1 Korindut 9:14 - Ala Wone Peenok Peebi Mbanak

¹⁴ Ti ndak-ndak it aap wone obeelom wone yorogwe nogo, ineebe obeelom logowak nduk, “It waganggo menggaarak nogo nen yi mendek ndi mendek wogorogo logowak o,” yinuk, ninowe nen koonogo pereegerak.

1 Korindut 9:14 ပူးပေါင်းရင်းမြစ်များ

Lukat 10:7

It aakumi nen kit wokkinaburak mbakwi iinok, iname kinom time aret logonu o. It aap yabu eeko menggaarak yabu onggo woorak op aret me, kinom logonet, kinambi yi mendek ndi mendek makkirogwe iinok, ti aret nonggo logonu o. Ya nogo yegak nda nogo yegak eerit nugu logobok o.

Lukat 10:8

Kit o kota ambime unggwi namonggotak me, keyage warogo wokkinakwi iinok, inambi makkirogwe ti aret nonggo logonu o.

Nappiigak 18:3

mbogoyum o wuriyak yum penggaakwi me, Pawulut iya nage nagagerik, at kunduk, yum o wuriyak penggaakwi eenu me, inom logonet, penggaake nagagerak.

1 Korindut 4:15

Kinarum logonet, Keritut eeke nagagerak wone mamunggirogo logorak nogo, ineebe apit sepuluh ribu negen logorak op aret kwe, abok kinogobamini lek o. Keritut Yetut nen nappaneegerak kinenggela'me logonet, obeelom wone iyaalok yokkirage nagagirak nalik aret me, kinogoba an nalik aret o.

1 Korindut 9:11

Togop ndak-ndak, nit nen Ala wone nogo kinikime awi yappinagareegurak me, yogondak anggen yugu kit kinamendek ando nit wo'niroorak meek nduk yogo ogotik?

1 Korindut 9:12

It iyaalok Ala wone kinikime awi yappinagulik mendek nen, “It inamendek ando wo'niraagun,” mba'nuk, kinoba aberak wonogwe iinok, wogorogo monggotak kwe, nit iyaalok yappinagareegurak nogo nen, “Wo'niraanip o,” yinuk, yokkiroorak meek mbakop? Yokkiroorak op aret kwe, obeelom wone Keritut yo'niragagerak wone nogo wiganit nage me, non mbambukwak nduk, “Wo'niraanip o,” yokkiraga'lek nineenggi paga nen mban eekko'net nogo ogoorik o.

1 Korindut 9:16

An obeelom wone yoranet nege minggirak nogo ti, Ala nen, “Yoranet nege logot o,” ari kenok, yoranet nege minggirak ti paga an wogoppatiyak abu lek o. An wone obeelom wone yoranet nege lek neenok, maluk eeppaniyak me, nagabiti mba'nuk, yoranet nege minggirak.

1 Korindut 9:4

“Lek o. An Ala eyabu eeke nogo onggo kinambi-kinagi ma'ninip o,” yokkiroorak meek mbakop?

2 Korindut 2:12

An Keritut eeke nagagerak obeelom wone yoraakit nduk, o Torowat wage nagagirik, obeelom wone yorage logokit nduk, “Ala nen tu koonogo paneegerak kagi,” mbareegirak kwe,

Nggalatiya 6:6

Nit Ala wone konenggo monggoorak nogo nen, ninamendek obeelom nogo mogonogo ninogobamini mamunnirogo menggaarak nogo wogorogo logorak ti op aret o.

1 Tetalonika 1:5

Nit nen wone obeelom wone yokkira wogogurak nogo ti, we nit ninoone paga mban lek o. Ata, Aberiniki omaawi eeppinanege kagak, yokkirogogurak paga kinikime nen, “Ie! Wone yi, mondok abet aret yo'nirogwe iigo o,” yinuk, waganeegutak nogo o. Kit mamunggolaabagip nduk, nit kinenggela'me logonet, nonggop eerit nogo nogogurak nogo ti, kineenu aret o.