1 Korindut 9:8 - Ala Wone Peenok Peebi Mbanak

⁸ An wone yokkirage ti, nit aakumi abok eeko monggoorak nogo mban wakkagak yokkirage ti lek o. Ata, maan Ala nen Muta wone yoreegerak nogo, togop aret liiru mbanak wonage nogo lek a?

1 Korindut 9:8 ပူးပေါင်းရင်းမြစ်များ

Yetaya 8:20

wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Oroma 3:31

Ti kenok, nit abet mbakwi ti paga nen wone Muta yoreegerak nogo taganogo pugwi mbakop? Lek o. Wone ti aret omaawi eerogo pogo ogoorik o.

Oroma 3:5

Nit abe koonak eeka'lek maluk eekwi paga nen Ala abe koonak mban eeke menggerak yelok kogwe kenok, nit nonggop yuurak mbakop? “At Ala anini nen maluk ee'ninake ti, at liippinanega'lek logonet, eeppinanege menggerak kogo o,” yinuk, togop yoriyak op mbakop? An yagi ti, aakumi yogo mengga kwak yagi o.

Oroma 6:19

An wone yi yokkirage ti, kit aakumi aret me, aap nen yogo mengga kwak aret yokkiragi o. Kit maluk ayeloman logonet, kiniki nengge kenok, eekwi, maluk eerit nogo logorak eekkinake kenok, eekwi, eeko logonet, kineenggi-kiniyok abok aret ili yikkolaga'lek, “Eeruwok aret,” mbarit nogo nogogutak nogo kokwak, yogondak Ala ayeloman at ake leenak logonet, maluk eeka'lek obeelom mban eerit nogo logobagip nduk, kineenggi-kiniyok abok aret Ala mban wogo'nuk logonip o.

1 Korindut 14:34

At Ala nen ari logonet, “It kumi ti, inoone yuurak lek o. Aap inabu'me tebe yinuk, inoone konenggo logowak o,” yinuk, Muta yoreegerak liiru mbanak nogo ndak-ndak, it Ala apuri alik leenak yi awi ndi awi kuwak eeppunuk, eeko mengga kwak, kit togon, kuwak eeppunuk logonet, it kumi ti, inoone lek puk logowak o.

1 Korindut 7:40

Aap kolaga'lek we logorak mbake kenok perak, iniki ale'nggen ambik kage logogin mbake agarik o. An mbake logonet, yokkiragarak ti, Ala Aberiniki nen yo'nege kagak yokkirage mbake agarik o.

Nggalatiya 1:11

An wone obeelom wone yoranet nege minggirak nogo ti, it aakumi nen iniki koombunuk agan nugu menggaarak nogo mendek wagangge nagagirik, yoranet nege logolik o, yinuk, kineenu arubagip nduk yokkiragi o, noreewi.

1 Tetalonika 2:13

Togop me, Ala wone yokkirogogurak konenggo logonet, “Yi we aakumi inoone lek o. Yi Ala wone nit abet mbakwi ninikime koonninake menggerak wone abet aret o,” yinuk, waganeegutak me, nit puk aga'lek kulinik-kalinik, “Ala wa,” yogo monggoorak.

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.