1 Korindut 9:7 - Ala Wone Peenok Peebi Mbanak

⁷ It yigin unde nogo ineebe op logorak nduk, ineenggi paga mban nggik-palek eerogo nonggo menggaarak mbakop? It aap yabu eeka nen anggen yugu mbanogo ando it nunggulik mbakop? Ndi, it aap ndomba ndegeninaka nen ndomba inelak amburu toologo it ando noorak meek mbakop? Lek o. It yabu eeko menggaarak abok aret onggo anggen mbanogo nonggo menggaarak aret o, yinuk, yokkiragi o, noreewi.

1 Korindut 9:7 ပူးပေါင်းရင်းမြစ်များ

Kini Wuppiige 27:18

Aap ambi eyo wuli liirogon unde wonage paga anggen yege nogo mbanogo nengge, Ndi, aap ambi nen ogoba liirogon ndegengge paga at endage tiyappugwi, Eeko menggaarak.

Kini Wuppiige 27:27

Kambin elak amburu ti, kat inom, kaaganapuri inom, kinambi nunggo logomunggup nduk koonogo pege, Ndi, kayeloman mini kumi ineebe op logowak nduk, wogorage, Eeke logomunggun o.

Ndawi Iya 8:12

An neyabu anggur yarak ti perak, An mban unde logonet, nobaalombok koongge minggirak me, Wu seribu ti, kendagembogut kat Talomo wokkege, Ndi, wu dua ratus ti, it aap anggen mbanak unde wonogwe nogo wogorage, Eeke agarik o.

Yetaya 7:22

inelak amburu ambik aremenggerak ti paga inelak amburu longgo warak nengge logogin o. It aap o time awo wonogwe nogo inalitak lombok nen yilak amburu longgo warak inom, nggiin amburu inom, nonggo logogun o.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Pelaareegerak 18:8

Ndi, naakit nduk, ogobamini ineyate wogoreegwaarak wu kunemenggerak nogo ko'nok namenggerak kagak kwe, it aap Ala unde ando Ala ake pugu waganggwi ti ndak-ndak aret wogogo logowak o,” yoragagerak.

Pelaareegerak 20:6

aap ambi eyo anggur awi yaremenggerak kwe, anggen awo mbanggolaga'lek kagak wim nen wakwi iinok, aap alik nen anggen mbanogo nengge logokwak me, ame noorak op aret o, yinuk, yoge,

1 Timotiyut 1:18

Ndi, naput Timotiyut wae. Wone lengganogo yokkigirak ti, mondok unde logonok nduk, yokkigi o. Kat awo eeka'lek keegak, “Peebi ndogop eeke logomunggun o,” yinuk, yokkereegwaarak wone nogo ndak-ndak aret yokkigi o. Kiniki abet mbariyak inom, kiniki obeelom koonnage kenok mban eeriyak inom, mondok nggirik-nggerok agago porogo logonet, aap wim waka'ngget menggi kwak, kat togop aret kalilaakwi eerit nage logot o. It aap ando iniki obeelom koonnage nogo taganogo punuk, alik eerit nugwi me, yiiro eyo paga lik ari logonet, yigirik-noonom age menggi kwak, it abet mba'nuk waganeegwaarak wone nogo togop aret yigirogo mbo pereegwaarak me nduk yokkigi o.

1 Timotiyut 6:12

Nit abet mba'nuk mugurok nogwe nogo, kat kunduk mugurok nage logonok nduk, mondok wakkagak eeke logot o. Ndi, keenik mondok logonok nduk, kayonggo pege mbareegi, kat abet mbareegindak aakumi ambik inenggaanom paga paganeegindak nogo, nggirik-nggerok agago porogo logot o.

2 Timotiyut 4:7

Nit abet mba'nuk mugurok nogwe nogo kolaawok nduk, wakkagak eeko monggoorak nogo ti, an mondok wakkagak eeke nagagirak o. “Kuli ndi paga mbe agan mi'nari nak o,” yorogwe iinok, mbe agan mi'nari nogo mengga kwak, an abu irip paga kuli mi'nari wagi o. Nit wone abet mba'nuk mugurok nogwe nogo ti, an mondok aret porogo wonagagirak.

1 Peterut 5:2

Kit Ala apuri inarum logobagip nduk, mippinagareegerak nogo, “Kineebi,” mbako logonet, inarum logorak ti mage o. Ata, Ala iniki mbake ndak-ndak, “Inarum logokit,” mbako logonet, ndomba ndegeninako mengga kwak, Ala apuri ti, togop aret ndegeninako logonip o. Ndi, onggo koloorak paga mban kiniki lunik logonet, ndegeninako logorak ti mage mban. Ata, we kiniki ale'nggen paga aret ndegeninako logonip o.