga a, yugum paga a, ogobakkigirogo Ala obaane'me mippogo logomonggotik, alut eeko logomunggup o.

Pelaareegerak 32:26

An Ala nen, It mak eerogo piige, Aakumi inenggela'me inendage aberak logokwak, kobak eerogo piige, Eerigin, yereegirak kwe,

Pelaareegerak 4:27

At Aliku ALA nen aakumi inanebunu alik mendek inenggela'me logomunggup nduk, mak eerogo pinagamenggerak inenggela'me wonogo logonet, it ando kambit nogwe iigak, kit ando mbereeluk mban kineenik aret logomunggup o.

2 Timotiyut 1:15

It o Atiya menggaarak aap Pigelut kunduk, aap Eromogenet kunduk, abok aret an mbo paninuk mbaganeegwaarak nogo ti, kat keenu aret o.

Iberani 11:13

It aap ti abok aret, “Wokkiraagin o,” yoragagerak wone nogo, agalu'mok negen o nda taati wage inigen nakkogo nogogwaarik, “Nogo yi aret ee'ninabi wage kogo o,” yinuk, iniki ale'nggen mbako logonet, “Nit aap o nggween paga yime ninaworak wonogwe lek o. Aap nggiru negen aret ogoorik o,” yinuk, wone yugu eebe liirogon woolik kwe, “Abet aret wo'niraagin o,” yinuk, iniki abet mbareegwaarak ti paga, eebe waganeegwaarak negen aret logonet, kambit nogo nogogwaarak.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.

1 Peterut 2:11

Nowe-nawot o. Kit aap nggiru negen nggween paga yi awi ndi awi mbaganit nogogutak nogo, kit an niniki kunik me wone ambi yokkira o. Kit kiniki nen nengge mugurok noorak kineebi mbakwi kiigak, nikkiren nage nogo, mugurok noorak ti mage o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.